البارت 6

7.5K 225 23
                                    

فوط + كومنتار

هاجر : انا ديت قرار ولازم تسمعوه

ايوب : تفضلي يما

هاجر :اايوب نتا لازم تتزوج انا نحوس على حفيد ووريث لعايلتنا انا عندي ولد واحد اذا ماجبتش ولاد راح تخلاص سلالة عايلة الابراهيمي

سلمى بصدمة : ايه وانا وش راني ندير نقدر نجيب ولاد عادي

هاجر : حنا علابالنا بلي ماتقدريش تجيبي لولاد والطبيب تاعك قاللنا هكذا وانا كنت ساكتة بصح بعد الحادثة تاع البارح راجعت افكاري مليح وقررت وايوب محتاج ولد يبقى وريث لعايلة الابراهيمي ويخلف

ايوب : بصح انا ميش حاب نتزوج مره اخرى

سلمى : وانا ثاني مانيش موافقة

هاجر بجدية :كون ماتتزوجش وجيبلي احفاد عمري مانسمحلك ونغضب عليك .. ونخرج من القصر متزيدش تشوف وجهي

ايوب : وتخليني ؟؟

هاجر : القرار في يديك.......

ايوب : ايه موافق

سلمى بالعياط:بصح انا مانيش موافقة مانوافقش هاذي انا سلمى الابراهيمي تتزوج عليا؟؟

خبط ايوب الطابلة  بقوة وهو يعيط

ايوب : صوتك مايعلاش فهمتي ؟؟ ماعجبكش االحال الباب قدامك وميش نتي لي توافقي ولا نو؟ موافقتك متهمنيش كيما ما يهمنيش رفضك

سكتت سلمى كي شافتو منرفز علابالها يطردها بلا تخمام ساعتها تبقى كي المتشردة برا

ايوب : بصح انا عندي شرووط

هاجر : وشنو هوما !!

ايوب :: اول حاجة مكانش عرس نعقدو وخلاص وثاني حاجة تفهميها من الاول وش هو سبب الزواج والثالثة والاهم تفهميها انو ماعندهاش حاجة عندي من غير حقوقها الزوجية .... زوجة ونصرف عليها وخلاص كيفها كيف سلمى نظن كلامي واضح

هاجر : اوكي

سلمى :طاطا ميش رايحة تقوليلنا شكون العروسة ؟؟

هاجر : حاجة باينة لازم تعرفوها العروس هي ريم

سلمى : شكون ريم ؟؟

هاجر : بنت محمد الجنايني اللي جات اليوم

سلمى بصدمه: شنهههي!!شفتيها اليوم خطبتيهالو!! منعرفوهاش حتى وزيد بنت الجنايني ماتلقيش بهاذ العايلة اصلا ولا مستواها من مستوانا ! بنت الجنايني علاه خلاصو البنات ؟

حس ايوب بفرحة كبيرة وقلبو ولا يخبط بسرعة كي قالت اسمها معرفش السبة علاش قاطعت تفكيرو.....

هاجر :الطفلة متربية وناس ملاح وعاقلة عجبتني بزاااف

سلمى : ههههه متقارنيش بنت الخدام الجنايني بسلمى الابراهيمي وحدة زي زبالة هي ....

تزوجتها من اجل انجاب الوريث (باللهجة الجزائرية)حيث تعيش القصص. اكتشف الآن