Hedgehog And Tiger [Myanmar Translation]

|1|

[Unicode]

"ထန်ကော၊ ဘယ်အတန်းလဲ?"

ယန်ထန်မျက်လုံးတွေက စာရွက်ကပ်ထားတဲ့ဘုတ်ပေါ်ရောက်သွားပြီးနောက်၊ သူကပြန်ဖြေလာတယ်
"အတန်း ၁"

စကားအဆုံးမှာ ဖက်တီးကတိုးတိုးကျိန်ဆဲလိုက်ရင်း၊ အနားတိုးကာပြောတယ်
"ငါက အတန်း ၇တဲ့"
(မူရင်းမှာကတည်းက Fattyလို့ပဲရေးလို့ပါ)

"အတန်း ၇ကကောင်းတာပေါ့၊ ပထမထပ်ကလွယ်တယ်လေ"

ယန်ထန်ကပြောရင်းနဲ့ပဲ ခြေလှမ်းတွေကိုနောက်ပြန်ဆုတ်လိုက်ကာ၊ သူ့အတန်းဆီဦးတည်လိုက်တယ်။
နောက်ကျောမှာမျက်စိမရှိဘူးလေ၊ အဲ့တော့လူတစ်ယောက်ကိုနင်းမိသွားလေရဲ့။

ထိုလူရဲ့မျက်လုံးတွေက ရှေ့ဆံပင်ရှည်ရှည်တွေနဲ့ဖုံးအုပ်ထားတယ်၊ မှန်ထူထူမျက်မှန်ကြီးကိုလည်းတပ်ထားသေး။

ယန်ထန်လို ၁၈၀စင်တီမီတာနီးနီးဝိတ်နဲ့ တက်နင်းမိတာတောင်မှ၊ ထိုလူကအသံလုံးဝမထွက်ဘူး။
မျက်မှောင်ကြုတ်သွားပြီး၊ ပေသွားတဲ့ဖိနပ်ဖြူဖြူလေးကိုသာ ငုံ့ကြည့်နေတယ်။
သူကအရပ်မပုပါဘူး၊ ဒါပေမဲ့အတော်လေးပိန်တယ်။

ယန်ထန်စိုက်ကြည့်တာကိုခံရချိန််မှာ၊ တစ်ခုခုကိုဖုံးကွယ်ချင်သည့်အလား သူ့ရှေ့ဆံပင်တွေကိုထိကိုင်နေတယ်။
ထို့နောက်မှာတော့၊ လူအုပ်ကြီးကြားထဲက ပိုစတာနားကိုသာတိုးကပ်သွားတယ်။

သူ့ကိုအာရုံမစိုက်တာတွေ့လိုက်ရတော့၊ ယန်ထန်ကလည်း တောင်းပန်မနေတော့ဘူး။
ဖက်တီးကိုသာ စာသင်အဆောက်အအုံဆီဆွဲခေါ်သွားလိုက်တယ်။

ယန်ထန်မိသားစုက နည်းနည်းလေးအာဏာရှိတယ်။
ထိပ်ဆုံးအတန်းဆီရောက်ရဖို့ သူ့အဖေက အဆောက်အအုံဘယ်နှစ်ခုလောက်လှူထားလဲမသိပါဘူး။

"ထန်ကော၊ ယွဲ့အာ မနေ့ကဖုန်းခေါ်တယ်။ ဟိုတစ်ယောက်က သူ့ကိုကျောင်းအနောက်ဖက်ဂိတ်မှာ ပိတ်စောင့်နေပြန်ပြီတဲ့"

ယန်ထန်က အပြုံးတစ်ခုနဲ့လှည့်ကြည့်လာပြီး
"သူကခုန်နေတုန်းပဲလား?"

"ကျွတ် ထန်ကော၊ ယွဲ့အာကစိတ်ရှုပ်နေလို့ပါ သူ့ကိုစိတ်မဆိုးပါနဲ့"