💫 Unicode version 💫
တစ်လပင်ပြည့်ခဲ့ပြီ..... ရှင်းသန့် တစ်ယောက်သောသူကို စုံစမ်းနေခဲ့တာ... နာမည်လေးတစ်ခုသာ သိပြီး ဘယ်မှာနေတယ် ဘာလုပ်တယ်ဆိုတာ မသိတဲ့အပြင် ပုံပြပြီး ရှာရအောင်လဲ မိမိမှာ ရှိတာဆိုလို့ ကျောင်းသားကဒ်ထဲ ကမျက်မှန်ဝိုင်းလေးနဲ့ ပုံသာရှိပြီး အဲ့ပုံပြလဲ မသိဘူးသာ ပြောသဖြင့်.. မိမိအဖြစ်မှာ ကောက်ရိုးပုံထဲ အပ်ရှာနေသလိုပင် ဖြစ်နေသည်။
ဒီမနက် ရှယ်ရာရှင်အစည်းအဝေး ရှိသဖြင့် ညက ထူးမြတ်ပို့ထားတဲ့ mailတွေတစ်ချက်ပြန်စစ်နေတုန်း အာကာဆီမှ ဖုန်းဝင်လာသဖြင့်.....
" hello "
" ရှင်းသန့်... ဒီနေ့ဘာနေ့လဲ မင်းသိလား .. "
အာကာရဲ့အမေးကြောင့် တစ်ချက်စဥ်းစားလိုက်ပြီ..
' ဟုတ်သား ဒီနေ့ ဒီကောင်တွေနဲ့ဆုံရမယ့်ရက်ပဲ '
တအမြဲမဆုံဖြစ်ပေမယ့် တစ်လကို နှစ်ခါတော့ ဆုံနေကြမို့ အရေးကြီးကိစ္စမရှိပါက မပျက်ကွက်ကျေးပင်...
" ဟျောင့်...ငါပြောတာကြားလား "
အာကာအသံကြားမှ အတွေးစပြတ်သွားကာ ခပ်တည်တည်နဲ့
" အေး..ဒီနေ့က သောကြာနေ့လေ..ပြီးတော့ လကုန်ရက် ဘာလို့လဲ မင်းဆိုင်မှာ calendar မရှိလို့လား "
" မင်းကွာ.... ငါစကားအကောင်းပြောနေတာကို "
ထိုအချိန်ထူးမြတ်မှ အခန်းထဲဝင်လာကာ
" boss ရှယ်ယာရှင်တွေ စုံနေပါပြီ "
ထူးမြတ်ကို ခေါင်းတချက်ငြိမ့်ပြကာ စာပွဲခုံပေါ်က macbook ကိုကောက်ယူလိုက်ပြီး
" ဒါပဲနော် ငါအရေးကြီးကိစ္စလေးရှိလို့..."
ပြောပြီး ဖုန်းချကာ metting room သို့ဝင်လာခဲ့သည်...
..............................................................
" ဘာတဲ့လဲ အာကာ လာမှာတဲ့လား "
ခွန်းမာန်ရဲ့ အမေးကို ခေါင်းခါပြကာ
" သူ့မှာ အရေးကြီး ကိစ္စရှိတယ်တဲ့ မလာဖြစ်လောက်ဘူး ထားပါ သူကမအားတဲ့သူပဲ တခါတလေ မပါလဲဘာဖြစ်လဲ ငါတို့ပဲ အပြတ်ကဲမှာပေါ့ "
