Unicode
အခန်း(၂၈၂) - ဥခိုးမှုကျရှုံးခြင်း
ယန်ထျန်းဟန်ကယုံကြည်ချက်အပြည့်နဲ့ပြုံးလိုက်သည်။
"မလုပ်ရဲဘူးပေါ့...ကျွန်တော့အကိုကြီးကမဟာအကြီးအကဲလန်ယွဲ့ရဲ့တပည့်လေ...,မဟာအကြီးအကဲလန်ယွဲ့ကဆရာ့ရဲ့စီနီယာဆရာတူအကိုကြီးမဟုတ်ဘူးလား?အကယ်၍ကျွန်တော်သာဒီလိုမျိုးပြုတ်ကျပြီးသေသွားရင်,မဟာအကြီးအကဲလန်ယွဲ့ကိုဆရာဘယ်လိုလုပ်မျက်နှာချင်းဆိုင်ရဲပါ့မလဲ"
မဟာအကြီးအကဲဟွိုင်ယွီကသူ့ကိုအချိန်အကြာကြီးစိုက်ကြည့်နေပြီးမှပြန်ပြောလာသည်။
"ကောင်စုတ်လေး,မင်းကအတော်လေးရိုင်းစိုင်းတယ်နော်"
ယန်ထျန်းဟန်ကမြေပြင်ပေါ်ကကုန်းရုန်းထလိုက်ပြီးသူ့လက်ထဲကသိုလှောင်အိတ်လေးအားခါလိုက်ကာသွားရှစ်ချောင်းလောင်ပေါ်အောင်ပြုံးပြလိုက်သည်။
"အကယ်၍ကျွန်တော်သာအသက်ရှင်ချင်မယ်ဆိုရင်ဒါကိုတောင်ပြန်ယူမှာမဟုတ်ဘူး"
မဟာအကြီးအကဲဟွိုင်ယွီရဲ့မျက်နှာပေါ်ကအမူအယာကနက်ရှိုင်းလာသည်။
ခဏလောက်အကြာမှသာဟွိုင်ယွီကအေးစက်စက်နှာမှုတ်၏။
"ငါအခုမင်းအသက်ကိုကယ်တင်လိုက်တဲ့အချိန်မှာငါ့စီနီယာအကိုအကြောင်းတကယ်ကိုမစဉ်းစားမိဘူး...အကယ်၍မင်းအသတ်ခံလိုက်ရတယ်ဆိုရင်တောင်ငါ့စီနီယာအကိုကြီးကငါ့ကိုဘယ်တော့မှဆန့်ကျင်မှာမဟုတ်ဘူးကွ"
ယန်ထျန်းဟန်ကသူ့ခေါင်းလေးကိုငုံ့လိုက်သည်။
"ဒါဆိုဘာလို့ကျွန်တော့ကိုကယ်လိုက်တာလဲ?ဒီအတိုင်းပြုတ်ကျပြီးသေအောင်လုပ်လိုက်နိုင်တာပဲလေ"
ဟွိုင်ယွီကနက်မှောင်နေတဲ့အမူအယာနဲ့ပြန်ပြောသည်။
"အကယ်၍မင်းသေသွားရင်ဒီညငါ့ကိုဘယ်သူကထမင်းချက်ပေးမှာလဲ?"
ယန်ထျန်းဟန်: "..."
သူဒီအကြောင်းပြချက်ကိုလုံးဝယုံတယ်!
ယန်ထျန်းဟန်ကသူ့တုန့်ပြန်မှုကြောင့်နင်သွားသည်ကိုဟွိုင်ယွီမြင်သွားသည့်အခါသူ့ခံစားချက်များကောင်းမွန်လာကြောင်းရှာတွေ့သွားရသည်။သူ့မျက်နှာကအနည်းငယ်သက်တောင့်သက်သာဖြစ်သွားရင်းဖြင့်မေးလိုက်၏။
YOU ARE READING
(Book-2)အမြင့်မြတ်ဆုံး ကောင်းကင်အရှင်၏ ပြန်လည်မွေးဖွားခြင်း
Randomပါရမီရွင္အျဖစ္ေမြးဖြားလာသူ လင္႐ႊမ္းဇီသည္ သူ႔အတိတ္ဘဝမွာ ကမာၻၾကီးကို မလႊမ္းမိုးခဲ့ေသာ္လည္း ယန္ထ်န္းဟန္အေပၚ သစၥာေဖာက္ခဲ့သည္။ သူနဲ႔ အရင္းနွီးဆံုး သူငယ္ခ်င္းေတြ၊ ဆရာေတြနဲ႔ ဂိုဏ္းတူညီအစ္ကိုေတြ အကုန္လံုးက သူ႔ကို ထိုးနွက္ သတ္ျဖတ္ျပီးမွသာ သူက်ဴးလြန္ခဲ့သည့္ ခ...
