Part 19

884 121 4
                                    

နျူးတယောက် စာကြည့်ဆောင်ဘက်မှ ထွက်ပြေးလာပြီးသည့်နောက် မက်မွန်တောထဲရှိ အပင်တစ်ပင်အောက်တွင်သာ အချိန်အတော်ကြာသည်အထိ ငြိမ်ငြိမ်လေးထိုင်နေမိသည်။ လောင်ရဲ့က သူ့ကိစ္စနှင့်သူ အခုထိပြန်မလာသေးပူံရသည်။ သူ့ရင်တွေ တလှပ်လှပ်ခုန်မြန်နေ၏။ အသက်ကသာ ကလေးပေါက်စလောက်ရှင်သန်ရသေးသော်လည်း သူလုပ်လိုက်သည့်ပြစ်မှုတွေက သူ့အသက်ထက်တောင် များလာနေသလိုခံစားနေရသည်။ သူ၏ နှဖူးရှိ ပွင့်ချပ်လေးလည်း အနည်းငယ်အရောင်မှိန်နေတော့သည်။

သူတွေးနေရင်း လေအနည်းငယ်တိုက်တာကြောင့် မက်မွန်ပွင့်တို့မှာသူ့ပေါ်သို့ကြွေကြလာကြသည်။ အပွင့်ငယ်လေးတစ်ပွင့်က ပေါင်ပေါ်ကိုကျလာတာကြောင့် သူကောက်လိုက်မိသည်။ ထိုအပွင့်ငယ်လေးကို ကြည့်ရင်း သူတစ်ခုခုကိုသတိရမိကာ သူ၏ရင်ဘတ်ဝတ်ရုံအတွင်းထဲကို စမ်းလိုက်မိတော့

“ ဟင်…..ဘယ်…ဘယ်.ရောက်သွားတာလဲ…”

နျူးမှာ သူ၏ကိုယ်အပေါ်ပိုင်း ဗလာဖြစ်သည်အထိပင် အင်္ကျီကိုချွတ်ပြီး စမ်းနေတော့၏။ သူရှာနေ့သည့်အရာကို သူမတွေ့ချေ။ သူ ထပ်မံကာ မတ်တပ်ကောက်ရပ်ပြီး သူ့အောက်ပိုင်းအထိပါစမ်းသည်။

“ မတွေ့..မတွေ့ဘူး။ ဘယ်…ဘယ်မှာ ကျခဲ့တာလဲ”

မက်မွန်တောထဲကို သူပတ်ရှာကြည့်လိုက်မိပြီးသော်လည်း သူမတွေ့ချေ။ တဝဲဝဲကျနေသော သူ၏ဆံနွယ် ဖြူဖြူများကိုပင် ဆွဲလိုက်မိ၏။ သူ ထိုအရာလေးကို အလွန်သဘောကျသည်။ ထို မက်မွန်သလင်းကျောက်ပန်းလေးကို……

“ စာကြည့်ဆောင်ဘက်…”

အစောပိုင်းက ယွင်းရန်နှင့် အတူသွားသည့် လမ်းတလျောက်နှင့်အတူ စာကြည့်ဆောင်အတွင်းကိုပါ လိုက်ရှာရန်ဆုံးဖြတ်လိုက်သည်။ ယွင်းရန်ကို မတွေ့ဖို့တော့ သူမသိမသာလေးဆုတောင်းနေမိသည်။ ထိုသူကိုတွေ့ရသည်က သူ့အတွက် စိတ်ရှုပ်စရာပင်။

စာကြည့်ဆောင်ရှေ့တွင် ကုန်းကုန်း ကုန်းကုန်းနှင့် ထိုသလင်းကျောက်ကိုရှာနေသည်။ စာကြည့်ဆောင်တွင် သူနှင့်အနည်းငယ်ရင်းနှီးသည့် နတ်သူငယ်လေးက ထွက်လာပြီး သူ့ကိုမေး၏။

The Deal With A Demon King Where stories live. Discover now