Unicode
....................
ထိုက်စိုးစံတို့ရဲ့ကားလေးပြန်ထွက်သွားသည်နှင့် မာန် ကပါ ပြန်သွားတာမို့ ဘုန်းစစ် သက်ပြင်းချမိလိုက်သည်။ ပြီးတော့လည်း အဲ့ပိုင်သူဆိုတဲ့ကောင်လေးအကြောင်းကိုစဉ်းစားနေမိသည်။
တကယ်ပဲ ထိုက် မဟုတ်ဘူးလား? ဟုတ်တယ်လေ ထိုက် ကသူနာကျင်ရအောင်ဘယ်တော့မှလုပ်မှာမဟုတ်ဘူး ။ ထိုက် က သူ့လိုမဟုတ်ဘူး ၊ အဲ့ကောင်လေးကအရမ်း အရမ်းကို ကြမ်းတမ်းလွန်းတယ် ။
ထမင်းကြော်ဗူးတွေဝယ်၍ ပြန်လာသော ခွန်း သည် မြေပြင်ကိုသာစိုက်ကြည့်၍ အလိုမကျပုံစံဖြစ်နေသော ဘုန်းစစ်ဟန်ကိုကြည့်လိုက်သည်။ ထို့နောက် -
" အကို ဘာဖြစ်နေတာလဲ ဆူပုတ်နေတာပဲ "
" ...... "
အတွေးထဲနစ်မြောနေသော ဘုန်းစစ်ဟာဘာကိုမှမကြားနိုင်တော့ပေ ။
" အကို! "
ခွန်းဆက်အိမ် အော်လိုက်တော့မှ ဘုန်းစစ် လည်းအသိပြန်ဝင်လာလေသည်။
" ဟင်....ဟမ်...."
" ဘာတွေစဉ်းစားနေတာလဲ ခေါ်နေတာကြာလှပြီကို ၊ လာစားမယ်ဗိုက်ဆာနေပြီ "
ခွန်းလည်းဝယ်လာသော စားစရာတို့ကို ခုံပုလေးပေါ်တွင်တင်လိုက်သည်။
" ရော့ ဒါအကို့အတွက် ကြက်ထမင်းကြော် "
" မင်းကရော..... ကြက်သားမစားဘူးလား? "
" no.....no......ပင်လယ်မဆလာ ဝယ်လာတယ် "
ပင်လယ်မဆလာ ဟုပြော၍ ဗူးကြီးထဲမှ ထုတ်လိုက်သောအရာတို့ကိုဘုန်းစစ်ကြည့်နေလိုက်သည်။
ဗူးကြီးထဲကနေထွက်လာသော ပင်လယ်စာမျိုးစုံကိုထည့်ထားသည့် ဗူးအလတ်စားတစ်ဗူးရယ် ၊ ပိတ်စအထူရယ် ၊ ပလပ်စတစ် တစ်ခုရယ် ၊ ထို့နောက် ထင်းချောင်းလေးတွေရယ် ။
ခွန်း လုပ်သမျှကို ဘုန်းစစ်ကြည့်နေလိုက်သည်။ ဘယ်လိုတောင် ညစ်ပတ်တာလဲဟ ။
ခဏကြာတော့ ပစ္စည်းတွေကိုထားခဲ့၍ အဆောက်အဦးထဲကိုဝင်သွားလေသည်။ မကြာခင် ပြန်ထွက်လာ၍ မျက်နှာပြင်ညီတဲ့ ခုံတစ်လုံးကိုသယ်လာလေသည်။
YOU ARE READING
လှောင်အိမ်ငယ်/ေလွာင္အိမ္ငယ္ { Completed }
Romanceပိုချစ်မိတဲ့သူကအရှုံးတဲ့ ။ ကျွန်တော်ကပိုချစ်ပေမယ့် ဘယ်တော့မှမရှုံးစေရဘူး ကိုကို....။ ပိုခ်စ္မိတဲ့သူကအရႈံးတဲ့ ။ ကြၽန္ေတာ္ကပိုခ်စ္ေပမယ့္ ဘယ္ေတာ့မွမရႈံးေစရဘူး ကိုကို....။ start date 1.12.2020 end date 24.1.2021 #VeraVicki2619
