23.2

5K 872 55
                                    

SCROLL DOWN FOR ZAWGYI

UNICODE

23.1 အရင်ဖတ်ရန်

"လောကျန်းယွင်က အိပ်ရာပေါ်မှာ အကြမ်းဖက်တာမျိုးလုပ်ခဲ့သေးလား ? ဥပမာ ရှင့်ကို ကိုယ်ထိလက်ရောက်ကျူးလွန်တာ ရိုက်နှက်တာမျိုးပေါ့ ?"

မော့ချိုးကား ကိုယ်ကကျုံ့ထားခဲ့၏ ။ အသားအရေအရောင်အဆင်းမှာ သရဲတဘက်ကဲ့သို့ ဖြူစုတ်နေခဲ့လျက် ။ သူ၏ကိုယ်ရေးကိုယ်တာလျှို့ဝှက်ချက်ကို အလေးမထားသော ထိုမေးခွန်းများက မော့ချိုးအတွက် အပြစ်ဒဏ်ကြီးကြီးတစ်ခုကဲ့သို့ပင် ။ စကားလုံးတိုင်းသည် ပြတ်ရှရာများကဲ့သို့ သူ့အသက်ကို ဖြည်းဖြည်းချင်း တစစီသွေးထွက်လွန်ကာ ကုန်ဆုံးစေတော့မည့်အတိုင်း ။

မော့ချိုး သူ့တံတောင်ဆစ်ကို စိုးရိမ်တကြီး ပွတ်သပ်မိ၏ ။ အသံကမူ တုန်ရီနေခဲ့လျက် ။

"သူ လုပ်ခဲ့ပါတယ် "

"ရှင့်လက်က အမာရွတ်က ဘယ်လိုရခဲ့လံဆိုတာ ရှင် ဒီကလူတွေအားလုံးကို ပြောပြပေးနိုင်မလား ? "

"ကျွန်...ကျွန်တော် သူ့ရဲ့အကျပ်ကိုင်မှုကို သည်းမခံနိုင်တော့လို့ အိမ်မှာ ကိုယ့်ကိုယ်ကို အဆုံးစီရင်ဖို့ လုပ်ခဲ့ပါတယ်... ဒါပေမဲ့ သူငယ်ချင်းတစ်ယောက်က အချိန်မှီရှာတွေ့သွားလို့ မသေခဲ့တာပါ...ဒီအမာရွတ်ကလည်း ကျွန်တော် လက်ကောက်ဝတ်ကိုဖြတ်လိုက်တဲ့အချိန်က ရခဲ့တာပါ..."

သူမ၌ ထပ်မေးစရာမေးခွန်းမရှိတော့ကြောင်း မန့်ရွမ်ကျွင်းက ဆိုလာသောအခါ တစ်ချိန်တည်းမှာပင် မော့ချိုးရော သူပါ တစ်ချိန်တည်းမှာပင် သက်ပြင်းချမိကြ၏ ။

အစပထမ၌ မန့်ရွှမ်ကျွင်း၏မေးခွန်းများကား မော့ချိုးအား အတော့်ကိုဖိအားပေးခဲ့​ပြီးဖြစ်ကြောင်း လုဖုန်းတွေးထားခဲ့သည် ။ သို့သော် အမှုကိစ္စအားတင်ပြရန် ရှန့်မင်အော်အလှည့်ရောက်လာမှသာ သူတွေးထင်ခဲ့သည်မှာ မှားယွင်းကြောင်း လုဖုန်းသိလိုက်ရတော့သည် ။

ရှန့်မင်အော်မှာ သက်သေထွက်ဆိုရာ နေရာစင်မြင့်ထက်သို့ လျှောက်လှမ်းလာခဲ့ပြီး လက်ထဲကိုင်ထားသော စာရွက်စာတမ်းမိတ္တူများကို မော့ချိုးအားပြလာခဲ့သည် ။

Flying Gulls Never Land [ဘာသာပြန်]Where stories live. Discover now