SCROLL DOWN FOR ZAWGYI
UNICODE
CH12-WHAT GOES AROUND COMES AROUND
မစ္စတာလျိုမှာ စစ်ဆေးမေးမြန်းရန်အတွက် ခေါ်ဆောင်သွားခြင်းခံရပြီး ရှန့်မင်အော်မှာလည်း Law Firmအား ကိုယ်စားပြုရပ်တည်ရန် တစ်ပါတည်းလိုက်ပါသွားရ၏ ။ ဝူရိကား လုဖုန်းကိုအတင်းတိုက်တွန်းကာ ဒဏ်ရာကိုကုသရန် ဆေးရုံသို့ခေါ်ဆောင်သွားတော့၏ ။
ကံကောင်းထောက်မစွာပင် တံတောင်ဆစ်မှဒဏ်ရာနှင့် ဆောင်းရာသီ၏အေးစိမ့်စိမ့်အချမ်းဓာတ်မှာ နေသားကျအံကိုက်ဖြစ်သွားပုံရသည် ။ အင်္ကျီလက်ရှည်အောက်တွင် ဖုံးကွယ်လိုက်ရုံနှင့် အလွယ်တကူ မမြင်မတွေ့နိုင်တော့ပေ ။ အကယ်၍ အမေက လုဖုန်းလက်မှဒဏ်ရာအားမြင်ခဲ့သော် ဒဏ်ရာဘယ်လိုရခဲ့ကြောင်းကို အတင်းအကျပ်မေးမြန်းပေလိမ့်မည် ။
"ဒီနေ့ ခင်ဗျာရှိနေပေးခဲ့တာ တကယ့်ကျေးဇူးတင်စရာပဲ မစ္စတာလု ၊ မဟုတ်ရင် ဘယ်လိုတွေဖြစ်ကုန်မလဲဆိုတာ မတွေးရဲစရာပဲ "
ဝူရိကား လုဖုန်းကိုအိမ်လိုက်ပို့ပေးရင်း ကားထဲမှာစကားပြောနေခဲ့၏ ။
"လောင်ရှီးကလည်း အချိန်မှီပြန်ရောက်လာပေလို့ပဲ ၊ ဘာပဲဖြစ်ဖြစ် အဆိုးဆုံးအခြေအနေမရောက်ခဲ့တာ ကံကောင်းတယ်ပဲပြောရမယ် "
လုဖုန်း ကားနောက်ခုံမှာထိုင်နေရင်း လက်ကောက်ဝတ်ကို တစ်ချက်လှည့်,ကြည့်နေမိ၏ ။ လက်ကိုစည်းထားသောပတ်တီးမှာ တင်းကြပ်နေသောငြား လက်မလှုပ်နိုင်လောက်သည်အထိတော့မဟုတ် ။
"ဒါနဲ့ ရှေ့နေဝူက သူ့ကိုဆရာ(လောင်ရှီး)လို့ခေါ်တာက သူ့တပည့်ဖြစ်ဖူးလို့လား ?"
"အဲ့လို မဟုတ်ပါဘူး ၊ လောင်ရှီးလို့ခေါ်တာမှန်ပေမဲ့ ပညာရေးမှာသုံးတဲ့အသုံးအနှုန်းမျိုးမဟုတ်ဘူး ၊ ကျွန်တော် မေတန်ဆေးဝါးလုပ်ငန်းမှာလုပ်တုန်းက လောင်ရှီးရဲ့လက်ထောက်လေ ၊ ပြီးတော့ သူကပဲကျွန်တော့်ကိုပညာတွေအများကြီး သင်ပေးခဲ့တာ ၊ ကျွန်တော်လေးစားရတဲ့ စီနီယာတစ်ယောက်အနေနဲ့ သူ့ကိုလောင်ရှီးလို့ခေါ်တာ ၊ လွန်ခဲ့တဲ့နှစ်လ လောင်ရှီး,မေတန်ဆေးဝါးလုပ်ငန်းကနေ ထွက်သွားမယ်လုပ်တုန်းက ကျွန်တော်ပါထွက်ပြီး လောင်ရှီးနောက်လိုက်ဖို့လုပ်ခဲ့တာ ၊ အစက သူငြင်းမှာတောင်စိုးရိမ်နေသေးတယ် ၊ ဒါပေမဲ့တော်ပါသေးတယ် လောင်ရှီးကသဘောတူခဲ့တယ်လေ "
YOU ARE READING
Flying Gulls Never Land [ဘာသာပြန်]
RomanceEnglish Title - Flying Gulls Never Land Original Author: Hui Nan Que (回南雀) Eng Translator : Jiraiya Status : 82 chapters ( 73 chapters + 9 extras) Generes: Drama , Mature , Psycological , Angst Chinese novel: Completed Eng trans : Ongoing ✔️Permissi...