Application For Divorce [ 离婚申请 ]

၂

Unicode

ထိခိုက်မှု၏အကျိုးဆက်

ချန်းကျင်း ဗဟိုစစ်တပ်ဆေးရုံကို ရောက်တော့ ဖေလီက ဆေးရုံဝင်ပေါက်တွင် မတ်တပ်ရပ်နေမှန်း တွေ့လိုက်ရလေသည်။ သူသည် အသက်သုံးဆယ်အတွင်း ဝင်ရောက်နေပြီဖြစ်ပြီး ခန့်ညားသည့်ဟန်ပန်ရှိပေ၏။

ခွဲစိတ်ကုသရုံဖြင့် အနီးမှုန်ခြင်းကို အရှင်းပျောက်အောင် ကုသပေးနိုင်သည့် ခေတ်အခါရောက်နေသော်ငြား သူသည် အခုထိ အနက်ရောင်ကိုင်းနှင့်မျက်မှန်ကို တပ်ရတာ သဘောကျနေဆဲဖြစ်သည်။ ၎င်းပုံစံကပင် သူ့အားပို၍ ပညာရှင်ဆန်စေသောကြောင့် ဖြစ်နိုင်လေ၏။

သူတို့နှစ်ယောက်သိလာခဲ့သည်မှာ အတော်လည်းကြာနေလေပြီ။ သူ့ကိုမြင်သောအခါ ဖေလီက စစ်တပ်စည်းမျဉ်းအတိုင်း ယဉ်ကျေးစွာအလေးပြု၏။

“ဗိုလ်ချုပ်ကတော်ကို ကျွန်တော်အပေါ်ထပ် ခေါ်သွားပေးပါ့မယ်”

ချန်းကျင်း၏နှလုံးသားတစ်ခုလုံးက စိုးရိမ်ပူပန်မှုများနှင့် ပြည့်နှက်လျက်။ အတိတ်တုန်းက သူလုပ်ခဲ့ဖူးသည့် အမှားများကို မသိချင်ယောင်ဆောင်လိုက်ကာ မေးခွန်းမေးလိုက်လေသည်။

“သူဘယ်လိုအခြေအနေရှိလဲ ?”

“အခုထိ အရေးပေါ်အခန်းထဲမှာပါပဲ”

ဖေလီက လမ်းပြရင်းသူ့ကို ရှင်းပြသည်။

“ ဗိုလ်ချုပ်က Zerg တွေတိုက်ခိုက်တာခံရပြီး အတွင်းပိုင်းဒဏ်ရာရသွားတဲ့ပုံပါပဲ။ နောက်ပြီး လက်အောက်ငယ်သားတစ်ယောက်ကို ကယ်ဖို့လုပ်ရင်း အဆိပ်ရည်နည်းနည်းလည်း ခေါင်းထဲအထိုးခံလိုက်ရတာမို့ အခုဒီကမ္ဘာက အတော်ဆုံးခွဲစိတ်ဆရာဝန် ငါးယောက်ကိုယ်တိုင် ကုသပေးနေပါတယ် ”

Zerg ပုံ