[[U]]
စဥ်းစားချင့်ချိန်လျက် ကမ်းစပ်ပေါ်တွင် မတ်တပ်ရပ်နေကြသော ကျန်းရှီနင်နှင့် လုနျယ်ချီသည် ရွှဲ့ရှန်ပြောသံကြားသောအခါ တိတ်ဆိတ်သွားကြပြီး အနောက်သို့ အသီးသီးလှည့်ကြည့်လာကြ၏။
အနှီမကောင်းဆိုးရွား ပါးစပ်ဟလိုက်တဲ့အခါတိုင်း ကြောက်မက်ဖွယ်သရဲပုံပြင်ကို ပြောပြနေသလိုပင်။
"ဒီတိုင်းပြည်ကဆေးဝါးဖော်စပ်သူတွေကအတော်လည်းသတ္တိကောင်းကြတာပဲ"
ကျန်းရှီနင်သည် ချောက်တီးချောက်တောက် ရယ်မိရင်းပြော၏။
လုနျယ်ချီပြန်ဖြေ၏။
"ပုံမှန်ဒီလိုမဟုတ်ဘူး..ဒါပေမဲ့ဒီရက်ပိုင်းကျမှအကြောင်းတစ်ခုခုကြောင့်အမြဲတမ်းမြူဆိုင်းနေတော့တာပဲ"
ကျန်းရှီနင်ထံမှ ခြောက်ခြောက်သွေ့သွေ့ရယ်မောသံက ထပ်ထွက်လာပြန်သည်။ အတွေးထဲမှာက ; မြူဆိုင်းမနေရင်တောင်ပိုသာလာမယ်မထင်ပါဘူး
"နေပါဦး..ဟိုကောင်လေးကျောချမ်းသွားတာကိုတော့ငါနားလည်ပေးလို့ရတယ်..စာကြမ်းပိုး..မင်းကဘာကြောင့်များလှည့်ကြည့်တာလဲ?"
ရွှဲ့ရှန်သည် ထေ့ကာငေါ့ကာ ပြောလာ၏။
"သရဲကသရဲကြောက်တယ်တဲ့လား?"
လုနျယ်ချီသည် အနောက်ကိုလှည့်ကြည့်နေရာမှ ကျန်းရှီနင်ထံသို့ အကြည့်များ ရောက်ရှိသွား၏၊
"ကျိုးကြောင်းဆင်ခြင်ကြည့်စမ်းပါဦး"
ကျန်းရှီနင်သည် ငြီးငွေ့နေသောလေသံဖြင့် ပြန်ဖြေ၏။
"သာမန်လူတွေတောင်ဓားမြတွေလူဆိုးတွေကိုကြောက်သေးတာပဲ..ငါကရောဆိုးယုတ်တဲ့ဝိညာဥ်တွေဆိုကြောက်လို့မရဘူးလား?"
လုနျယ်ချီသည် ကုသခြင်းခံထားရပြီးပြီဖြစ်သော လက်ဖဝါးမှဒဏ်ရာကို တစ်ချက်ကြည့်ပြီး ကျန်းရှီနင်၏ လေတိုက်လျှင်တောင် လွှင့်ပါသွားနိုင်သော ခန္ဓာကိုယ်ကို တစ်ချက်ကြည့်လိုက်၏။ ကျန်းရှီနင်သည် ခြိမ်းခြောက်လိုသော သဘာဝမရှိသည့် ကိုင်တွယ်ရန်လွယ်ကူသော အန္တရာယ်မပေးသော သရဲတစ္ဆေအမျိုးအစားထဲတွင် ပါဝင်သည်ဟု အဆုံးအဖြတ်ပေးလိုက်သည်။
YOU ARE READING
Copper Coins《铜钱龛世》
Historical FictionNovel : tongqiankanshi(铜钱龛世) Author : Mu Su Li 木苏里 English translator : jiaqikangjiaqi Chapters : 102+extra တသီးတသန့်နေရတာသဘောကျ၍တည်ငြိမ်သူဘုန်းတော်ကြီးရွှမ်းမင် (ဘုန်းတော်ကြီးအစစ်မဟုတ်)နှင့် အများနှင့်မတူတမူထူးခြားသောဒေါသအိုးရွှဲရှန့် MC(shou) is h...