البارت7

7.2K 230 24
                                    

اصبحنا واصبح الملك لله

ناض ايوب بكري كيما العادة دار الروتين تاعو كيما موالف ولبس كوستيم في البلو ودار ساعتو ورش من بارفانتو لي تشمو على بعد 10 كلم وخرج من غرفتو وراح لاصال دو مونج سلم على امو وقعد في بلاصتو

ايوب :صباح الخير يما

هاجر: صباح النور

ايوب : وين راهي سلمى ؟؟

هاجر: خرجت الصباح بكري قالت رايحة تشوف صحبتها في ريستورون

دارلها ايوب براسو تاع ايه

هاجر :محمد مستنينا في البيرو باش نهدرو معاه في الموضوع تاع البارح

ايوب : هيا ازربي خليني باش نروح عندي خدمة بزااف

راح هو وامو للبيرو تاعو قعد على كرسيه لي زي تاع الملوك بكل رهبة ووقار وامو قعدت في الكرسي مقابل محمد

محمد بخوف : خير مدام الحارس قالي محتاجتني كشما درت غلطة ؟؟

هاجر :اها حنا محتاجينك في موضوع يخص بنتك ريم

محمد : لاه كشما دارتلك حاجة ؟؟ قوليلي برك والله تسلكها غالية !

شافت فيه هاجر رافعة حاجبها بزاوية عالية

هاجر : اها بصح انا طالبة يد بنتك ريم لابني ايوب

حل عينيه وفمو تصدم من لي سمعو وماقدرش يستوعبو

محمد :شكووون ؟؟

هاجر : نحوس بنتك ريم زوجة لابني ايوب

محمد بصدمة : بصح يامدام ريم مزالت صغيرة وموسيو ايوب متزوج وكبير عليها ب13سنة

ايوب بكل برود : انا نحوس نتزوج باش نخلف ونجيب وريث ماشي علاجال حاجة اخرى يلا عدت ميش موافق ايا مالا باي

هاجر : لا يا محمد ايوب مايقصدش هكذا بصح تعيش وافق وانا نوعدك رايحة نديرها زي بنتي

محمد :بصح.....

قاطعو ايوب : 5ملاين مقدم و 5 مؤخر وبيت جديدة وراتب يوصلك كل شهر بلاما تخدم وزيد المهر تاعها ب60 مليون

محمد :ايه موافق

حزنت هاجر على ريم المسكينة علابالها بواش راهي تعاني ووش عاشت

ايوب :اوكي خلاص كلش علينا والعقد بعد 15يوم

محمد : اوكي

عطالو ايوب الشيك : هذا علاجال باش تجهزوها ومتحتاج حتى حاجة

دا محمد الشيك بكل لهفة وطمع طلب منو ايوب يروح يخبر عايلتو ويبداو بتحضيرات قعد غار ايوب وهاجر

هاجر :لاه درت هكذا يا ايوب؟؟

ايوب بسخرية : هو باع وانا شريت ...

وخرج من البيرو تاعو ديراكت للشركة خلى امو تايهة تخمم في حل للمخلوقة لي باعها باباها بلا رحمة ولات سلعة يديها لي يدفع الكثير هبطت دمعة سخونة حزنا على ريم المسكينة

-------------------------

في الريستورون

قاعدة هاذيك سلمى هي و صحبتها تشرب في القهوة

رانية : لاه راكي زعفانة ومتقلقة هاذي كانت حاجة متوقعة ؟؟؟

سلمى : علابالي بصح ماشي بالسرعة هاذي هكذا كل المال وامبراطورية الابراهيمي راحت لوحدة زبالة من الشارع

رانية بخبث : احمدي ربنا انها من الشارع

سلمى : لاه؟؟؟

رانية : هكذا تبقى ساهلة عليك تتخلصي منها وبسهولة هاذي وحدة فقيرة وايوب يحوس غير على ولد يعني بمجرد انها تجيب الولد يطيشها

سلمى : وكون ما يخليهاش؟؟

رانية : ساهلة تتخلصي منها باي طريقة حتى لوكان تقتليها

سلمى : قتل ؟؟؟

رانية بشر :ايه قتل مالا تخلي كل الثروة تضيع من بين يديك؟؟

سلمى : عندك الحق والله بصح الولد هاذا ضك يورث كل حاجة هو ولي العهد ووالوريث الوحيد

رانية : تربيه نتي وتخليه يعتبرك امو وهكذا ثروتو هي ثروتك

سلمى : وكون مايحبنيش؟؟

رانية بشر اكبر: تتخلصي منو كيما امو

--------------------------

في منزل ريم

دخل محمد لقا سامية تشرب في قهوتها

سامية :اليوم جيت بكري لاه ؟؟

محمد بابتسامة : عندي خبر يفرح ويخلينا نخرجو من الحارة المعفنة هاذي

سامية : ايه فرحني

حكالها محمد كلش وش صرا ووش قالو ايوب

سامية : ايييه يا ربي هاذا كامل علاجال هاذيك الفصعونة لي ماتصلح لوالو؟؟ كون نمدولو اسما ماشي خير !!؟

محمد : مايقبلوش هوما طلبو ريم وزيد اسما تستاهل واحد خير بيسك ايوب متزوج وزيد واعر ميش راح تعيش معاه متهنية

كانو يهدرو ويحكيو غافلين على ريم لي كانت واقفة متوال الباب وسمعت كلش هبطت الدموع من عينيها لي زي البحر كي الشلال راحت تجري لشمبرتها وغلقتها وهبطت متكية ع البالب تبكي وتشهق

ريم : اهئ اهئ اهئ باعني بابا باعني اهئ اهئ يا ربي لاه وش درت في دنيتي يا رب لاه للدرجة هاذي يكرهني اهئ اهئ انا كنت متحملة قسوتو وضربو وضلمو وتحملت كل حاجة وصبرت وكان عندي امل يجي نهار ويحس بيا ويولي يحبني كيما كان ولمن باعني وانا صغيرة ولمن باعني لواحد متزوج وعندو مرتو اهئ اهئ ياااااااااارب رحمتك يا ااارب

ناضت مسحت دموعها واصطنعت القوة وهي عازمة على حاجة
.........................

سامية : يعني بنتك رايحة تقبل ؟؟؟

محمد : تقبل بلا عزرينها كون ترفض نقتلها

وهنا قاطعتهم ريم

ريم : انا قابلة

شاف فيها محمد وسامية بصدمة وهي ولات لشمبرتها بلاما تزيد حتى كلمة دا محمد تيليفونو يعيط لايوب يخبرو بالموافقة

----------------------------

فوت + كومونتار= بارت جديد

وش رايكم في هاذ البارت؟؟؟

تزوجتها من اجل انجاب الوريث (باللهجة الجزائرية)حيث تعيش القصص. اكتشف الآن