စာလုံးရေများတော့ နှစ်ပိုင်းခွဲပေးထားပါတယ် 23.1ပြီးရင် 23.2 ဆက်ဖတ်ပါ
စာလုံးေရမ်ားေတာ့ ႏွစ္ပိုင္းခြဲေပးထားပါတယ္ 23.1ၿပီးရင္ 23.2 ဆက္ဖတ္ပါ
SCROLL DOWN FOR ZAWGYI
UNICODE
CH23- YOU WERE THE OTHER VICTIM?
"လွန်ခဲ့တဲ့စနေနေ့က ငါရှိနေခဲ့တဲ့နေရာ..."
မော့ကြည့်လာခြင်းနှင့်အတူ ပျက်ရယ်ပြုရယ်သွမ်းသွေးသယောင် တွန့်ကွေးလာသော ရှန့်မင်အော်၏နှုတ်ခမ်းထောင့်များ....။
"မင်းနဲ့ဘာဆိုင်လို့လဲ ?"
ရှန့်မင်အော် ဤကဲ့သို့တုံ့ပြန်မည်ကို လုဖုန်းသိနေခဲ့ပြီးသားပင် ။
လုဖုန်း ရှန့်မင်အော်ကိုစိုက်ကြည့်နေရင်း၌ လက်ဖဝါးဆီမှပင် ချွေးပြန်လာခဲ့၏ ။
"အဲ့တုန်းက အကိုဟုတ်တယ်မလား ?"
ရှန့်မင်အော်က သူ့အား အထူးအဆန်းသဖွယ်ကြည့်လာခဲ့၏ ။ လုဖုန်းပြောသည့်စကားလုံးများကို နားမလည်နိုင်ဟန်ဖြင့်
"တဆိတ် ?"
လုဖုန်း ရှန့်မင်အော်၏မျက်နှာအမူအရာဆီ ပိုပိုသာသာ အာရုံစိုက်ကာကြည့်မိသည် ။ မျက်နှာထက်ရှိ ပြောင်းလဲမှုအလုံးစုံကို တစ်ချက်မှမလွတ်စေရေးအတွက် ။
သို့သော် ကံမကောင်းစွာပင် ရှန့်မင်အော်၏ပုံစံကား လုံးဝအပြစ်ကင်းဟန် ။ ယခုပြောနေသည့်ကိစ္စကို လုံးဝသိမနေခဲ့သည့်ပုံစံဖြင့် ။ထိုအကြောင်းအရာက ဉာဥ့်နက်သန်းခေါင်အချိန် ကလပ်မှထွက်လာကာ လမ်းဆုံတွင်ရဲများ၏ တားဆီးခြင်းခံရသော ဆယ်ကျော်သက်မြီးကောင်ပေါက်အရွယ်များကိုပင် ပြန်လည်အမှတ်ရစေ၏ ။ သူတို့၏ပုံစံမှာ အရက်သောက်ထားဟန်ပေါ်သော်ငြား တကယ့်လက်တွေ့တွင်မူ အရက်တစ်စက်လေးမှ သောက်ခဲ့ခြင်းမရှိဘဲ ကလပ်ထဲ၌ ဖျော်ရည်အချို့သာသောက်ခဲ့ခြင်းပင် ။ ထိုအရာက မြင်ရကြားရသည်မှာ ထူးဆန်းကောင်း ထူးဆန်းနေလိမ့်မည် ။ သို့သည်တိုင် အမှန်တရားလည်း ဖြစ်နေပေသေး၏ ။
"ဘာမှ မဟုတ်တော့ဘူး "
လုဖုန်း တစ်ချက်ရယ်ရင်း ပြောမိသည် ။
YOU ARE READING
Flying Gulls Never Land [ဘာသာပြန်]
RomanceEnglish Title - Flying Gulls Never Land Original Author: Hui Nan Que (回南雀) Eng Translator : Jiraiya Status : 82 chapters ( 73 chapters + 9 extras) Generes: Drama , Mature , Psycological , Angst Chinese novel: Completed Eng trans : Ongoing ✔️Permissi...