Pay Attention To Me [Myanmar Translation]

Chapter - 1

"ဒီစာသင်နှစ်မှာ ငါတို့အတန်းထဲကို တစ်ယောက်ယောက်ပြောင်းလာမယ်ကြားတယ်!"

ဘယ်သူကအော်လိုက်တယ်ဆိုတာတော့ ပြောဖို့ခက်‌သည်။
အသံက သိပ်မကျယ်ဘူးဆိုသော်ငြား ညင်သာနေတာမျိုးလည်းမဟုတ်တာကြောင့် ထိုအသံသည်စာသင်ခန်းထဲကကျောင်းသားတွေရဲ့အာရုံစိုက်မှုကို မဆွဲဆောင်နိုင်လိုက်။

အတန်းသစ်မစခင်တစ်ရက်အလို စာရင်းသွင်းသည့်နေ့ဖြစ်သောကြောင့် လူတိုင်းဟာ textbookစာအုပ်ယူဖို့နဲ့ assignmentထပ်ဖို့ကိုပဲ အာရုံရောက်နေကြသည်။
အသံဟာ အခန်းထဲမှအသံများနှင့် အပြင်မှဆူဆူညံညံအသံများကြားမှာ ဖုံးအုပ်သွားပြီး အရှေ့တန်းကလူအနည်းငယ်လောက်ကသာ ထိုစကားလုံးများကို ကြားနိုင်ပေလိမ့်မည်။

ကျောင်းသူတစ်ယောက်ရောက်လာကာ ခုနစကားပြောလိုက်သောသူ၏ခုံကို သူမ၏စာအုပ်အသစ်နဲ့ရိုက်ချလိုက်လေသည်။
"ကျန်းခဲ့,နင့်သတင်းတွေ ဆယ်ခုမှာခုနစ်ခုလောက်ကအမြဲမှားနေတဲ့ဟာ,မတော်နိုင်သေးဘူးလား?"

ကျန်းခဲ့ဆိုသူက သူ့ရဲ့မျက်လုံးသေးသေးလေးတွေနဲ့ပုတ်ခတ်ပုတ်ခတ်လုပ်ရင်း,
"ဒီတစ်ခါ,တကယ်အမှန်ပါဆို!"

အရှေ့တန်းမှ အခြားသူများကလည်းစိတ်လှုပ်ရှားစရာကြားတော့ စီနေသိမ်းနေဆဲစာအုပ်အသစ်တွေကိုချခဲ့ပြီး ခေါင်းချင်းထပ်အောင် ပြုံတိုးလာကြတော့သည်။

"ဒီသတင်းကို ဘယ်ကကြားလာလို့လဲ?သေချာလို့လား?"

"အထက်တန်းဒုတိယနှစ်မှာ ကျောင်းပြောင်းလာတာဆိုတော့....တခြားကျောင်းမှာ၀င်ခွင့်မရလို့များလားနော်?"

"နင့်ဟာကဘယ်လိုမေးခွန်းမျိုးလဲ?အဓိကအချက်ကိုပဲအာရုံစိုက်စမ်းပါ,သဘာ၀ကျကျ ငါတို့ပထမဆုံးမေးရမှာ alphaလား omegaလား ဟမ်?"

"Oh please, ငါတို့အတန်းထဲမှာ alphaနဲ့omega ဘယ်လောက်နည်းလဲမမြင်ဘူးလား?ဒီလိုရှားရှားပါးပါး ပိုင်မုန့်မျိုးကို ကောင်းကင်ပေါ်ကကျလာမယ်များထင်နေလား?"

" Hey!အဲ့ဒါပဲ,အဲ့ဒီစကားပဲ,ကွက်တိမှန်တယ်!"
ကျန်းခဲ့ဆိုသူက သူ့ရဲ့မရှိတဲ့မျက်မှန်ကိုထိန်းညှိလိုက်ပြီးဆန်းကြယ်တဲ့လေသံနှင့်ပြောသည်။
"ခုလိုချိန်မှာ ငါတို့အတန်းထဲကိုသေချာပေါက်ပိုင်မုန့်တစ်ခုကျလာလိမ့်မယ်"