အပိုင်း(၄၅)
မထင်မှတ်ထားခဲ့လေသော လွဲမှားခြင်းများ
"လွန်းငယ် မောင်နဲ့ မြန်မာပြည် ပြန်လိုက်မလား"
သူ၏ အမေးကြောင့် မျက်ဝန်းများအား ပက်တီးစီးထားသော လွန်းငယ်က သူရှိရာဘက် မှန်းဆကြည့်လာသည်။
"ပြန်ရအောင် မောင်...ငါ ဒီမှာ မနေချင်တော့ဘူး"
ခွန်းသုရှင် သက်ပြင်းချလိုက်မိသည်။ သူနှင့်ပတ်သတ်သောအမှတ်တရများမှလွဲ၍ ဘာမှ မမှတ်မိသော လွန်းငယ်က အရာအားလုံးနှင့်စိမ်းသက်နေပုံရသည်။
"မောင် ငါ့ကို ရေတစ်ခွက်လောက် ယူပေးပါလား"
" မောင် ယူပေးမယ်...ခဏနော်"
စားပွဲပေါ်ရှိ ဖန်ခွက်ထဲသို့ ရေငှဲ့ကာ လွန်းငယ် လက်ထဲသို့ဂရုတစိုက်ထည့်ပေးလိုက်သည်။ ရေဆာနေပုံရသော လွန်းငယ်က ရေအား ချက်ချင်းမော့သောက်လိုက်ပြီး ရေမကျန်တော့သော ခွက်အား ပြန်ပေးလာ၏။
စေထားရာ ခွက်အား လက်ထဲတွင် ပြန်ကိုင်လိုက်သည်။ အသင့်ယူလာသော လက်ကိုင်ပုဝါဖြင့် ပါးစပ်နားတဝိုက်ရေများအား ဂရုစိုက် သုတ်ပေးလိုက်သည်။
"အကုန်လုံး မည်းမှောင်နေတာ နေရခက်လိုက်တာ...ငါ တစ်ယောက်တည်း ညရောက်နေတယ်ထင်တယ်"
ဘာမှ မဖြစ်သလို ပြုံးရယ်၍ ပြောနေသော်လည်း ဝမ်းနည်းနေသော မျက်နှာအား အတိုင်းသား တွေ့မြင်နေရသည်။ ခွန်းသုရှင် ရင်ဘတ်ထဲမှ နာကျင်လာရသည်။
"ခဏပဲ လွန်းငယ်...မောင် ဆရာဝန်တွေနဲ့တိုင်ပင်ပြီး အကောင်းဆုံးကြိုးစားပေးမယ်နော်"
လွန်းငယ် ပြုံးလျက်ပင် ဆက်နေလိုက်သည်။ ဘာမှ ပြန်မပြောဖြစ်တော့။ မျက်ကြည်လွှာ အလှူရှင်ပေါ်ရန်မှာ လွန်စွာခက်ခဲလွန်းလှသည်။ သူ လက်လျှော့လိုက်လေပြီ။
"လွန်းငယ် ဆာပြီလား...ဘာစားမလဲ...မောင် ဝယ်ပေးမယ်"
"တယ်မာကီဆူရှီ(temaki zushi)စားချင်တယ် မောင်"
ခွန်းသုရှင် လွန်းငယ်၏ ဆံပင်များအား ခပ်ဖွဖွ ပွတ်သပ်ပေးလိုက်သည်။
YOU ARE READING
စေရာ(Complete)
RomanceUnicode သံစဥ်တွေဟာ တီးခတ်သူရဲ့ စေရာ ကိုလိုက်နာကြတယ်တဲ့။ ဒါဆို ချစ်မိသွားသူတွေကရော? ဘယ်သူ့ စေရာ ကို လိုက်နာကြမှာလဲ? သူတို့အသက်ထက် ချစ်မြတ်နိုးရသူတွေရဲ့ "စေရာ"ကိုပေါ့။ Zawgyi သံစဥ္ေတြဟာ တီးခတ္သူရဲ႕ ေစရာ ကိုလိုက္နာၾကတယ္တဲ့။ ဒါဆို ခ်စ္မိသြားသူေတြကေရာ? ဘ...
