My View Every Night

MVEN-12

Wala naman masyadong nangyari sa loob nang isang linggo.

Hindi ko na naman naririnig na nagkikita si Dave at si Divine, palagi na naman kaming magkasama ni David umuwi kaya okay na kami.

Friday ngayon, so as usual masaya ako.

Nagising ako nang may biglang yumakap sa'kin.

"Anak! Happy birthday!" Masayang bati ni mama at sa gilid ko naman si papa samantalang nakatayo sa likuran ni mama si kuya.

"Huh? Birthday?" Nagtatakang tanong ko.

Anong petsa ba ngayon?

"Sinasabi ko na ngabang nakalimutan mo birthday mo eh," saad ni kuya habang naka krus ang braso.

Tumayo ako at tinignan ang kalendaryo kung anong petsa na nga ba talaga.

Ay tanga! Birthday ko na nga pala.

"Thank you ma, pa, at sa napakabait kong kuya," masayang saad ko.

"Oh sige na, magbihis ka na, malelate ka na sa klase mo," saad ni papa bago humalik sa noo ko at umalis na nang kwarto.

Sinilip ko ang kanang bintana ko dahil nagtataka ako kung bakit hindi ako binati ni engkanto.

Pagtingjn ko ay wala na siya sa kwarto niya!

Iniwan ako?

Ang galing ha!

Pagkatapos kong maligo ay nagbihis na lang rin ako at kumain nang almusal.

"Malungkot ata tayo ngayon mare," buling ni kuya.

"Tumahimik ka diyan," saad ko.

"Di ka binati? Okay lang yan," pang-iinis niya sa'kin.

Hindi ko siya pinansin at pinagpatuloy lang ang pagkain.

"Ma, alis na ako" saad ko at humalik sa pisngi ni mama.

Kanina pa umalis si papa dahil may ginagawa silang project ngayon.

Wala nga, ako lang mag-isang naglakad papunta sa school. Para akong iniwan nang basta basta dahil ang lungkot lungkot ko habang naglalakad.

"Oh, ikaw lang ata mag-isa ngayon, Belle" pansin ni manong guard.

"Opo. Nakadaan na po ba siya dito?" Tanong ko kay manong.

"Oo, may kasama siyang babae," saad ni manong guard na ikinainit nang ulo ko.

Ito ba ang gift niya sa'kin?

"Sino po?" Tanong ko sa kaniya.

"Di ko kilala eh," saad  ni manong.

Tumango lang ako at naglakad na papunta sa classroom.

Palapit na ako ngayon sa room namin nang may biglang nag-abot sa'kin nang papel na may nakasulat na 'H'.

"Para saan 'to?" Tanong ko kay Carl.

Hindi niya ako sinagot at ngumiti lang.

Naglakad pa ako nang may biglang nag-abot ulit sa'kin nang papel na may letter 'A'.

Ano bang nangyayari?

May nag-abot ulit sa'kin nang papel na may letter 'P' sunod naman ang letter 'P' ulit, at nakita ko na nakahilira ang nga kaklase kong lalaki sa labas nang classroom at sa gilid nila si Chris.

Naglakad ako papunta sa kanila at iniabot sa'kin ni Chris ang papel na may letter 'Y'.

Happy?

Binigyan ako nang mga kaklase ko na nakatayo sa harapan ko nang roses at binuksan nila ang classroom.