Part 11

1.2K 236 17
                                    

Unicode

စံအိမ်ကပြန်မလာခင် ဘိုးတော်ခေါ်သည်မို့ သွားကြည့်တော့ တကူးတကမေးလာသည်က စွမ်းအားအခြေအနေသာ။ ဒီနေ့မှပဲ ပတ်ပတ်လည်ကလူတိုင်းက သူ့စွမ်းအားကို စိုးရိမ်နေကြလဲမသိပါ။ စိတ်ကျေနပ်သည်အထိ စစ်ဆေးခံ၊ လေ့ကျင့်ခံပြီးမှ ပြန်လာတော့ ညနေစောင်းနေပြီဖြစ်သည်။

နောက်ကျနေသော်ငြား ကျန်ခဲ့သည့်ကောင်လေးကိုတော့ ပိတ်ရက်မို့မစိုးရိမ်ပါ။ ထို့အပြင် သူကိုယ်တိုင်လည်း အန္တရာယ်ကင်းစေရန် စည်းအထပ်ထပ်ချပေးခဲ့သောကြောင့်။
တွေးစရာတွေများနေသည်မို့ တောထဲ အေးဆေးလမ်းလျှောက်ပြန်လာဖြစ်သည်။ တောအုပ်ထဲမ ရင်းနှီးနေသည့် နေရာတချို့ကိုတွေ့မိတိုင်း မြင်လွှာထဲ တောက်လျှောက် ဖြတ်ပြေးသွားသည်က ကောင်းကောင်းဆိုးဆိုး အတိတ်တချို့သာ။ chanyeol အတွက် မကောင်းခဲ့သော မိတ်ဆွေဟောင်းနှင့် ပြန်ဆုံရန်ရှိသည်ပင်။

_
_
_

စံအိမ်ထဲ လျှောက်လှမ်းလာသည့် ခြေလှမ်းများက ဒေါသတို့ ဆူပွက်နေသည့်နှယ် တစ်လှမ်းချင်းတိုင်းမှာ ဆောင့်ဆောင့်အောင့်အောင့်ဖြင့်။ ဘေးနားက ဖြတ်သွားသမျှ မည်သူမဆို အနားမှကပ်မလျှောက်ရဲသည်အထိ ထိုကောင်လေး၏ ဒေါသမီးတို့က ထိလိုက်မိသည်နှင့် ဟုန်းဟုန်းတောက် ထလောင်တော့မည့်အလား။

အခန်းတစ်ခုအရှေ့ရောက်သည်နှင့် တံခါးကိုဆောင့်ကန်ဖွင့်ချကာ အော်ဟစ်လိုက်သည်။

"လီချန်းဝူး !!! ငါ့နို့ဗူးတွေကို ဘာလုပ်လိုက်တာလဲ !!!"

အမေးသာရှိသော်ငြား အဖြေမရှိ။ တိတ်ဆိတ်မြဲ တိတ်ဆိတ်နေသော အခန်းအတွင်း မျက်စိလှည့်ကစားလိုက်သော်ငြား တစ်စက္ကန့်မျှသာ။ ထိုကောင်မရှိ ဆိုသည်ကို သတိထားမိလိုက်သည်နှင့် ပွင့်ဟနေသော ဝရံတာထံ ချက်ချင်းပြေးကာ ငုံ့ကြည့်လိုက်သည်တော့ သိသိသာသာ ထွက်ပြေးသွားသည့် ခြေရာများတွေ့လိုက်ရသည်။

"ခွေးသူတောင်းစား"

ဆဲရေးဆိုလိုက်သည်မှာ ၁၇ နှစ် အရွယ်လောက်သာ ရှိသေးသည့်အလား ဖြူစင်ဟန်ပေါက်နေသော ရုပ်လေးနှင့်ပင်မလိုက်မဖက်။ ဒါ တော်တော်ထိန်းထားရခြင်းဖြစ်သည်။ သူဒီနေ့မနက် မိုးလင်းကတည်းက နို့မသောက်ရသေးလို့ စံအိမ်တစ်ခုလုံးကို ပြဿနာပတ်ရှာနေတာဖြစ်သော်ငြား နောက်ဆုံးအရင်းအမြစ်က ဒီကောင်မှန်းသိလို့ ဒေါသဆူပွက်ကာ ရောက်ချလာခြင်းဖြစ်၏။ ဒါတောင် သူလိုက်လာမည်ကို သိသည့်အလား ရအောင်ထွက်ပြေးသွားသေးသည်။ ကြောက်၍ပြေးခြင်းမဟုတ်။ တမင်သူ့နောက်လိုက်အောင် စိမ်ပြေးတိုင်း ကစားချင်သည့်အလား ပြေးခြင်းဖြစ်သည်မို့ ပိုဒေါသထွက်ခြင်းဖြစ်သည်။ ထို့အပြင် မျက်လုံးထဲ ထိုပြောင်ချော်ချော်အပြုံးကို မြင်ယောင်မိလျှင် ပိုသွေးတက်သေးသည်။ အလုပ်မရှိ အလုပ်ရှာကာ တမင် သူသဘောကျသည့်အရုပ်လေးအား ခိုးယူကာ ပြန်လိုချင်လျှင် လိုက်ယူ ဟု ဆိုချင်နေသယောင်။

The LOEYWhere stories live. Discover now