Captured and Tainted (SERIE FEROCI 2)

Chapter Thirty-Three

I didn't know that pushing someone you love away would be this painful. Naiisip ko pa lang na nasasaktan si Zak sa mga sabi ko at pagtaboy ko sa kanya, sobrang nasasaktan na ako... Knowing Zak, he's a crybaby.

"I can't say that you did the right thing, I'm in no place to judge that. Ang gusto ko lang, hindi mo pagsisihan ang mga nagiging desisyon mo at pag-isipan mo munang maigi."

Napatingin ako kay Castor na seryoso ang mukha at tutok ang tingin sa daan habang nagmamaneho. Napabuntong hininga na lang ako at mapait na napangiti.

"Hindi mo lang siguro napapansin, pero palagi mong kinakampihan si Zak sa mga ganitong sitwasyon," napapailing na sabi ko at natawa na lang.

"Hindi naman," pagtanggi niya saka napakamot sa kilay niya.

Natahimik na lang ako at napatingin sa bintana. Pinanood ko ang mga gusaling nadadaanan namin na iba iba ang hitsura at ang taas. Siguro dapat ko ng samantalahin ang mga huling araw ko rito sa Pilipinas. I'll stay in New Zealand for good, together with my child. I'll find a stable job there and will live peacefully. To be honest, I will surely miss the showbiz world, but I don't want to go back there again, lalo pa't magkakaanak na ako.

Nagpahatid na lang ako kay Castor pauwi, bukas na lang ako maggagala-gala bago ako tuluyang umalis. Masyadong na-drain ang energy ko sa nangyari kanina. Gusto ko na lang munang matulog nang matulog ngayong araw.

"Call me if you need something!" sabi ni Castor mula sa loob ng kotse niya. Napangiti na lang ako sa kanya saka tuluyang pumasok sa bahay.

Dumiretso ako sa kuwarto at agad na humiga sa kama. Ni hindi kami inabot ng isang oras ni Castor sa bahay ni Jaze pero napagod agad ako nang ganito.

"Get up, Angel. Get up," I murmured to myself. I need to take a shower first before I go to sleep, pero ang bigat masyado ng katawan ko at hindi ako makabangon.

Ipinikit ko na lang muna ang mga mata ko para saglit na umidlip. Kahit saglit lang ipapahinga ko muna ang isipan ko kina Jaze at Zak. Gusto ko muna ng katahimikan sa isip ko kahit saglit lang.

NAPABALIKWAS ako ng bangon nang magising ako. I looked at the wall clock and gasped when I saw the time. 4 pm na pala, ang haba ng tulog ko. Baka naman wala na akong itulog nito mamaya.

Napahawak ako sa sentido ko at kinuha ang phone ko. Tatawagan ko na lang muna si Chan, pupuntahan ko siya kung hindi siya busy para makapagpaalam ako nang ayos sa kanya. Malaki rin ang naging utang na loob ko sa lalaking 'yon dahil naka-tiyaga siya sa akin ng ilang taon... Pero malaki rin ang utang na loob niya sa 'kin dahil napagtiyagaan ko ang katangahan niya paminsan-minsan.

Natigilan ako nang makitang hindi ko pa pala nabubura ang instagram account ko. Napangiwi ako at tiningnan muna 'yon bago ko burahin.

Natigilan ako nang makita ang trending sa social media ngayon.

Picture ni Castor na natutulog sa kama, may kasama siyang babae na siyang kumuha ng photo na 'yon. Nakangiti ang babae sa picture at naka-peace sign. Mukhang lasing si Castor dahil namumula pa ang mukha niya sa picture.

kleinczenith: with Castor Raven wahhh! Nananaginip lang ba ako? Huhu. Ang gwapo niya sobra 😭

Napailing na lang ako dahil puro bashers ang nasa comment section, halos lahat bina-bash ang babae sa picture. Kesyo creepy raw ito at desperada... hindi na 'ko nagulat, wild talaga ang mga fans ni Castor.

Ini-stalk ko ang babae sa picture. Artista rin pala ito, underrated actress, I guess? Kaunti lang ang followers nito, kung may mga comments man sa kanya, puro bashers. Marami na talaga siyang bashers bago niya pa i-post ang picture nila ni Castor. Bakit naman kaya ang dami niyang bashers? She looks sweet and kind, she's beautiful too. But well, it won't be good for Castor's career to be involved with her.