Restart

Extra

*A..B..*

*A..B..*

သားသားကို လက်ရေးကျင့်ပေးနေတုန်း ရိပေါ်က ကျောင်းစာလုပ်သည်။ ဦးကျန့်ကတော့ သူ့အလုပ်ခန်းထဲတွင် အလုပ်လုပ်နေသည်။

*မနားကြသေးဘူးလားကွ..ဒီသားအဖတွေ*

အလုပ်ခန်းထဲက ထွက်လာသည့် ဦးကျန့်က မျက်မှန်ကိုချွတ်ကာ စားပွဲပေါ် တင်ပြီး ရိပေါ်နား ဝင်ထိုင်သည်။

*ခနနေမှ နားတော့မယ်လေ။ သားသားက တစ်ညနေလုံး ဆော့နေတာ*

*ဒက်ဒီ..ဂိမ်းဆော့မို့*

သားသားက ရေးလက်စကို ရပ်ကာ သူ့ ဒက်ဒီဆီ ထပြေးလေသည်။ ဦးကျန့်က သားသားကို ပွေ့ချီကာ

*စာက ရေးပြီးလို့လား သားက..ပါးပါးက ဒေါသတွေထွက်ပြီး ရိုက်လိမ့်မယ်နော်*

ရှောင်းကျန့်စကားကြောင့် သားသားက ချာတိတ်ကို သူ့ရင်ခွင်ထဲကနေ ကြည့်သည်။

*တားတားက ခုမှ ဆော့မှာလေ..ပါးပါးကယဲ*

*ဘာ အခုမှဆော့မှာလဲ သားသားနော်။ ညနေကလဲ စာမရေးချင်လို့ ပတ်ပြေးနေတာကို..ဦးကျန့်မလာခင်ရှေ့လေးကမှ အဝတ်အစားလဲပေးရတာ*

*ဟုတ်လား..နောက်ဆို အဲ့လိုဆိုးရင် ဒယ်ဒီက မချစ်ပဲနေမှာနော်*

*ဟုတ်..သားသားလိမ်မာပါ့မယ်*

သူ့ဒက်ဒီလည်ပင်းကို ဖက်ကာ မျက်နှာလေး အပ်ထားသည့် သားသားက တစ်ကယ့်အချွဲတုံးလေးပင်။

*ဒယ်ဒီနဲ့ ကာတွန်းကား ကြည့်ကြမယ်*

ဂိမ်းဆော့လျှင် မနားတော့သည့် သားသားကြောင့် ကာတွန်းကား ကြည့်ဖို့ မြှူဆွယ်ရသည်။

သားဖနှစ်ယောက် ကာတွန်းကား ကြည့်နေတုန်း ရိပေါ်မှာ ဦးကျန့်တို့ စားဖို့ အသီးတွေသွားပြင်ပေးရန် ထလာရသည်။

အိမ်က အကူအဒေါ်ကြီးတွေကိုက ညပိုင်းဆို ပြန်ခိုင်းပြီး မနက်ပိုင်းတွေနဲ့ ညနေလောက်သာ နေခိုင်းသည်။

ပန်းသီးစိတ်တွေနဲ့ လိမ္မော်သီးတွေ၊ စပျစ်သီးတွေကိုပါ ရေခဲသေတ္တာထဲက ထုတ်ပြီး အရှေ့ယူလာပေးကာ သားသားနဲ့ ဦးကျန့်ရှေ့ ချပေးလိုက်၏။