كرونيك: قضية _انجاب

17

#حلقة17
كان غايس حتى يشوف جنان جايبة قهوة مع مرام
زهرة: علاه مجبتيش قهوة نتي
مرام: ماما زهرة كراعي تلوات مانيش قادرة نمشي عليها خفت نفلت قهوة على زوجي المستقبلي و يبطل مني و شافت في سامي و غمزاته هو فهم بلي تصالحوا تبسم وحده
ياسر: لا مدام شاف هبالك قاع و ستحملك باينا مايبطلش
فاطيمة: بهدلتيني الله يبهدلك
احمد: خالولي كنتي ترونكيل
مرام: حمودة غير نتا لي تجي معايا
عبدلله: شعال من خطرة قتلك متقوليلهش حمودة
مرام: بصح هو تجيه عادي ياك حمودة
احمد: واه عادي بنتي قولي لي بغيتي تبسمت معاه و رجعت شافت في حنان لي كانت مزال واقفة و رافدة سني تاع القهوة
مرام: يا بنتي حطيه مالك مزال رافداته
حنان: صحة تبسمتلها و حطاته كانت ترجف من ستريس تقول هي لي غادي تنخطب شافتها فاطيمة
فاطيمة: حنان خلي دوك انا نفرغ عليك
حنان: لا عادي خالتي دوك نفرغ انا زهرة من سمعت كلمة حنان جا في بالها حنان حبيبتة ولدها بغات تزيد تزكر فيها
زهرة: لا راني باغية كنتي هي لي تفرغلي حنان من سمعت هاد لهضرة رجعتها لأرض الواقع بلي لليوم خطبت مرام على سامي و بلي مرام هي لي غادي ينكتب اسمها مع اسم سامي في ليفري حطت تارمويات و عينيها معمرين دموع بصح مبغاتش تبين
حنان: فرغي لعجوزتك قبل ما تكمل هضرتها قاطعتها زهرة
زهرة: لا انا ماماها ماشي عجوزتها مرام لا اراديا راحت عنقت زهرة
مرام: ماماتي شابة هنا حنان مقدرتش تحمل كتر و خرجت من صالة واحد ما عرف علاه خرجت من صالة غير سامي لي فهمها و تمنى كون قدر يروح عندها يعنقها و يفهمها بلي هدا كامل شكيل و صح الي هو يبغيها و ماغاديش يسمح فيها
فات نهار اليوم على ابطالنا كلش عادي خطبوها و تفاهموا على شهر العرس مالغي زهرة و فاطيمة مكانوش قابلين الا ان سامي و مرام كانوا مصرين مقدروش يديروا اي حاجة غير انهم يقبلوا
في هداك الشهر مرام ولات تجهز مع حنان باه ميتوسوسوش منها و حنان دايما معاها و تخيرلها في صوالح لي ميعجبوش سامي باه ميبدلش رايه مور زواج