Hedgehog And Tiger [Myanmar Translation]

|3|

[Unicode]

"စကားနားထောင်ရမယ်လေ၊ ည၈နာရီ အလုပ်ဆင်းလိမ့်မယ်။ ကိုကိုပြန်လာရင် အာလူးကြော်ဝယ်ခဲ့မယ်နော် ဟုတ်ပြီလား?"

"ဒါပေမဲ့ မိုးတွေရွာနေတာ သားကြောက်တယ်"

"မကြောက်နဲ့၊ ရှင်းလျန်က သတ္တိရှိတဲ့ကောင်လေးမဟုတ်လား"

အိမ်ခန်းထဲမှတစ်စုံတစ်ယောက်က သူ့ညီလေးကိုချော့နေဟန်တူတယ်။
အသံကခပ်နိမ့်နိမ့်နဲ့ ညှို့ဓာတ်အပြည့်ပါဝင်နေတယ်။
ယန်ထန်က ခဏလောက်နားထောင်နေလိုက်ပြီးမှ၊ မိုးစက်တို့ကိုရှောင်ရှားနိုင်ရန် ခေါင်းဆက်မော့ထားလိုက်ရတယ်။

တံစက်မြိတ်က အနားသိပ်မကျယ်လှဘူး၊ စီးဆင်းလာတဲ့မိုးရေစက်တို့ဟာ သူ့ဖိနပ်အသစ်လေးကိုတောင် ပေကျံသွားစေတယ်။

တံခါးပွင့်လာချိန်မှာတော့၊ အထဲကထွက်လာသူနဲ့ ယန်ထန်ဟာ မျက်နှာချင်းဆိုင်သွားရတယ်။

အတန်းဖော်လေးပဲ

ယန်ထန်က အချိန်ယူစဉ်းစားနေပေမဲ့၊ သူ့စားပွဲဖော်လေးရဲ့နာမည်ကို မသိရသေးဘူး။
ဟုတ်သားပဲ! လုံးဝမှမမိတ်ဆက်ရသေးတာကိုး။

စားပွဲတူတူထိုင်ခဲ့ကျပြီး ကျောင်းဝတ်စုံတူတူကိုလည်း ဝတ်ဆင်ခဲ့ဖူးတယ်။
ဒါပေမဲ့ ကျောင်းဝတ်စုံကို သူ့လောက်ကောင်းအောင်ဝတ်နိုင်တဲ့သူ၊ ယန်ထန်မတွေ့ဖူးဘူး။

စားပွဲဖော်လေးက အရပ်မပုပါဘူး၊ သူ့ထက်တောင် အနည်းငယ်ပိုရှည်နေသေးတယ်။
ဒါပေမဲ့ ပိန်လွန်းအားကြီးတယ်၊ လေတိုက်တာနဲ့ လဲသွားတော့မဲ့ပုံစံမျိုး။

ယန်ထန်က တစ်ဖက်လူကိုသေချာကြည့်လိုက်တယ်။
သူ့မျက်နှာက ရှေ့ဆံပင်ရှည်ရှည်တွေရယ် မျက်မှန်ထူထူကြီးတွေရယ်နဲ့သာ ဖုံးကွယ်လို့ထားတယ်။
အဲ့တော့ အကြည့်တွေကိုပြန်ရုတ်လိုက်ရပြီး
"ဘယ်လိုတောင် တိုက်ဆိုင်ချက်လဲ"

တစ်ဖက်လူက ခေါင်းငြိမ့်ပြပြီး၊ တံခါးကိုသော့ခတ်ဖို့ပြင်တယ်။
ကျယ်လောင်တဲ့မိုးခြိမ်းသံတစ်ခုအပြီးမှာ၊ အိမ်ထဲက ကလေးတစ်ယောက် ပြေးထွက်လာလေရဲ့။

"ကိုကို ကျွန်တော်ကြောက်တယ်၊ ဒီနေ့မသွားပါနဲ့ နော် နော်"