✍️ Unicode
💕 မင်း
-----------------
" ဟယ်လို… မင်္ဂလာပါ… ဘယ်သူပါလဲခင်ဗျာ…… "
ဟိုနေ့က ညီ ဆိုတဲ့နေရာမှာ မင်း လို့ပြောင်းထားခဲ့တာမို့ အဖိုးကြီးပေါက်စမျက်စိလည်ကုန်ပြီထင်သည်။မင်္ဂလာပါတွေ ဘာတွေဖြစ်ကုန်သည်။
" အဟက်…… "
တစ်ချက်ရယ်လိုက်ရင်း
" အစ်ကို… ညီ့ကိုလာခေါ်…… "
" အမ်… ဘယ်မှာလဲ…… "
" စားနေကြ ထွဋ်ခေါင်စားသောက်ဆိုင်က အခန်းနံပါတ်နှစ်ထဲမှာ…… "
" အိုကေ… အိုကေ… ကိုယ်လာနေပြီ…… "
ချက်ချင်းဖုန်းချသွားတော့မှ ရှေ့ကဘီယာခွက်ကိုကိုင်ကာ နောက်ထပ်မော့ဖြစ်ပြန်သည်။ Double Black ပါရောထားတာမို့ အမူးရှိန်ကတရိပ်ရိပ်တက်လာနေသည်။
" ဘာလို့အဲလောက်သောက်နေရတာလဲ…… "
တံခါးပွင့်သွားနဲ့အသံနဲ့အတူ အဖိုးကြီးပေါက်စအသံက နောက်ကကပ်ပါလာသည်။
" အ… မြန်လှချည်လားအစ်ကိုရ…… "
" လျှာရှည်မနေနဲ့… အပြင်မှာမိုးဖွဲလေးတွေလည်းကျနေတယ်… လာ… အဆောင်ကိုပြန်ကြမယ်…… "
ဆံပင်ပေါ်ကမိုးရေတွေကိုခါချရင်း အနားလာခေါ်နေတဲ့ အဖိုးကြီးပေါက်စလက်ကိုဆွဲကာ ထွဋ်ခေါင်ဘေးမှာထိုင်ခိုင်းလိုက်သည်။
" ခဏလေးပါဗျာ…… "
" ဘာတွေလုပ်ဦးမှာမို့လဲ… သောက်နေတာလည်းတော်စေတော့… မင်းတော်တော်မူးနေပြီမို့လား ပြန်ကြရအောင်…… "
ရှေ့ကပုလင်းတွေခွက်တွေသိမ်းဖို့ပြင်နေတဲ့အဖိုးကြီးပေါက်စကို ဘေးကထိုင်ကြည့်နေမိသည်။
အမြဲတမ်းလိုလိုနောက်ကိုလှန်ဖြီးထားတတ်တဲ့ လှိုင်းတွန့်လိုဆံပင်လေးတွေက နဖူးပေါ်ကို ကပိုကယိုကြနေကြတော့ အရင်ကထက်ပိုပြီးနုသွားသလို ဖြူဝင်းတဲ့အသားအရေကလည်း အခန်းထဲကမီးရောင်ပြောင်းတိုင်း အရောင်တွေလိုက်ပြောင်းနေတာမို့တော်တော်ကြည့်လို့ကောင်းနေပြန်သည်။
ESTÁS LEYENDO
💕 မင်း
Romanceအရမ်းချစ်တာ နဲ့ အရမ်းမုန်းတာရဲ့ကြားမှာ....အလွယ်တကူပေါက်ထွက်သွားနိုင်တဲ့ အလွှာပါးပါးလေးတစ်ချပ်ပဲရှိတယ်။ ဒါ့ကြောင့် အရမ်းချစ်နေမိရာက.... အရမ်းမုန်းသွားတတ်ကြသလို.... အရမ်းမုန်းတယ်ဆိုပြီးတော့လည်း.... အရမ်းချစ်သွားတတ်ကြတယ်။ ★★★★★★★★ အရမ္းခ်စ္တာ နဲ႕ အရမ္း...
