တိမ်ယံလွှမ်းတဲ့တောင် / တိမ္ယံလႊမ္းတဲ့ေတာင္ (Complete)

🦋41🦋

Unicode
တိမ်ယံလွှမ်းတဲ့တောင်

                       🦋41🦋

        တကယ်ဆို အကာအကွယ်ကို ပြုလုပ်တာက ဟွမ်ကျင်းရွှေတစ်ယောက်တည်းနဲ့တင် လုံလောက်ပါသည်။ ရွမ်နျန်းက ကူညီချင်တော့လည်း သူမတားလိုက်ပါ။ စက်ဝိုင်းသဏ္ဍာန် အကာအကွယ်အပေါ်သို့ ယဲ့ရှားလုံက တက်သွားသည်။

       အကာအကွယ် အပြင်ဘက်တွင် ယဲ့ရှားလုံတစ်ယောက်တည်း ရပ်နေ၏။ သွေးကိုစားသုံးသော ငှက်များသည်လည်း သူမဘေးပတ်ပတ်လည်တွင် ဝန်းရံတိုက်ခိုက်လျက်ရှိသည်။ ယွိယွိက အမြင့်သို့ ပျံသန်းလိုက်တာကြောင့် အသားစား ဘောလုံးလိုအကောင်များ မြေပြင်တွင် ကျန်ခဲ့သည်။

        ရိယုံက အပေါ်မော့ကြည့်ကာ

"ယဲ့ရှားလုံ မင်းဖြေရှင်းနိုင်လို့လား..."
"နိုင်တယ်..."

       ယဲ့ရှားလုံသည် လက်အစီအရင် တည်၍ စတင်လှုပ်ရှားလိုက်သည်နှင့် သူမခန္ဓာကိုယ်မှ အနီရောင်အခိုးအငွေ့ စွမ်းအင်များသည် အရှိန်အဟုန်နဲ့ ထွက်ပေါ်လာ၏။ ယဲ့ရှားလုံက လက်နှစ်ဖက်ကို ဘေးသို့ဆန့်ထုတ်လိုက်သည်။

       စွမ်းအင်အငွေ့များ ငှက်များကြားတွင် ပျံ့နှံ့သွားသည်။ သူမဝတ်ရုံစများက လေပြင်းပြင်းတိုက်ခတ်ရာနောက် လွင့်လူးလျက် သူမကတော့ တစ်ချက်ကလေးတောင် ယိမ်းယိုင်မသွားချေ။ ငှက်တွေကလည်း အလွန်အမင်း ဆာလောင်နေသည့်နှယ် အသည်းအသန်ကို လိုက်နေကြသည်။

       ယဲ့ရှားလုံ၏ စွမ်းအင်ငွေ့များသည် ပို၍ပို၍ အားကောင်းလာတဲ့ အခါမှာတော့ ငှက်များသည် စူးစူးဝါဝါး အော်ဟစ်လာတော့သည်။ ယဲ့ရှားလုံသည် စွမ်းအင်များကို ရေလှိုင်းသဏ္ဍာန် ပစ်လွှတ်လိုက်ပြီး လက်နှစ်ဖက်ကို တစ်ပြိုင်နက် လက်သီးဆုပ်အဖြစ် ပြောင်းလိုက်သောအခါ ငှက်တွေအားလုံး ကြက်ဥကွဲကျသကဲ့သို့ တစ်စစီ ပေါက်ကွက်ထွက်ကုန်လေ၏။

       ငှက်များ သုံးပုံနှစ်ပုံလောက် ပျက်စီးသွားသော် အခြေအနေမကောင်းတာကို မြင်ကြသော ကျန်ငှက်များလည်း ပြန်ပြေးကုန်တော့သည်။ ယဲ့ရှားလုံ အကာအကွယ်အတွင်း ပြန်ကျလာ၏။