40-EVEN IF EVERYONE DISAGRESS,I WILL STILL FORGE MY WAY

4K 700 38
                                    

SCROLL DOWN FOR ZAWGYI

UNICODE

CH40- EVEN IF EVERYONE DISAGREES, I WILL STILL FORGE MY WAY

"ဖုန်းကော ၊ ကျွန်တော် ဒီလိုဝတ်စားထားတာနဲ့ အဆင်ပြေရဲ့လား ?

ရိတကျွမ့်ကား နှစ်ပေါင်းများစွာ ပုန်းခိုစောင့်ဆိုင်းရသည့်အလုပ်ကိုလုပ်ကိုင်ခဲ့ရသူဖြစ်ရာ နေရောင်ခြည်များ၏ထိတွေ့လာခြင်းကို အတော်အတန်ခံရဖူး၏ ။ သူ၏အသားအရေများမှာ နေရောင်ကြောင့်ညိုခြောက်ကာ အရေပြားတွန့်ခြင်းအချို့ရှိနေရုံသာမက ခန္ဓာကိုယ်ကလည်း ပိန်ပါးသည့်အသွင်ဘက် ရောက်နေသောကြောင့် ရိတကျွမ့်ကား လက်ရှိအသက်ထက် ပိုကြီးနေသည့်ပုံပေါ်နေတော့သည် ။ ယခုလက်ရှိ နက်ပြာရောင်အလုပ်သမားဝတ်စုံနှင့် ဟောင်းနွမ်းနေသောဖိနပ်တို့ကိုဝတ်ဆင်လိုက်သောအခါ ရိတကျွမ့်တစ်ယောက် နေပူမရှောင်မိုးရွာမရှောင် အလုပ်လုပ်ရသော အလုပ်ကြမ်းသမားတစ်ယောက်နှင့် တူသွားချေပြီ ။

ရိတကျွမ့်၏အပေါ်ထပ်အင်္ကျီကို လုဖုန်း ကူဝတ်ပေးလိုက်ကာ ပုခုံးပေါ်လက်တင်လိုက်ပြီး နှစ်ယောက်သား ခုံပေါ်အတူထိုင်လိုက်ကြသည် ။

"မင်း စကားပြောတဲ့အခါ ဝဲတဲတဲအသံလေးနည်းနည်းပါးပါးထည့်ပြောဖို့ သတိမမေ့စေနဲ့ "

အခန်းအတွင်းရှိထောင့်များနှင့် စားပွဲထက်ရှိ တစ်သျှူးဘူးကို လုဖုန်းညွှန်ပြလိုက်ကာ

"ဒီအခန်းထဲမှာ လျှို့ဝှက်ကင်မရာလေးလုံးရှိတယ် ၊ တစ်ခန်းလုံးအပြည့် ကြည့်လို့ရတယ် ၊ မျက်ကွယ်နေရာမရှိဘူး ၊ ငါ အိပ်ခန်းထဲကနေ စောင့်ကြည့်နေမယ် ၊ အဲ့ဒါကြောင့် ထိန်းချုပ်မထားဘဲနဲ့ မင်းရဲ့သရုပ်ဆောင်စကေးလ်ကို ပြလိုက်စမ်းပါ "

ရိတကျွမ့်ကား အတန်ငယ်​စိုးရိမ်မှုနှင့်အတူ မျက်နှာကိုပွတ်သပ်နေတော့၏ ။

"ဒါကြီးက စိန်ခေါ်မှုအသစ် ၊ စတင်မှုအသစ်လိုပဲ... ပါပါရာဇီအလုပ်ကနေထွက်ပြီး ရုပ်ရှင်တွေဘာတွေနဲ့ အသက်မွေးဝမ်းကြောင်းအလုပ် လုပ်ချင်ရင်လုပ်လို့ရလောက်တယ်"

လုဖုန်း ရိတကျွမ့်ပုခုံးထက်ပုတ်လိုက်ကာ

"မင်း လုပ်နိုင်မှာပါ "

Flying Gulls Never Land [ဘာသာပြန်]Where stories live. Discover now