Trials that We Can't Balance (Accounting Series #4)

Kabanata 24

As I opened my eyes, a heartfelt smile automatically plastered on my face. Hindi ko ininda ang sinag ng araw na tumatama sa aking balat. Agad na napukaw ang atensyon ko sa mabigat na mga brasong nakapulupot sa aking katawan at sa mainit na paghinga niya nararamdaman ko sa aking leeg.

Unti-unting bumaba ang tingin ko sa katawan naming walang saplot at tanging nababalot lang sa puting kumot at hindi pa ako roon nakuntento dahil sinilip ko ang isang daliri kong mayroon nang singsing. Mas lalong lumawak ang ngiti nang sunod kong binalingan ng tingin ang asawa kong mahimbing pa rin na natutulog.

Bahagyang nakaawang ang mapupula nitong labi at mahinang humihilik. Umangat ang aking hintuturo upang sulsugin ang makapal at salubong niyang kilay. Tandang-tanda ko pa kung paano ako nahumaling sa makapal niyang kilay na ito noong nasa elementarya pa lang kami.

Sa tuwing nag-iisang linya iyon ay talaga namang kakabahan ka dahil mukha siyang dragon na nagbubuga ng apoy, ang sungit ng awra niya pero kahit gano'n marami pa rin siyang kaibigan at halos lahat yata ng kababaihan ay nahuhumaling sa kaniya.

Dahan-dahang bumaba ang hintuturo ko sa kaniyang matangos na ilong pababa sa kaniyang labi at pinakahuli ay sa baba. Pinagsawa ko ang mga mata ko na para bang isa siyang napakagandang tanawin na ngayon ko lang nakita at paulit-paulit kong babalikan. Nagbibigay kapayapaan. Hindi nakakasawa.

We've been married for two weeks now. Nakatira kami rito sa isang apartment na inuupahan namin. Pansamantala lang naman ito habang ginagawa pa iyong bahay sa katabi ng bahay ngayon nina Shaeynna sa isang kilalang subvision.

Masaya naman kami sa loob ng dalawang linggong pagsasama. Kahit na matagal na kaming magka-relasyon ay sobrang namamangha pa rin ako dahil napakarami pa pala naming hindi alam sa isa't isa.

In all honesty, I must say that... I couldn't ask for more. Simpleng buhay lang ang mayroon kami pero parang sasabog ang puso ko sa sobrang saya. Para akong lumulutang sa alapaap araw-araw. Para pa rin akong teenager na kinikilig at may kung anong lumilipad sa tiyan ko...

Marahan akong bumangon mula sa pagkakahiga. Maingat ang bawat galaw ko, sinisikap na huwag magising ang lalaking mahimbing na natutulog sa aking tabi. Mabilis kong kinapa ang unan at doon iniyakap ang mga braso niya. Inalis ko ang kumot na nakabalot sa akin at saka dumiretso sa cabinet para kumuha ng damit ni Reyster para suotin.

Napangisi ako nang pasadahan ko ng tingin ang aking sarili sa full-length mirror. Malaki ang damit ni Reyster. Umabot iyon nang hanggang tuhod kaya naman nagmistulan itong dress sa akin.

I tied my long hair in a messy bun. Lumabas ako ng kwarto at dumiretso sa kusina upang magluto ng agahan naming dalawa.

Na-realize ko na ang swerte pala ni Reyster sa akin 'no? Bukod sa maganda at sexy ako, housewife material pa. Eh ang lalaking 'yon, ka-gwapuhan lang ang mayroon tapos pabebe pa.

"Bili pa tayong isang bote?"

Natigilan ako sa pagsasampay ng mga damit nang marinig ang tanong ni Jolo sa asawa ko. Nandito rin si Kean at Terrence. Tanghaling tapat ay nag-iinuman sila kaya hindi ko maiwasang mapairap. Tumatanda na nga, inumang tatay na ang ginagawa. Payabangan na eh.

"Tama na 'yan! Baka hinahanap na kayo sa mga bahay n'yo!" singhal ko mula sa kusina.

"Kj ampota! Naglaba na naman ako bago umalis ah," tugon ni Kean sa akin.

"Naglinis na ako ng bahay bago umalis..." si Terrence.

Jolo scoffed and shook his head aggressively. "Hah! Subukan lang n'ya akong hanapin at pauwiin—"

"Bakit? Anong gagawin mo?" natatawang putol ni Reyster.

"Edi uuwi. Alangan namang hindi ko sundin? Ayaw ko ngang matulog sa labas!"