Unicode
ကိုယ်ဝန်ဆောင်စဥ် ၄ လ ။
အေးမြလတ်ဆတ်တဲ့ လေ နဲ့အတူ နေရောင်ခြည်အနွေးထည်နုနုတို့က မှန်သားပြင်ပြတင်းပေါက်ဆီကတိုးဝင်၍ အိပ်ပျော်နေတဲ့ နှိုင်းလေးမျက်နှာပေါ်သို့ရောက်လာခဲ့သည်။
ညအိပ်ဝတ်စုံအပြာရောင်ကာတွန်းဝမ်းဆက်လေးနဲ့ ဆံပင်ထိပ်လေးကိုခေါင်းစည်းကွင်းလေးနဲ့စည်းကာအိပ်ပျော်နေတဲ့ နှိုင်းလေးဟာ အသက် ၃၀ ကျော်လူတစ်ယောက်ဆိုတာဘယ်လိုမှယုံနိုင်ဖွယ်ရာမရှိပေ ၊ စိတ်ထင်၍လားမသိ အခုနောက်ပိုင်းမှာ နှိုင်း ရဲ့အသားအရေကနူးညံ့ကာ ပိုပိုဝင်းလာပြီး မျက်နှာလေးကြည်လင်ကာပိုပြီးလဲချောမောလာတာကြောင့် Demon မှာ စိတ်မချဖြစ်နေတဲ့စိတ်ကပိုတိုးလာပြန်သည်။ ကိုယ်ဝန်ဆောင်ကာလမှာ ပြောင်းလဲလာတဲ့ စားသောက်ပုံနဲ့ ပုံမှန်မဟုတ်တဲ့အိပ်ချိန်တွေကြောင့် ပင်ပန်းနေပုံရတဲ့ နှိုင်း သည် ဘယ်တုန်းကမှညီးညူးခြင်းမရှိခဲ့ပေ ၊
တစ်ခါတလေဆိုလျှင် ည ၂ နာရီလောက်ထိအိပ်မပျော်ပဲ Demon အား ချွဲနေတတ်သလို တစ်ခါတလေဆိုလျှင် ည ၈ နာရီလောက်ကနေမနက်ထိအိပ်ပျော်နေတတ်သည်။ ဒါတွေက ကိုယ်ဝန်ဆောင်တွေမှာ ပုံမှန်ပါပဲလို့ဆရာဝန်တွေကညွှန်ကြားပြောပြပေမယ့် Demon ကတော့ နှိုင်းအားအတတ်နိုင်ဆုံး သက်တောင့်သက်သာဖြစ်စေရန်ကြိုးစား၍ဂရုစိုက်ပေးသည်။
အိပ်ပျော်နေတဲ့ နှိုင်းလေးသည် နေရောင်ခြည်အလင်းကြောင့် အနည်းငယ်လှုပ်ယဲ့လာပြီးမျက်မှောင်လေးကျုံ့ကာပြီး နှုတ်ခမ်းရဲရဲလေးကမဆိုသလောက်ဆူထွက်လာသည်။
Demon သည် ရင်ခွင်ထဲက ကလေးလူကြီးလေးရဲ့ဟိုဟိုဒီဒီလှုပ်ရှားမှု့ကြောင့် အိပ်နေရာမှနိုးလာခဲ့သည်။ အဲ့အချိန် နှိုင်းလေးဟာ မျက်စိမပွင့်ပဲ နေရောင်မရှိတဲ့ တဖက်ကိုလှည့်အိပ်ဖို့ကြံနေတာမို့ Demon က အရင်ဆုံးနေရောင်အား သူကျောပြင်နဲ့ကွယ်ထားလိုက်ပြီးနောက် နှိုင်း ကို နဂိုအတိုင်းလေးပဲအိပ်စေကာ နှဖူးလေးအားမြတ်နိုးစွာနမ်းရှိုက်ပြီး ကျောပြင်လေးကိုဖွဖွပုတ်သိပ်ပေးလိုက်သည်။
နှိုင်း ပြန်အိပ်ပျော်လောက်ပြီအချိန်မှ Demon က အိပ်ရာဆီမှထ၍ ပြတင်းပေါက်လိုက်ကာကိုသေချာပိတ်နေလိုက်သည်။
YOU ARE READING
ကိုကိုရဲ့ကလေးငယ် S3 [ Completed ]
Romance#July - 17 - 2020 #Moewathan #Art by Maythitsar🌹 ယခုဇာတ်လမ်းတွင်ပါဝင်သော အကြောင်းအရာများနှင့် ဇာတ်လမ်း ဇာတ်ကွက်များဟာ စာရေးသူ၏စိတ်ကူးယဥ်ဇာတ်လမ်းသာဖြစ်သည်။