فصلية الشيخ فهد🔞

بارت الـ26...

#فصلية_الشيخ_فهد

#للكاتبة_انوار_الجبوري

ـــــــــــــــــــــــــــــــــــــــــــــــــــــــــــــ

فهد:- بوية انا اجيت انطيكم خبر لا اخذ رأي ولا شي وماريد اعتراض

شيخ عگاب:- ابشر يبووي  ..

_ باچر نعقد انا ومناهل  ...

فدعة:- وليش يمه چااا مرتك شبيها  ..

فهد:- شبيها غزالتي چنها العافيه  ..

فدعة:- چااا لويش تريد تعقد على منيهل  ..

فهد:- عاجبني اعقد عليها  ..

_ ياااا چاا وانتَ باليعجبني والما يعجبني والله شغلة هاي انتَ صاير مدري شلونك  ..

ام مناهل:- زين سويت يمه ما تلگه مثل مناهل  ..

عباس:- تشاقة ابو صگر تشاقة حبيبي  ..

فهد:- خايب ما تنچب انا بكدك وتشاقة لو السالفه بيها شقة،، المهم الساعة 3 العصر الكه كلشي جاهز ماريد تفشلونه وعن اذنكم  ..

غزل:- واحد وضربني على راسي ضليت صافنه شديصير شنو يعقد شنو باچر شنو العصر معقولة اني دا احلم معقوله اي دا احلم وهسه اصحى من هـ الحلم البشع والمقرف،، عاينتله صعد للغرفة طگيتها ركضة وراه

اخخخخ ياعيونهن شلون يباوعلي بشماتة واولهن مناهل مرسومة على وجها ابتسامة خبث وكأنها تكلي

كتلج بيوم ابعدي عنه هذا لمناهل وتحديتيني وما بعدتي  ،،  دخلت لكيته مموجود يجوز بالحمام  كعدت عـ الچرباية (السرير) 

وايدي اليمين شابكة ايدي اليسار ورجلي اهزها بعصبية واعض بشفايفي والقرأن اتخبل هوه اني وحده ماعرفها ردت احرك روحي هنوب مناهل لا والقرأن يفهد متصير

طلع ينشف بشعرة ويعاينلي 

فهد:- شبيج ابوي انتي  ..

_ لتغرينيييي بكلامك هذا،، شنو هذا الكلام  السمعتة  جوه فسرلي بالله فسرلي يا حضرة الشيخ فهد  ..

_ ما الا اي تفسير مثل ما سمعتي تقبلي  ...

_ لكككك فهدد ورب العزززه اعقد على مناهل وشوف شحسوي بالقرأن ما خليك تعرف ليلك من نهارك مو اني غزل لينلعب عليها لووووو يي حقك حقك مستهاااان بيهه حضرتك ودايسني بنعالك ولا كأنو

هوه شنووو اني خلگ فصلية وخدامة لحضرة جنابك،، بس ومحمد يا فهد ما فوتها الك سمعتنيييييي ما فووووتها  ..

فهد:- صوووووتج بت الـxxxx لا تخليني اهينج من صدك هسه  ..

_ ليششش حضرتك انت خليت بيها اهااانه رفعت اصبعي وباوعتله بتحدي

والقرأن حتشوف شي مشايفه ولا عبالك ما عندي اهل وسند معناها اصير لعبة بأيدك لا والخلقك اني غزل ومو اي غزل  ..