كرونيك: قضية _انجاب

24

#حلقة24
حنان راحت عند سامي و عنقاته
حنان: و نتا علاه تحوس تعرف شاقاتلها
سامي: نبغي نعرف كلش على مرتي
حنان: مرتك واقيل امنت ياو انا مرتك المستقبلية طبعا
مرام: بصح انا مرته دوك و خرجتلها لسانها سامي بقى يضحك على مرام و حنان جنون ولو مداورين بيها بصح ضحكة ضحكة صفرة و دارت عند مرام
حنان: بصح متنسيش زواجكم كان زواج شفقة يعني مغاديش يطول بزاف قد متجيبي ولد و تروحي مرام من سمعتها شاقاتلك دموع تحجروا في عينيها
مرام: عندك الحق و راحت و خلاتهم
سامي: هبلتي نتي كيفاش تقوليلها هاك و اصلا شكون قالك زواج شفقة انا عاونتها ماشي شفقت عليها و راح لمرام حنان هنا حست بغلطة تاعها
حنان: مكانش لازم نقوللها هاك و جات رايحة تطلب سماح منها وصلت عند لباب لقات سامي معنق مرام و هي تبكي بقات تتصنتلهم
سامي: شتتت صايي متبكيش حتى حاجة متستاهل دموعك
مرام: بصح مافهمتش علاه قالتلي هاك انا مدرتلها والو علاه راها ديرلي هاك
سامي: ماديريش عليه هبلت برك طلعت راسها و شافت فيه بعينيها مدمعين
مرام: نتا صح راك شافقان عليا
سامي: لا انا عاونتك ماشي شفقت عليك نتي صحبتي و ختي و بنتي متنسيش دايما كنت معاك من نهار زدتي يعني ندير كلش على جالك
مرام: سامي نتا احسن واحد في حياتي و عنقاته حنان مقدرتش تستحمل تشوفهم هاك دخلت عليهم شافتها مرام دورت وجها
حنان: مرام مرومة حبيبتي
مرام: شاخصك
حنان: والله معلبالي كيفاش قتلك هاك سمحيلي حبيبتي و نزلت زوج دمعات مرام من شافتها هاك شاورتلها بيدها باه تجي عندها راحت تجري حنان عندها و عنقتها
حنان : والله منعاود نقولك حاجة كيما هاك والله
مرام: تقولها ندبحك
سامي: هاك نبغيكم
فات داك.نهار عادي و راحت لدارهم حنان ولات كل يوم تجيهم لدار يعني مخالتهمش يستفردوا برواحهم ابدا كانت خايفة لا مرام و سامي يصرا بيناتهم حاجة
بعد اسبوعين
علاقة مرام ة سامي دايما كيما كانت ضحك و لعب و زعاقة بصح حنان كانت دايما قلقانة من شوفات سامي لمرام اليوم نهار الموعود نهار لتروح فيه مرام لطبيب باه تبدى بإجراءات تلقيح الإصطناعي