part 15(z+u)

3.9K 326 28
                                    

(ချက်ချင်းရေးပြီး တင်လိုက်တာကြောင့် စာလုံးပေါင်း မစစ်ထားဘူးဗျ။)

အချိန်အားဖြင့် တစ်ပတ်ကျော်ကြာသွားခဲ့ပြီ။ ပြန်လာမယ်လို့ပြောသူဟာ အခုထိရောက်မလာခဲ့။ မကြာခဏဖုန်းပြောဖြစ်ကြပေမယ့် စာမေးပွဲကိစ္စတွေရယ် သော်စစ်ဘက်က မအားလပ်တာတွေရယ်တော့ ဖုန်းပြောရတဲ့ရက်တွေဟာ ၃ရက်မျှသာရှိပါသည်။ ယခုသည် စာမေးပွဲကာလပြီးဆုံးပြီဖြစ်၍ ဒီဇင်ဘာသည် သော်စစ်အား ရက်အနည်းငယ်စောင့်ပါသော်လည်း သော်စစ်သည် ပြန်ရောက်မလာခဲ့ပါ။ ဖုန်းခေါ်ရာတွင် စက်ပိတ်ထားသဖြင့် တဖြည်းဖြည်း စိတ်ပူလာသည်။ တစ်နေ့တစ်နေ့ စိုက်ခင်းရေလောင်းလိုက် ပန်းပင်ရေလောင်းလိုက်နှင့် ချစ်သူမရှိသည့် နေ့ရက်တွေကို စိတ်မပါစွာဖြတ်သန်းနေရသည်။ ထို့ကြောင့် သူအထုတ်ပြင်ရာ ချစ်သူရှိရာသို့ လိုက်သွားမည်ဟု တွေးတော၍ အကောင်အထည်ဖော်လိုက်၏။

တစ်ရက်ခန့်ကားစီးပြီးသည့်အခါ မှတ်ဥာဏ်ထဲ၌ ဝိုးတဝါးရှိနေသော လမ်းလေးကို ဂရုတစိုက်သွားရသည်။ အိမ်တွေသည်လည်း တိုးတက်ပြောင်းလဲလာ၍ ဒီဇင်ဘာသည် သော်စစ်အိမ်ကို အချိန်အတော်ကြာ ရှာယူလိုက်ရသည်။ သော်စစ်အိမ်က အရင်ကကဲ့သို့ မပြောင်းမလဲပင်ဖြစ်ပြီး ခြံထဲရှိသရက်ပင်အကြီးကြီး၌ သရက်သီးများဝေဝေဆာလျက်ရှိသည်။ ဒီဇင်ဘာသည် အိမ်ထဲသို့ ဝေ့ကြည့်ကာ ခြံစည်းရိုးအုတ်တိုင်မှ လူခေါ် ခေါင်းလောင်းခလုတ်အား နှိပ်လိုက်သည်။ နှစ်ချက်သုံးချက် နှိပ်ပြီးသည့်နောက်မှာ အိမ်ထဲမှ ကောင်မလေးတစ်ယောက်သည် ပြေးထွက်လာ၏။

" ဘယ်သူနဲ့တွေ့ချင်လို့ပါလဲ "

ကောင်မလေးသည် သူ့ကို ကြည့်ကာ မျက်ဝန်းတောက်တောက်တို့ဖြင့် စူးစမ်းလျက်ရှိသည်။

" သော်စစ်နိုင်နဲ့ပါ သူရှိလားမသိဘူး "

"ကိုကိုက မေမေနဲ့အပြင်ခဏသွားတယ်ရှင့် "

" အာ....ဒါဖြင့် ကျွန်တော် စောင့်လိုက်ပါ့မယ် "

ကောင်မလေးက လူစိမ်းမို့ တံခါးမဖွင့်ပေးပါ။ လက်ဆွဲအိတ်တစ်အိတ်ကိုင်ထားသည့် သူ့ပုံစံနှင့် ရုပ်ရည်ကိုကြည့်ကာ လူကောင်းလား လူဆိုးလား ခွဲခြားနေပုံရသည်။ ထို့ကြောင့် ဒီဇင်ဘာက အလိုက်သိစွာပဲ အိမ်ထဲမဝင်ဘဲ ခြံရှေ့ရှိ အုတ်ခုံလေး၌ ထိုင်စောင့်လိုက်သည်။ ထိုအခါ ကောင်မလေးက အားတုန့်အားနာဖြစ်သွားပြီး ခေါင်းလေးကုတ်ကာ အိမ်ထဲပြေးဝင်သွား၏။

အချစ်ဦး (အခ်စ္ဦး) (Completed )Where stories live. Discover now