البارت11

7.5K 232 34
                                    

بعد اسبوع (شركة الابراهيمي )

 مر اسبوع كامل على ابطالنا  وايوب يحاول يبعد على ريم ويغم روحو في الخدمة  ينوض الصباح بكري ويرجع روووطار  يلقاها راقدة  وبالرغم من هاذا يتأملها وهي راقدة و هي اصلا راقدة في قلبو  وجسمو يحوسو عليها في زوج  حتى عقلو خضع لبرائتها وجمالها   بصح غرور تاعو مايحبش يخضع ليها  وكيفاه اها ماهو ايوب الابراهيمي ترتمي تحت رجليه ملكات جمال العالم  حتان يحب طفلة صغيرة  تنهد بعنف وهو قاعد على كرسيه الفاخر  يخلص في خدمتو

ايوب :  لاه راني ندير هكذا في روحي  اكيد حبيتها  اها ماشي حبيتها انا عشقتها  لازم نعطيها ونمد لروحي فرصة  بصح هي طفلة هاذا وين راهي في  19سنة 

زفر بقوة ماعلابالوش وش يدير  قاطع تفكيرو  صاحبو وعشيرو سيف بلاما يطبطب  كي العاد شاف فيه ايوب بقلقة وغضب 

ايوب: $$## الباب لاه داروه  يخي باش طبطب فيه

سيف : ههههه  الله غالب مانقدرش نطبطب       وشبيك ؟؟ باين مهموم 

ايوب :  مانعرف يا صحبي معرفتش وش ندير 

قعد سيف ع الفوتاي لي مقابل ايوب 

سيف :  حبيتها مش هكذا؟؟   

  دارلو ايوب براسو بمعنى ايه

 شاف فيه سيف بحزن  وقال بأمل :  متفكرش يا صاحبي عيش حياتك  واغتنامها  باش يلا ضاعت منك ماتندمش  طول عمرك 

ايوب:  بصح هاذي راهي طفلة طفلة  بيناتنا 13سنة  كاملين وهي كانت بلاك متمنية واحد مايفرقهاش في العمر بزااف من حقها تدي واحد ماكسيمون 27سنة

سيف : لاه نورمال ميش بزااف بصح ماتقدرش تنكر هاذي مرتك مرتك يا ايوب

اقتنع بلي هي مكتوبو  ومكتوبة على اسمو  وهي مرتو من حقو ومن حقو يعيش حياتو لي دات منو بزاااف وضك وقتو باش يدي حقو من هاذ الدنيا هي ريم تاعو  وهي هديتو  تعوضلو كل تعبو ومعاناتو   طول السنين

ناض من بلاصتو هز قشو وخارج 

سيف : وين رايح؟؟

ايوب وهو يلبس في لافاست تاعو : رايح نعيش حياتي

سيف : والمواعيد والاجتماعات

ايوب : يغورو في ستين داهية

سيف : وليتلي مصري هنا ! هه

------------------------------

في الصالون قاعدة ريم وهاجر  قاعدين يشايخو ويضحكو دخلت عليهم  سلمى  تهدر بغرور تجاهلة ريم

سلمى:هاي طاطا

تجاهلتها هاجر راحت قعدت في الفوتاي  شافت في ريم بحسد وغيرة  تحوس تهينها وتذلها

سلمى : عيشك نتي ماعندكش غير هاذي اللبسة  ؟؟منين تجيبيهم ؟؟ تقول ماكيش مرت ايوب الابراهيمي خلاص

تزوجتها من اجل انجاب الوريث (باللهجة الجزائرية)حيث تعيش القصص. اكتشف الآن