Unicode...
မနေ့ညကအကြောင်း ပြန်ပြောင်းပြောတော့ ဦးနိုးကြားကရယ်တယ်။ ဟက်ဟက်ပက်ပက်ကိုရယ်တာ။ ပိုးစိုးပက်စက် အားရပါးရ အူလှိုက်သဲလှိုက် နှလုံးကျွတ်ထွက်မတတ် ရယ်တာ။
ဟက်....အချိန်မှားပြီး တက်ကြွနေလိုက်....
"ဒါဆို ခခလေး မအိပ်ရသေးဘူးပေါ့"
"သွား စကားလာမပြောနဲ့"
"ခခကလည်း"
"သွား...တခြားနေရာသွား"
"ဒါ ကို့အိမ်လေ...ကိုကဘယ်သွားရမှာလဲ"
"စခန်းမှာ သွားအိပ်ချေ...သွား"
** တသွားသွားနဲ့ နှင်ထုတ်နေပါတဲ့ သုခ။ စိတ်ဆိုးချင်စရာပါပေ့ ဦးတာ။ **
"ကို ဒီတစ်ပတ်ခွင့်ယူထားတာ"
"အဲတော့"
"ကိုတို့ဟန်းနီးမွန်းထွက်ကြမလားလို့လေ"
"အဲတော့"
"ချောင်းသာ သွားကြမယ်လေ"
"တစ်ယောက်တည်းသွား...သောင်ပြင်မှာဟောက်နေ...ဒီရေတက်ပြီး တခါတည်းကပ္ပလီကျွန်းထိမျောသွားပါစေ"
"ခခလေးရာ...အဲလောက်စိတ်မဆိုးပါနဲ့တော့...ချောင်းသာကျမှ... အဲဒါပိုမကောင်းဘူးလားလို့"
"မကောင်းဘူး"
"ဒါဆို ဘယ်မှာကောင်းလဲပြော...ခခကောင်းတဲ့နေရာ ပြောင်းမယ်"
"ဘာစကားကြီးလဲ...ဘယ်နေရာမှ မကောင်းဘူး"
"တစ်နေရာရာတော့ ကောင်းလိုက်ပါ"
"မကောင်းဘူး"
"ဒါဆို ခခက ဒီအတိုင်းကြီး တသက်လုံးနေသွားတော့မှာပေါ့"
အခုမှ မျက်နှာငယ်လေးနဲ့။ ဒါပေမဲ့ တအားတက်ကြွနေတာ။ ဟက်...မနေ့ညက ကာလနဂါးနဲ့တခြားစီနော်။ နေ့နိုး ညသိုး လူဆိုး ဟွန်း...။
** သုခတို့ စကားပြောနေတာကို ခိုးနားထောင်နေတဲ့ လူတစ်စုရှိလေရဲ့။ ဖြစ်ကြောင်းကုန်စဉ်ကိုသိပြီးဖြစ်တာမို့ မနေ့ညကအကြွေး ဒီမနက်များဆပ်ကြမလားလို့ မျှော်လင့်တကိုး စောင့်စားနေကြတဲ့ လူတစ်စု။ **
YOU ARE READING
ချစ်ခြင်းသက်သေ ဉာဏ်ကလိမ် | ခ်စ္ျခင္းသက္ေသ ဉာဏ္ကလိမ္
General FictionFirst Chapter Published : Nov 19 2020 Last Chapter Published : Dec 29 2020💌 စိန်ပလိန်တိန် မုန့်လင်မယား မှားနေတယ် မုန့်လင်လင်ကွ... ဪအေး ဟုတ်သား...ဟေ့ကောင်တွေ ပြန်အော်မယ်... စိန်ပလိန်တိန် မုန့်လင်လင်!!!! မုန့်လင်လင်!!!! ~~~~~~~~~~~~~~~~~~~...
