တိမ်ယံလွှမ်းတဲ့တောင် / တိမ္ယံလႊမ္းတဲ့ေတာင္ (Complete)

🦋58🦋

Unicode
တိမ်ယံလွှမ်းတဲ့တောင်

                      🦋58🦋

       ဟွမ်ကျင်းရွှေကို ကမ်းရန်လှမ်းထားတဲ့ လက်ချောင်းများက လက်သီးဆုပ်အဖြစ် ပြောင်းသွားသည်။ ဟွမ်ကျင်းရွှေသည် စွမ်းအင်ပြန်ကျင့်နေလို့ သူမအမူအရာကို မမြင်လိုက်ချေ။ ရှမ်မေ့သည် သိဒ္ဓိစွမ်းအင်ဖြင့် ဟွမ်ကျင်းရွှေကို ထောက်ပံ့ကုသပေးနေသည်။

       လော့လော် ဆန့်ထားသော မိမိ၏လက်ကို ဖြည်းဖြည်းချင်း ပြန်ရုတ်သိမ်းလိုက်ပြီး ဆို၏။

"တောင်းပန်ပါတယ် ရှစ်ဇွင်း...."

       ဟွမ်ကျင်းရွှေသည် လက်ဝါးနှစ်ဖက်ကို ဖြည်းညှင်းစွာ ပြန်ချပြီးနောက် မျက်လုံးပွင့်လာသည်။ သူက လော့လော်လက်တစ်ဖက်ကို ဆွဲကိုင်လိုက်၏။ လက်ဖမိုးကို ခပ်ဖွဖွလေး ပွတ်ပေးလျက် ပြန်ပြောလာသည်။

"လော့လော် အမှားမဟုတ်ပါဘူး.... အဆိပ်ငွေ့တွေ ထိသွားသေးလား"
"ဟင့်အင်း...."

"ဒါနဲ့ ဘာလို့ရုတ်တရက်ကြီး အခေါ်အဝေါ် ပြောင်းသွားရတာလဲ"

       လော့လော်က စကားမဆိုဘဲ ခေါင်းကိုငုံ့မြဲငုံ့ထားသည်။ ထိုစဥ် ရှမ်မေ့ကပါ လော့လော်၏ကျန်ရှိနေသော လက်တစ်ဖက်ကို ဆုပ်ကိုင်ပေးလာ၏။

"မမတောင်းပန်ပါတယ်.... မမလည်း လောသွားလို့"
"ဘယ်ကသာ... မမပြောတာ မှန်တာပါ... လော့လော် မမသဘောထားကို နားလည်တယ်... "

       လော့လော်သည် ဟွမ်ကျင်းရွှေ နှင့် လော့လော်၏လက်ကို အသာဖြုတ်ချခဲ့ပြီး ယွိယွိထံသို့ လျှောက်သွားလေစဥ် လမ်းတစ်ဝက်တွင် သူ၏ခြေလှမ်းတို့က ရပ်တန့်သွားခဲ့သည်။ တစ်စုံတစ်ယောက်က သူမကိုသိုင်းဖက်လာတာကြောင့်ပင်။

       မျက်နှာချင်းဆိုင်ရှိ ယွိယွိသည် သူတို့နှစ်ယောက်၏ အဖြစ်အပျက်ကို မြင်သောအခါ အတောင်နှစ်ခုနဲ့ သူ့မျက်လုံးတွေကို ပြန်အုပ်ထားလေရဲ့။ ဟွမ်ကျင်းရွှေ သူမကိုယ်လုံးလေးကို သူ့ရင်ခွင်ထဲ နစ်ဝင်သွားတော့မယ့်အလာ ဖက်ထား၏။

       သူက မေးလိုက်သည်။

"စောစောက လူကိုသွားဖမ်းမလို့လား"
"ဟုတ်တယ်...."