SCROLL DOWN FOR ZAWGYI
UNICODE
CH42- SOME THINGS REALLY COULD NOT BE FORCED
ရှန့်မင်အော်က ရှန်းရှောင်ရှဲကိုကြည့်နေခဲ့ပြီး ခဏအကြာ နှုတ်ခမ်းပါးထက် လှောင်ပြုံးတစ်ခုက နေရာယူလျက် ။
"ဒီဘက်က ကိုယ်ရှိနေတဲ့နေရာကို တကယ်မသိဘူးပဲ ၊ တကယ်လို့ တွေးထားတဲ့အတိုင်းပဲ တောင်းဆိုမယ်လို့စဥ်းစားနေရင် အကူအညီလာတောင်းသင့်တဲ့လူက ကျွန်တော်မဟုတ်ဘူး ၊ အဲ့အစား တစ်ခြားလူတစ်ယောက်ကို ဆက်သွယ်ဖို့အတွက် အကြံပေးချင်တယ် "
ရှန့်မင်အော်က ထိုသို့ပြောပြီးနောက် မတ်တပ်ထရပ်လိုက်ကာ သူ့ဘေးနားရှိ လူငယ်ကိုလှည့်ကြည့်ပြီး
"ဝူရိ ၊ သူတို့ကို လိုက်ပို့ပေးလိုက်ပါ"
ခြေထောက်အဆစ်လွဲခြင်းကား ယခုလက်ရှိအချိန်တွင် လုံးဝသက်သာသွားပြီဖြစ်လေရာ ရှန့်မင်အော်တစ်ယောက် အဟန့်အတားလုံးဝမရှိဘဲ လွတ်လွတ်လပ်လပ် လမ်းလျှောက်နိုင်လေပြီ ။ တုတ်ကောက် အသုံးပြုဖို့ရာ မလိုအပ်တော့ ။ ဝူရိအား ထိုစကားတစ်ခွန်းပြောပြီးနောက် ရှန့်မင်အော်မှာ တစ်ခေါက်တစ်လေပင် ပြန်မကြည့်တော့ပဲ လှည့်ထွက်သွားတော့သည် ။
ဝူရိကား ရှန်းရှောင်ရှဲနှင့် လုဖုန်းတို့နှစ်ယောက်လုံးကို အနေရခက်စွာကြည့်နေပြီးလျှင် မလိုလားအပ်သောစကားများ ပြောဆိုရမည်ကိုလည်း စိုးရွံ့နေပုံရသည် ။ ထို့ကြောင့် မျက်နှာထက် ခပ်တောင့်တောင့် အပြုံးတစ်ပွင့်သာဆင်မြန်းကာ လုဖုန်းတို့ကို ထွက်ခွာဖို့ရန် ခြေဟန်လက်ဟန်ပြလာခဲ့၏ ။
ရှန်းရှောင်ရှဲ၏အသားအရေကား ဖျော့တော့နေလျက် ။ ပုံမှန်အခြေအနေတွင် တစ်စုံတစ်ယောက်က သူ့အား ဤသို့ပြောရဲနေခဲ့လျှင် ရှန်းရှောင်ရှဲ၏လက်က ၎င်းတို့၏အင်္ကျီကော်လံထက် မဆိုင်းမတွရောက်သွားပေလိမ့်မည် ။ သို့သော် ယခုမူကား ရှန်းရှောင်ရှဲတစ်ယောက် အစွမ်းအစမရှိသည့်နှယ် လုဖုန်း၏လက်ကိုတွယ်ချိတ်ထားရုံသာ တတ်နိုင်ပြီး ရှန့်မင်အော်နှင့်ပြေလည်ရာပြေလည်ကြောင်း စကားလုံးကောင်းကောင်းကလေးများ သွားပြောပေးဖို့ရန် လုဖုန်းအား တောင်းဆိုနေရတော့သည် ။
YOU ARE READING
Flying Gulls Never Land [ဘာသာပြန်]
RomanceEnglish Title - Flying Gulls Never Land Original Author: Hui Nan Que (回南雀) Eng Translator : Jiraiya Status : 82 chapters ( 73 chapters + 9 extras) Generes: Drama , Mature , Psycological , Angst Chinese novel: Completed Eng trans : Ongoing ✔️Permissi...