Unicode+ Zawgyi
❣️ဦး ဖန် တီး သော အ ချစ် သ င်္ကေ တ❣️
💫Season 2💫
💫Part (7)💫
~❣️~❣️~❣️~❣️~❣️~❣️~❣️~❣️~❣️~❣️~❣️~❣️~
#စိမ်းလန်းစိုက်ပျိုးရေးခြံ
ဆိုသော ဆိုင်းဘုတ်တွေ့သည့်နှင့် ရာရာတို့ဝမ်းသာသွားကြသည်။ မြေပုံကိုအသုံးပြုပြီးလာခဲ့ရသည်မလို့ နေရာလွဲမှားမှာ စိုးရိမ်ခဲ့ရသည့်စိတ်က အခုမှအဆင်ပြေသွားသည်။ရာရာ၊ကစ်ကစ်နဲ့မင်းမင်းသုံးယောက် ကားပေါ်ကဆင်းခဲ့ကြပြီး ခြံရဲ့အလုပ်သမားတစ်ယောက်နားသွားကာ...
"ဦးလေး ကျွန်မတို့က LS groupကလာတဲ့စာဖိုမှူးတွေပါ မှာထားတဲ့ပစ္စည်းတွေလာယူတာပါရှင့်"
"ဦးလေး ခြံရှင်ဆီလိုက်ပို့ပေးမယ် "
"ဟုတ်ကဲ့ "
ထိုဦးလေးက ခြံရှင်ဦးလေးဆီလိုက်ပို့ပေးသည်။
"သူဌေး ကျွန်မတို့က LS groupကပါ "
"ဟုတ်ကဲ့ ဘာကိစ္စများရှိလို့ပါလဲ "
"မှာထားတဲ့ပစ္စည်းလာယူတာပါ "
"မှာထားတဲ့ပစ္စည်းတွေက ခဏကပဲ လာယူသွားပြီကွယ် "
"ရှင် "
ရာရာတို့တစ်ယောက်မျက်နှာတစ်ယောက်ကြည့်လိုက်ကြသည်။ ဘာကမှားနေလဲဆိုတာ စဉ်းစားလို့မရ။
"သူဌေးရှင့် သေချာလို့လား လူမှားတာရောမဖြစ်နိုင်ဘူးလား "
"မဖြစ်နိုင်ပါဘူးခင်ဗျာ ကျုပ်ကိုယ်တိုင် သေချာစစ်ဆေးပြီးမှထည့်ပေးလိုက်တာပါ"
ရာရာတို့ ဦးနှောက်ခြောက်သွားရသည်။ ခြံနာမည်လည်းမမှားပါ။ စိမ်းလန်းဆိုတာသေချာမှတ်ပြီးလာခဲ့တာ။
"ဒေါ်သစ်သစ်လွင်ကိုဖုန်းဆက်မယ် ရာရာ "
"အင်း "
ကစ်ကစ်က သွက်သွက်လက်လက်ပင် ဖုန်းထုတ်ယူကာ သစ်သစ်လွင်ဆီဆက်သည်။ တစ်ဆက်တည်း စပီကာပါဖွင့်လိုက်တော့ သစ်သစ်လွင်ရဲ့အသံကျယ်ကျယ်ကိုကြားလိုက်ရသည်နှင့်။
"စားဖိုမှူးချုပ် စိမ်းလန်းခြံက ပစ္စည်းတွေတင်ပေးပြီးပြီတဲ့ အဲ့တာဘာကမှားနေတာလဲ "
YOU ARE READING
ဦးဖန်တီးသောအချစ်သင်္ကေတ/ဦးဖန္တီးေသာအခ်စ္သေကၤတ (Season 2)[Completed]
Romance(၅)နှစ်ကြာပြီးနောက်ပိုင်း သူနဲ့ရာရာတို့ကြား အနှောင့်အယှက်တွေပေါ်လာခဲ့ပါတယ်။ "ကိုယ်မင်းကို ခဏခဏပြောဖူးတယ် ကိုယ့်ကိုယုံကြည်ပေးပါလို့လေ ဒါပေမဲ့ မင်းအမြဲတမ်းလုပ်ချင်ရာလုပ်တယ် နောက်တစ်ခါ ထပ်ပြောပါရစေ ကိုယ့်ကိုယုံပါ တခြားဘယ်သူ့ကိုမှ မကြည့်ဘဲ ကိုယ့်ကိုကြည...