ဉာဏ်များလွန်းသော ခင်ပွန်းသည်

အခန်း (၁၆ ) / ခ

Burmese Translation of Fu Jun You Zhe Dian {夫君，悠着点} by Author 苏行乐.

အခန်း (၁၆ ) / (ခ)

Translator - Jinnie Grace

--------------------
ဟွေ့ကွမ်းမှာ အသက်ခုနစ်ဆယ်အရွယ် ကျန်းမာသန်စွမ်းသူတစ်ယောက်ဖြစ်၏။

သူ၏ ဖြူဖွေးနေသောဆံပင်များကို ကောင်းမွန်စွာဖြီးသင်ထားကာ ဆံပင်ဖြူတို့နှင့် အပြာရင့်ရောင်၀တ်စုံ၏ တွဲစပ်မှုက သူ့ပုံစံကိုပို၍ ခန့်ညားသွားစေသည်။

ရန်ရှီနဥ္ကြားခဲ့ဖူးသည့် ဟွေ့ကွမ်း၏ အရှိန်အ၀ါအကြောင်း ကောလဟာလများမှာ အမှန်ပင်။

ရန်ရှီနဥ္၏ ကျောပြင်လေး မတ်သွားတာကိုခံစားမိသည့် ဖေ့ကျင်းက သူမလက်ကလေးကို အသာအယာပင်ဆွဲယူလိုက်သည်။

ဟွေ့ကွမ်းဖိတ်ထားသည့်ဧည့်သည်များက စားပွဲနှစ်လုံးစာ အပြည့်။ ဟွေ့ကွမ်း၏ သားဖြစ်သူများ၊ ချွေးမများနှင့် မြေးဖြစ်သူတို့မှာ မြို့တော်တွင် စုပေးနေကြပေသည်။

ဟွေ့ကွမ်းတွင် သားသုံးယောက်နှင့် သမီးတစ်ယောက်ရှိကာ အားလုံးပညာတတ်များဖြစ်ပြီး လှပသော ဇာမဏီငှက်တစ်ကောင်ကိုလဲ ပိုင်ဆိုင်သည်။ သမီးဖြစ်သူက မိဖုရားချန်ဖြစ်ကာ သားသုံးယောက်လုံးမှာလည်း ရုံးတွင်းအမှုထမ်းများ ဖြစ်သည့်အားလျော်စွာ ထင်ရှားသည့်မိသားစုများမှ သမီးများနှင့်လက်ထပ်ထားကြသည်။ မိဖုရားချန်ကိုယ်၀န်ဆောင်ရင်း သေဆုံးခဲ့သည်မှာ နှမျောဖွယ်ဖြစ်သလို အိမ်ရှေ့စံဖြစ်လာမည့် မြေးတော်တစ်ယောက်ပိုင်ဆိုင်နိုင်မည့်ဟွေ့ကွမ်း၏အခွင့်အရေးလည်းပျက်သုန်းခဲ့ရသည်။

ဟွေ့ကွမ်း နန်းတော်မှ ထွက်လာခဲ့ပြီးသည့်နောက်တွင် သူ့အသက်ကိုရန်ရှာသည့်ဖြစ်ရပ်တစ်ခုလည်းဖြစ်ပွားခဲ့သလို အစောင့်နှစ်ယောက်မှာလည်း အဆိပ်လူးမြှားဒဏ်ကြောင့် အသက်ဆုံးရှုံးခဲ့ရသည်။ သူကိုယ်တိုင်လည်း အချိန်တစ်ခုကြာအောင် အိမ်တော်ထဲတွင်နေပြီး နေမကောင်းတာကို ကုလိုက်ရသေးသည်။

စားပွဲပြီးသည့်နောက်တွင် မိန်းမတစ်သိုက်အတင်းပြောတာကို ရန်ရှီနဥ်ခမျာအားတင်းနားထောင်နေရရှာသည်။ သူတို့ကို နန်းတော်စားပွဲတွင်တွေ့ဖူးသော်ငြား စကားမပြောဖူးပေ။ အမျိုးတော်လာကြလိမ့်မည်ဟူ၍လည်း ခန့်မှန်းမထားခဲ့မိ။ သူတို့၏အတင်းများကို သည်းခံရန်မူကား ခက်လှ၏။ သို့သော်လည မေးခွန်းများကိုတော့ ရန်ရှီနဥ် ယဥ္ကျေးစွာဖြေဆိုရသည်။