Unicode
Chapter(27 - 4) - အတူတကွခရီးသွားခြင်း
mounts တွေရောင်းချတဲ့နေရာကအလွန်သက်ဝင်လှုပ်ရှားလှသည်။ထိုနေရာမှာ mounts အမျိုးအစားစုံလင်စွာရှိလှပြီးကြိုးကြာနတ်သူငယ်လေးများနဲ့ကြောင်ကတိုးများကတော့အတွေ့အများဆုံးပင်။ဒါ့အပြင်သင်ကြားပေးထားသောဝိညာဉ်ယုန်များနဲ့မြင်းပျံများ၊ဝိညာဉ်ကျားများနဲ့မြွေများအပြင်လိပ်များနဲ့ငါးပျံများပင်ရှိသည်။
ရှန်ကျစ်ရှန်းကတော့ငါးပျံကိုသဘောကျမိသည်။
ငါးပျံ..,နာမည်ပေးထားတဲ့အတိုင်းပဲငါးကလေထဲမှာပျံသန်းနိုင်သည်လေ။သူကလူနှစ်ယောက်သုံးယောက်လောက်ထိုင်နိုင်သည်အထိပုံမှန်အရွယ်အစားမျက်နှာပြင်ပေါ်မှာထူထဲကျယ်ပြန့်တဲ့ကျောပြင်ကြီးရှိသည်။
mounts ကိုရောင်းချနေသူက အားတက်သရောလူခေါ်နေသည်။
"လာမယ်,လာမယ်,ဒါကိုဝယ်ကြပါ!သူတို့ကသေလောက်အောင်မြန်ဆန်တယ်၊သေလောက်အောင်တည်ငြိမ်တယ်ပြီးတော့ပျံသန်းနိုင်ပါတယ်..ခရီးစဉ်တစ်လျှောက်မှာအောက်ကမြင်ကွင်းကဘယ်လောက်တောင်အသက်ဝင်လှုပ်ရှားလှလဲဆိုတာကိုကြည့်လို့ရနိုင်ပါတယ်....အရေးကြီးဆုံးတစ်ခုကတော့သူတို့ကလုံခြုံစိတ်ချရတယ်!ကျုပ်နှစ်ပေါင်းများစွာ mount ငါးပျံတွေရောင်းချလာတာတစ်ယောက်မှပြုတ်ကျတယ်ဆိုတာမကြားဘူးဘူး!"
ရှန်ကျစ်ရှန်းရဲ့နှလုံးခုန်သံကမြင့်တက်လာသည်။
"သာမာန်လူတွေရောထိုင်လို့ရလား?"
သူ့စကားနှောင့်ယှက်ခံလိုက်ရတာကြောင့်ရောင်းချသူမှာအေးခဲသွားရသည်။သူကရှန်ကျစ်ရှန်းအားအထက်အောက်ချုံကြည့်လိုက်ပြီးမှနားလည်သွားရ၏။
"အာ,ကျုပ်ကခင်ဗျားကိုဂိုဏ်းကြီးတစ်ဂိုဏ်းဂိုဏ်းကနေအတွေ့အကြုံလိုချင်လို့ဆင်းလာတဲ့တပည့်တစ်ယောက်ယောက်ထင်နေတာ,ခင်ဗျားကိုကြည့်ရတာအရမ်းကိုချောမောခန့်ညားနေတာဆိုတော့....စီးလို့ရတာပေါ့,စီးလို့ရတယ်!ကျုပ်ရဲ့ငါးပျံကအရမ်းကိုလိမ်မာပြီးနာခံမှုရှိတာ,သာမာန်လူတွေလည်းသေချာပေါက်ထိုင်စီးလို့ရတယ်!"
YOU ARE READING
(Completed) ဆရာဖြစ်ရတာမလွယ်ဘူး (ဆရာျဖစ္ရတာမလြယ္ဘူး)
Mystery / ThrillerTitle - It is not easy being a master Author - Jin Xi Gu Nian / Eng translator - Xi Xi Burmese translation period - Jan 5,2021 ~ Oct 14,2022 ရှန်ကျစ်ရှန်းသည်သူ့တပည့်ရဲ့အမြူတေကိုမုန်းတီးမှုကြောင့်ဖြတ်ထုတ်ပစ်ခဲ့သည့်အရံဇာတ်ကောင်ဆရာရဲ့ကိုယ်ထဲကူးပြောင်း...
