البارت 19

7.6K 271 35
                                    

وين راكي هاربة يا الهرابة روحي ديري فوت وارواحي تقراي

في دار محمد اب ريم شمبررة اسماء

سامية : اففففففففففففففف مفهمتش لاه راكي حابسة روحك في شمبرتك عندك قداه من يوم ونتي هنا لاه ؟؟؟

اسماء بالعياط : وش تحوسيني تدير اه طردوني من الخدمة والامل لي كان عندي راح وبنت ال ######مزالت معاه

سامية : نوضي وخممي كيفاه نبعدوهم على بعضهم ونفرقوهم

اسماء : هههههه وش نستفادو ضك مايزيدش يشوف فيا بعد اللي درتو

سامية : ههه نستفادو نخرجوها من العز لي راها فيه ونرجعوها حدمة تحت رجلينا كيما كانت

تبسمت اسماء بخبث على فكرة امها وضحكو ضحكة شيطانية ويخممو كيفاه يزيدو يدمرو حياة هذيك المسكينة

------------------------------

مع العشوة

تتململت ريم من نومها وهي تحس بوجع يقطع فيها طاحت عينها في ايوب لي محضنها بقوة هه تقول خايف تهرب قاعدة تتأمل في وجهو هزت صباعها مررتهم على وجهو بحنانة ورقة

ريم بهمس : مفهمتش ؟حاسة بكل حاجة مخلطة فيا بصح متأكدة اللي انا نحس معاك بالامان والسعادة ... تنهدت وكملت تهدر : اه بصح خايفة بزاااف الامان لي نحسو معاك يروح كيما اي حاجة حلوة ومليحة في حياتي راحت

اما ايوب كان في عالم اخر تحت سحر صباعتيها الرقاق خاطر ناض قبلها يتأملها ويشوف فيها كي العادة ودار روحو راقد كي حس بيها تتململ في حضنو ورايحة تنوض وقلبو يرفرف بالفرحة وهو يحس بلمساتها على وجهو حس جسمو شعل كااامل يطالب بيها حل عينيه وشاف فيها وهي كي شافاتو ناض تحوس تتملص منو

ايوب : هههههه تحوسي تهربي مني ؟؟

ريم بتوتر : ا اا ه ااا كنت نحوس ندخل للحمام برك

حشمت وهبطت خبات راسها في رقبتو وخدودها رايحين يطرقشو ناض يضحك عليها وعلى حشمتها بعد عليها بالسيف عليه يخليها تنوض خاطر كان مكتفها عندو من البارح وماخلاهاش تحركت

شافت فيه ريم وهي قريب تبكي من الحشمة كيفاه تنوض وهي ماهي لابسة والو شاف فيها ايوب فهمها مد يدو هز تريكوه لي مطايش في الارض عطاهولها حكماتو عليه بحشمة دخلت تحت الغطا لبساتو ناضت من الفراش تحت عينين ايوب لي قاعد يشوف فيها بحب وهي لابسة تريكوه لي وصل لرركبتها خاطر هي قصيرة بزااف بالنسبة ليه تبان طفلة صغيرة لاحت خطوة وحدة شهقت من الوجع وهي حطة يدها تحت كرشها

تنفض ايوب من بلاصتو راح ليها بعد ما سمعها حاوط خصرها

ايوب : وشبيك حاسة بحاجة ؟؟ هبطت عينيها وتوردو خدودها معرفتش وش تقلو

لاحظ ايوب حشمتها حط يدو على خدها ولوخرا مزالت تحاوط خصرها بحماية

ايوب : وشبيك حبي كشما وجعك ؟؟

تزوجتها من اجل انجاب الوريث (باللهجة الجزائرية)حيث تعيش القصص. اكتشف الآن