Unicode+Zawgyi
❣️ဦး ဖန် တီး သော အ ချစ် သ င်္ကေ တ❣️
💫Season 2💫
💫Part (12)💫
~❣️~❣️~❣️~❣️~❣️~❣️~❣️~❣️~❣️~❣️~❣️~❣️~
"မင်းမင်း "
ရာရာမျက်လုံးပြူးလာရပြီး ပါးစပ်အဟောင်းသားဖြစ်သွားရသည်။ တစ်ဆက်တည်းမှာပင် မင်းမင်းရဲ့အပြုအမူကို မနှစ်မြိုဘဲ သံသယဝင်လာသည်။
"ဘာလုပ်တာလဲ ငါရတယ်ပြောတာကို "
"ဆော ဆောရီး မမ"
လက်ကိုရုတ်သိမ်းလိုက်သည်။ ပြီးနောက်လက်ဆေးကာ ခေါက်ဆွဲပန်းကန်ယူပြီး အိမ်ရှေ့ထွက်လာခဲ့သည်။
မင်းမင်းဘာလို့ ဒီလိုထူးဆန်းနေရတာလဲဆိုတာ ရာရာမစဉ်းစားတတ်တော့ဘူး။ ခဏက မင်းမင်းပုံစံက အရင်နဲ့မတူဘဲ တစွတ်ထိုးဆန်နေသည်။
ကစ်ကစ်ရှေ့မှာ ခေါက်ဆွဲကိုချပေးလိုက်သည်။"သုံးဆောင်လို့ရပါပြီ ကြက်ဥပါထည့်ပေးထားတယ် "
"မမလေးကလည်း အားနာစရာကြီး "
"ကစ်ကစ်နော် အဲ့လိုမခေါ်ပါနဲ့ဆို "
"အဟင်းဟင်း "
"နင် ဘာလို့အလုပ်ထွက်တာလဲ "
"ဥက္ကဌကို ကြောက်လို့ "
ဟုတ်သည်ပဲ။ မနေ့က ကစ်ကစ်မူးပြီး ဦးသူ့ကို ပြောဆိုထားတာ။
"ဦးသူ့စိတ်ထဲထားမှာမဟုတ်ပါဘူး "
"ငါကလည်းလေ ဘာလို့ အဲ့လိုလုပ်မိတာလည်းမသိတော့ဘူး "
"မူးလို့ဖြစ်သွားတဲ့ကိစ္စပဲ ဦးသူ့နားလည်မှာပါ"
ရာရာတို့စကားပြောနေစဉ် မင်းမင်းရောက်လာပြီး ဆိုဖာပေါ်ဝင်ထိုင်သည်။
"ရာရာ နင်ထူးဆန်းတယ် ဥက္ကဌကိုအကောင်းပြောနေတယ် "
"မဟုတ်ပါဘူး ငါက နင်စိတ်သက်သာရာရအောင်ပြောပြတာပါ "
မျက်စိမျက်နှာပျက်ပြီး အတင်းငြင်းသည်။ ဥက္ကဌအကြောင်းပြောရင် ရာရာ့မျက်နှာ ပြုံးနေတာကို ကစ်ကစ်မြင်နေရသည်။
အတွေးနဲ့အတူ ခေါက်ဆွဲကိုကော်လိုက်တော့ တူမှာခေါက်ဆွဲကပါမလာ။
YOU ARE READING
ဦးဖန်တီးသောအချစ်သင်္ကေတ/ဦးဖန္တီးေသာအခ်စ္သေကၤတ (Season 2)[Completed]
Romance(၅)နှစ်ကြာပြီးနောက်ပိုင်း သူနဲ့ရာရာတို့ကြား အနှောင့်အယှက်တွေပေါ်လာခဲ့ပါတယ်။ "ကိုယ်မင်းကို ခဏခဏပြောဖူးတယ် ကိုယ့်ကိုယုံကြည်ပေးပါလို့လေ ဒါပေမဲ့ မင်းအမြဲတမ်းလုပ်ချင်ရာလုပ်တယ် နောက်တစ်ခါ ထပ်ပြောပါရစေ ကိုယ့်ကိုယုံပါ တခြားဘယ်သူ့ကိုမှ မကြည့်ဘဲ ကိုယ့်ကိုကြည...