ချစ်သူ့ရင်ခွင်ထက်ဝယ် (မောင့်ချစ်သူ) [ Complete ]

အခန်း (၂)

Unicode

စားသောက်ဆိုင်အတွင်း တခြားဝိုင်းတွေကစားမပြီးသေးသော်လည်း သလင်းနွေနှင့်သွေးသစ်ဉာဏ်တို့က စားသောက်ပြီးစီးနေပြီဖြစ်သည်။

သွေးသစ်ဉာဏ်သည် cokeတစ်ဗူးသာသောက်​နေပြီး နေ့လယ်စာစားနေသော သလင်းနွေကို စိုက်ကြည့်နေခဲ့သည်။

ထိုကဲ့သို့ စိုက်ကြည့်နေသဖြင့် သလင်းနွေအနေခက်ပြီး နေ့လယ်စာပင်ပြီးအောင်မစားဖြစ်ဘဲ လိမ္မော်ရည်သာနေခဲ့ရသည်။

သွေးသစ်ဉာဏ်ကိုလည်း စကားမပြောဖြစ်ဘဲ ဖုန်းထိုင်သုံးနေလိုက်သည်။

၁နာရီခွဲတွင် ကားပြန်ထွက်မည်ဖြစ်၍ ၁နာရီကျော်ကျော်တွင် ရေဗူးနှင့်မုန့်တစ်ချို့ဝယ်ပြီး ကားပေါ်ပြန်တက်ခဲ့သည်။

သွေးသစ်ဉာဏ်ကလည်း သလင်းနွေနောက်ကမခွာဘဲ ကပ်နေသည်။

သလင်းနွေလည်းတကယ်စိတ်ရှုပ်သဖြင့် ကားပေါ်တွင်လည်း သူ့ဖုန်းသူသုံးနေသည်။မျက်နှာကတည်လျက်။ကားပေါ်တွင် လူမစုံသေးသော်လည်း တစ်ယောက်စ၊နှစ်ယောက်စတော့ရှိနေသည်။

"ဘာဖြစ်နေတာလဲ''

သွေးသစ်ဉာဏ်ကမေးလာတာကြောင့် သလင်းနွေလှည့်ကြည့်ပြီး မျက်ခုံးပင့်ပြလာသည်။ဘာကိုလဲဆိုသည့်သဘောတရားအပြည့်နှင့်။

"ဘာလဲ၊ကျွန်တော်နဲ့မထိုင်ချင်လို့လား''

အသံမာမာမေးလာသည့် သွေးသစ်ဉာဏ်ကြောင့် သလင်းနွေက ခေါင်းခါပြလိုက်သည်။

အမှန်တော့ သလင်းနွေ အနေခက်နေခြင်းပင်ဖြစ်သည်။

ခရီးစကတည်းက လူကိုအရုပ်ထင်နေလားမသိ။မှီလို့မှီ၊အင်္ကျီတင်လို့တင်နှင့်။

နေ့လယ်စာစားတော့လည်း စားစရာရှိတာမစားဘဲ တစ်ချိန်လုံးထိုင်ကြည့်နေသဖြင့် စိတ်အချဥ်ပေါက်ခဲ့ရသည်။

နေ့လယ်စာကောင်းကောင်းမစားရသဖြင့် လမ်းတွင်ဗိုက်ဆာမှာစိုးတာကြောင့် မုန့်အချို့နှင့်ရေ ဝယ်ပြီးကားပေါ်တွင် တက်ထိုင်နေလိုက်သည်။

အဲ့ဒီလို ကားပေါ်တတ်လာသည့်အချိန်တွင်လည်း နောက်ကတပ်ကြပ်မကွာလိုက်လာသေးသည်။