البارت 16

7K 281 23
                                    

وين راكي هاربة يا الهرابة روحي ديري فوت وكي تخلصي البارت خلي كومونتار يخب ما تخسرو والو

في الشركة :

قاعد ايوب في الكرسي تاعو تايه يخمم  قاطعاتو نهى دخلت  هازة القهوة في يدها  تترن في مشيتها بربع ميترة تاع كتان حطت القهوة فوق البيرو

ايوب :قولي لسيف يجي لعندي       

نهى:حاضر 

شوية هكذا ودخل سيف قعد في الكرسي المقابل  لايوب         

ايوب ::وجد روحك لغدوا الاجتماع مع الشركة الايطالية  ع الساعتين

سيف : اوكي  ....اا اا اا ايوب بخصوص ريم

ايوب :  اولا اسمها مدام  ريم ايوب الابراهيمي  ثانيا مانيش حاب  نهدر في هاذا الموضوع  اطلاقا 

سيف:  اسمعني انا اصلا راني حاس الموضوع هاذا متفبرك ومخدوم  وثاني مانيش مرتاح اللي وسمها اسماء  هاذي اطلاقا بتاتا  هي خدمتها مليحة بصح  نحس تصرفاتها غريبة  واهتمامها فيك  مبالغ فيه 

ايوب بسخرية :  والله . تقدر تفهمني مالا الساعة وين راحت  يلا عادت هي صح بريئة وخاطيها كيما راك تقووول

سيف: حاول تعرف  الحقيقة يا صاحبي  كون تكون مظلومة راك رايح تندم بعدها     

خرج سيف وخلاه غارق في تفكيرو يعني زعما  تكون مظلومة وماسرقتش الساعة ؟؟

--------------------------------------

في القصر في الصالون

 نلقاو سلمى راقدة فوق الفوتاي 

سلمى :سااااااااارة (خدامتها) ويييييين راااكي يا حمارة 

سارة : تأمري بحاجة مدام ؟؟؟           

سلمى : ايييه  جبيلي القهوة تاعي راسي يوجع     اييه وين راه الباقي؟؟

سارة :  سمعت  المدام الكبيرة   الصباح تقول لايوب  بلي رايحة لاطاليا لعند اختها  بعد 3 ايام ترجع  وهو راح للخدمة بكري  والمدام راحت  راحت انا المدام الصغيرة ..... ا

سلمى بالعياط : مكانش  سيدة في القصر هاذا من غيري فهمتي ؟؟

جات في راسها فكرة شيطانية  تستغل خلو البيت  من هاجر لي ماتوليش الا بعد 3 ايام  وايوب خدام  مايجيش بكري 

سلمى : روحي عيطيلي  لفتيحة ازربي واطلعي نوضي بنت ال******لي راقدة الفوق وقوليلها تجي

راحت عيطت لفتيحة           

فتيحة :  خير مدام  تحتاجي حاجة ؟؟؟

سلمى : واالو مانيش حابة نهدر بزاااف  انتي والخدامين كااامل اليوم عندكم اجازة  اليوم وغدوة الصباح تكونو هنا 

تزوجتها من اجل انجاب الوريث (باللهجة الجزائرية)حيث تعيش القصص. اكتشف الآن