البارت 14
ابوج كالي احجي وياها و فهميه البارحة بليل
اجه جدج و عمامج طلبوو ايدج من ابوج
و خطبوج ل ليث و أبوج كال كليله خل تفكر
لان اني وافقت و انطيتهم بس فهمي بنتج ..
هيا حجت هيج لو اني كلبي ارتعد من الموضوع
اجه كبال عيني ليث و شكله العصبي ..
بعدها كلشي ماشفت الدنيا ظلمت حسيته
و الكاع احسه صارت مكلووب
ماحسيت غير صوت ركعة و امي تصيح..
فتحت عيني ماشوف شي بس ضباب
الصورة مغوشة عندي ماشوف شي
غمضت عيني و رجعت فتحته شكم مره
يلا وضحت عندي الصورة ..
شفت أمي كاعدة كبالي و فارس يباوعلي
بخووف و واكف يم راسي ..
حجيت بتعب : شكوو شصاير ..
حجت امي بخوف : ولج يمه طيحتي كلبي
شجاج ..
عدلت كعدتي و احس راسي موتني و ماتذكر شكو
: ليش شكو يمه شصار !؟
: ولج جنتي مابيج شي تحجين وياي
اشو كتلج على موضوع خطوبتج و انتي طحتي
عليه ظليت اصيح واخوج اجاني يشوف شبيج ..
هيا حجت هيج و اني اتذكرت كل الي صار
باوعت عليه و كتله بخووف: شنوو يمه شتحجين..
حجه فارس و يباوعلي بنظرات ماعرف افسرهن
: موضوع خطوبتج من ليث ..
فزيت بسرعة من مكاني و وكف كتله
بخووف و افرك بأيدي : ي يمه روحي
احجي وي أبوي كله زينب ماموافقة ..
كامت امي تباوعلي و تحجي وياي
تحت انظار فارس الي ساكت و ماعلق بشي ..
: ولج يمه شتحجين انتي شنو ماموافقة
: اي يمه مثل ماسمعتي ماموافقة اني
ماريد ليث..
: يااا دهر ولج شنو ماتردينه انتي نسيتي
هو الج و انتي اله من صغركم انتم مسميين..
كتله بقهر : يمه شنو مسمين احنه كبرنه
وصار النه راي عوفو تقاليدكم ترى زمنه يختلف
من زمنكم و اصلاً ليث مااحسه يناسبني ..
ضربت على صدره : يااا دهر صابج ولج شنو هذا
الحجي شنو ما ينسابني احجي كلام مفهوم
شترديني اكل لابوج ما يناسبج الله وكيلج يشنقج
هنا احجي ولج عدل ..
كتله و دمعة نزلت من عيني شحجي يمه
اكلج الولد حبيته و تمنيت يجي هذا اليوم ..
بس صار العكس اتمنى هذا كابوس و اصحى منه
صرت اخاف من هذا اليوم لان الي حبيته يكرهني
مايريدني مجبور عليه ..
كتله بصوت شبه عالي و أبجي :
لو يموتني ما اقبل بيه مااخذه يعني ما اخذه
تفهمون لو لا..
باوعت امي على فارس و كالت :
ماتحجي أنت شبيك ساكت احجي وي اختك
شوفه اتخبلت و لا يجي أبوك يسمعه ..
كال فارس : انتظر كلامكم يخلص حتى افتهم
اجه عليه و كال بحنية : كولي ليش رافضة
ليث ابن عمنه مو غريب و نعرفه و نعرف اخلاقه
و اهله شاريج و يردوج كليلي شنو سبب رفضج
اله شنو الي يعيبه !؟
حجيت بكلبي يعيبه ياخوي هو مايردني
اهله رايديني بس هو لا مجبورة عليه
واني ماريد اروح عند شخص كارهني ..
كتله : مايعيبه شي بس اني ماريده..
حجت امي : ولج كولي سبب مقنع حتى
ترفضين و نحجي وي ابوج ويفهم عليج
سبب الرفض ..
كتله بصياح اتخبلت ماريد هذا الزواج
هذا اعتبار موتي ماريده ..
كتله بصياح ابجي : كتلكم ماريده ما موافقة
عن هذا الزواج خلوني براحتي فدووه
كافي عاد شنو انغصب عليه لا تخلوني اشرد
من يمكم ..
ظلو صافنين عليه و على كلامي اول مره
اعلي صوتي بوجودهم طبعي هادئة كلش
اول مره احجي هيج كلام و اهدد بيهم
بس خفت منظر ليث و هو عصبي و عيونه حمر
و من كسرني و كال ماريدج و ماهتم بمشاعري
شلون اروح اعيش وياه والله يعذبني يمكن ..
حجه فارس بهدوء: يمه عوفينه وحدنه
اريد احجي وياها ..
هزت راسه امي راحت و كالت
: افتهم منه لان راح اتخبل من كلامه ..
عافتنه و طلعت و اني بقيت واكفة بمكاني
مدنكة راسي و افرك بأيدي من التوتر
ابجي خايفة ..
رفع راسي و كال : باوعيلي ولج ..
رفعت راسي اله و عيوني مدمعة كتلة بشهكة:
فاارس ماريد اتزوج
حجيت هيج و ظليت ابجي ماعرف اذا
تكولون زودتيها بس خايفة لا يغصبوني
لان ابن عمي و ماينرفض على كلامهم ..
اني صح احبه بعدني و اموت عليه
بس كرامتي الي انمسحت بلارض و يكلي
بكل وقاحة ماريدج شلون افرح
و اكللهم موافقة و اني اعرف مصيري شنو
يمه ..
ماحس غير حضني و كال وهو يهدي بيه:
ولج انعل ابو الزواج الي هيج يسوي بيج
هاهية ماتردين انكللهم ماكو نصيب
و ماعدنه بت الكم حتى لو ابن عمج شني يعني
كلشي قسمة و نصيب ..
ابتعدت عنه و كتله : صدك فارس و أبوي
شقنعه ..
: الله كريم يقنع جا يغصبج على الزواج
انتي بنيته و مايغصبج هسه مسحي دموعج
و خل يجي أبوي و احجي وياه ..
هزيت راسي و مسحت دموعي هو راح
عافني ومشه وسد الباب وراه ..
كعدت اني على الجرباية و ظليت صافنة
وافكر شراح يفهمهم هسه و ليث شنو
حاله هسه و ليش مارفض من كلوله يخطبني..
معقولة وافق لا مااظن بس خاف انجبر هم
ماعرف شراح يصير بيه بس ادعي الله يستره ..
ظليت افكر بكلامه وهو يصيح عليه و يحجيو من يكلي اكرهج انتي انفرضتي عليه ..
دمعة وره دمعة تنزل و اني كلامه يرن بأذني
ابد ما نسيته لان جرح كلبي و بقى اثر كلامه
بكلبي ..
خليت ايدي على وجهي و ظليت اشهك من
البجي ومتوني تهتز من البجي :
الله يسامحك ليث انت كسرتني بهذا كلامك
ليش هيج حجيت وياي مافكرت بمشاعري
حتى لو ماتحبني بس مو تحجي هيج
شلون بيه ياربي ساعدني و انزع حب ليث
من كلبي ..
عساني ماحبيتك و لا فكرت بيك
تعبت هوواي من حبيتك بس جرحني
شسوي هسه ادعي و اكول عساك الله يتعبك
مثل ماسويت بيه و ساعة اكول اسم الله عليه
هو ماله ذنب ماحبني مو غصب يعني
اني الصوج بيه حبيته و مافكرت هو يحبني لا
وجان لازم اشيل هذا الحب من كلبي من زمان
لان هو جان امبين عليه مايريدني من تصرفاته
بس اني وهمت نفسي هوواي ..
صاار الليل و اني حابسة نفسي بلغرفة
محد اجاني بس امي مره وحده على الاكل
بس ماردت و ماحجت شي بعد وياي
البيت هدووء كلشي ماكو و أبوي يمكن
لحد هسه ماجه و فارس ماجه بعد عليه
و اني كلبي هسه راح يوكف من الخووف ..
شووي وسمعت الباب يندك كلت : تفضل
أنفتح الباب و اجه عليه فارس
كمت من مكاني بس جان وجهه مغيم
وامبين ضايج حجه و كال :
كومي أبوي يريدج جووه ..
اقتربت منه بخووف :
ليش فارس انت حجيت وياه شنوو ..
هز راسه : ايي كتله و من سمع رفضج
كال صيحه ..
: شنوو بس هيج حجه يعني مكال شي
ماعصب ..
هز راسه بنفي : مكال شي بس هاي الحجاية
روح صيح أختك..
باوعت عليه : بس انت شبيك ضايج مو على بعضك
شكو شصاير ..
: جدي متخربط و همزين مصايره بيه جلطة ..
انصدمت وخفت على جدي : شنوو شبيه
وليش هيج صار وياه ..
: مادري بس لكوه متخربط و واكع عليهم
فاا ابوي كلش ضايج يعني لا تحجين شي
يعصبه مثل مساعه مال حجي جهال
اطلع و اشرد فهمتي !؟
دب الخووف بكلبي من كلامه
يعني هسه شيفهم ابوي منا عصبي و ضايج
على جدي و منا رفضي ..
هزيت راسي و كتله : وجدي هسه شلونه
: زين الحمدلله تعده مرحلة الخطر بس
بقه نايم اليوم بلمستشفى للاحتياط
يلا نزلي ولج ابوي منتظرج جووه..
طلع واني طلعت وراه و رجل طك برجل
خايفه كلش من ردة فعله ..
نزلت جووه و لكيته كاعد على القنفة
و يهز برجلة و ذاب الجماغ كباله
و وجهه احمر صافن امبين الوضع
مايبشر بخير ..
هو انتبه عليه اشرلي اكعد
: اكعددي
كعد فارس قريب عليه و اني من خوفي
كعدت بالنهاية بس كباله صرت ..
عدل كعده و باوعلي :
ييي بوية سمعت بيج رافضة أبن عمج ليث
بلا انطيني سبب رفضج شنو خلينه نعرف
حتى نفهم رفضج ..
خفت ماحجيت شي رجع حجه :
ماتحجين شو سكتي خل نسمع ليش رفضتي..
رفعت راسي عليه و عيوني مدمعة :
بابا اني ماموافقة ماريد هذا الزواج
: اي بووية اعرف ماتردين هذا الزواج
بس اريد اعرف السبب ليش..
قويت نفسي و كلبي يدك بسرعة :
ماكو سبب بس اني ماريد ليث واريد اكمل
دراستي و احس ليث مايوالمني و هو مثل اخوي..
باوعلي و خزرني : شوو هذا حجي جديد
شنو مايوالمني والله اروح لاخوي الجبير
و لأبوي اكللهم اسف ماعدكم مره يمنه
بنتي رافضة الزواج من ابنكم لان والله
ما متوالمه وياااه..
حجه بصياااح فزيت اني من صياحه :
شنيييي لعب عدنه احنه ..
كتله بخنكة ودمعة طاحت من عيني :
بابا فدووه افهمني ماريد هذا الزواج..
: ولج أبوي وصل الموت اليوم
و كالي اريد بنتك لليث ترديني اكله هسه
اعتذر بنتي ما موافقة حتى يموت ..
كمت من مكاني و كلت بشهكة و دموعي تنزل
وحدة وره الثانية بقهر حجيت ونسيت نفسي
احجي وي أبوي :
يعني شنوو تغصبوني على هذا الزواج
علمود لا يتأذى احد و اني شنوو مراح اتفكر
تكول بنتي تتأذى من هذا الزواج ..
علمود جدي كلمته تمشي ادمرني الي
وادمر ليث بهذا الزواج ترى حرام عليك ..
اتقدم عليه أبوي و وجهه احمر راد يضربني
لان عليت صوتي عليه اني دنكت راسي
خايفة بس ماكوو شي ..
باوعت لكيت فارس واكف بلنص حجه
بهدوء : بوية على كيفك مو هيج الحجي
احجي وياها بتفاهم لا تنسى ترى هاي بتك ..
حجه أبوي بعصبية : انت ماسمعت شلون تحجي
وترفع صوته ..
كال : حقك بويه زينب اعتذري بسرعة ..
كلت بشهكه : ا اسفه بابا بس فدووه لا تغصبوني..
باوعلي و كال بهدوء: اني انطيت كلمة لاخوي
و لأبوي هم و كتلهم موافقين مال هسه ارفض
ماكدر و ابن عمج مراح تلكين احسن منه ..
حجه فارس : بوية اسف اذا زينب ماتقبل على
هذا الزواج فا مراح يصير
كاله بعصبيه : شنو ولك توكف بوجهي
حشاك بوية بس زينب مراضية على الزواج
و مايصير البنية تنغصب الله مايرضى
حتى الزواج مايصير بلغصب و يبطل ..
كال : مو بكيفكم زينب تزوج من ابن عمه
يعني تزوج افتهمتم اخر وكت الجهال تمشي كلمته..
عافنه و مشه واني ظليت ابجي كلت لفارس: فدووه الحكلي فارس ماريد اتزوج
لا تخليهم يوافقون ..
باوعلي بحزن : شسووي فهميني ماشفتي أبوج
شلون رافض انتي شبيج هيج تخبلتي على الزواج
فهميني شكوو شصاير وياج ..
ولج اذا انتي ماتنطين سبب مقنع علمود نرفض
لان ابن عمج خووش و اخلاق و ماينرد ..
كتله بخنكة :شلوون يعني .
: خووية فكري زين ..
عافني و مشه واني ظليت بمكاني ابجي
حركت كلبي كلش جبيرة ...
......
رسيل/
سمعت الكلام الي اندار بين غيث و جمارة
انقهرت عليه كلش كسرت خاطري من شفته
تمشي ومدنكة راسه تحبه هيا ملاحظة من عيونها
صح مصارلي فترة من جنت يمهم بس مفضوحة
عيونها فاضحتهن كلش زين ..
صح عجبتني من ردت عليه بس عرفت
من داخله مجروحه كلش و انطعنت بسببه
البنية تنكسر بسرعه من شخص تحبه ..
مشت وخلت غيث صافن عليه وعلى رده
حتى طول يلا مشه ..
من مشوو ثنينهم حبيت اروح اشوف شصار
بيها ..
رحت الهم و لكيت امه كاعده بالصالة هيا و زهراء
سلمت عليهن و سئلت على جمارة ..
كالت زهراء فوك بغرفته طلبت اصعدله
امها كالت روحي بغرفته تلكيه ..
صعدت فووك دكيت الباب و طولت
يلا ردت : تفضل ..
دخلت عليه و هيا من شافتني مثل
الي تفاجئت : رسيل هلا حبيبتي ..
باوعت على شكله حمره صايره
وعيونه مدمعة يمكن جانت تبجي ..
رحت كعدت كباله و ابتسمت : شلونج
هزت راسه : زينة الحمدلله شعجب اليوم
منورتنا و اجيتي ..
كتله : حبيت اشوفج بس شفتج مساع
اجيتي علينه و رجعتي ليش ..
: كلت خل اشوفه خاف صاير وياها شي
لو بيه شي ..
باوعتلي بتوتر : هاا ماكو شي ..
رفعت حاجبي :متأكدة لعد غيث شحجه وياج
و انتي ضجتي ..
باوعتلي بحزن : أنتي سمعتي الكلام موو!؟
هزيت راسي : ايي سمعت كل الكلام الي صار
بيناتكم..
لزمت ايدها و كتله بحنية : جمارة عيوني انتي
احجيلي الي بكلبج و ارتاحي لا تحسبيه فضول مني
انتي بكيفج اذا حابه تحجين لو لا بس اجيت هنا
حتى اطمن عليج فقط ..
هيا بجت و كالت : شوفي راح احجيلج و انتي
اول وحده احجيله الي بكلبي بس اريد ارتاح
و اريد امن سري عندج ..
: سرج محفوظ احجي شبيج ..
حجت بخنكة : غيث حبيته من صغري جان
مهتم بيه كلش و يخاف عليه و جان من اطلع
يلزم ايدي و اذا احد يحاجيني يصيح عليه
جان يلزمني من ايدي و يكلي من اكبر
اتزوجج ..
اني جنت فرحانه بأهتمامه وحبه الي
وكل مااكبر حبه يزيد بكلبي و اهتمامه
يزيد مايقل بس بعدين كبرنه و كام غيث
يبتعد عني و ماشوفه هوواي صدف ..
و هو صار سادس و يدرس و اني اجي
اكعد يمه اسولف يصيح عليه يبعدني
و اسلويه تغير وياي و دخل بعدين كلية
وتغيرت شخصيته كام يصداق البنات
ويغازل و اني انقهر و اضوج ..
و يعرف بيه اني احبه يمكن من اسلوبي و اهتمامي
جنت كل ماانام افكر بطفولتنة و لزمت ايده
و وعده الي و يكلي ماعوفج تالي عاف هاي
الايد ..
يمكن مالومه لان جنه صغار و مانفكر
بلي نحجي او مانعرف شنحجي بس اني
بقيت كلامه ابالي و كل مااكبر اتذكره ..
وسمعتي اليوم كلامه وياي و شلون جرحني
و يكلي ما اباوع بوجهج لا تفكرين بيه ..
ظلت تبجي و تكول :
ليش هيج يحجي وياي اني شسويتله
نزل من قيمتي من طاح هيج حب
يذل بلشخص ..
انقهرت عليه و عيوني دمعت من كلامه
اخذته بحضني و ظليت اهدي بيه
حسيته هدئت بعدته عني و كتله ..
: شوفي جمارة صح اني مصارلي هواي
من اجيت عليكم بس والله حبيتج وحبيت
طيبة كلبج انتي حلووه و اخلاق و طيبة كلبج
تسوه كلشي و غيث معمي على عيونه لان
ماشاف هذا الجمال كله و هو الخسران
: شسووي رسيل انصحيني ..
: باعي حبي خل اكلج شي ترى هو الخسران والله
مثل ما جرحج و كال اني ماريدج و ماباوعلج
انتي هم هيج سووي ..
: شلون يعني !؟
كمت افهم بيه : يعني انتي من تشوفيه لا تهتمين بيه
حتى كلام لا تحجين وياه تشوفيه عوفيه
شووفيه و لا شي كدامج اريدج ابرد من الثلج
هو حسباله راح تنجرحين و بس تبجين
ومكسورة بس انتي بيني العكس صيري قوية
و ضربي كلامه بعرض الحايط..
:اخذي حقج بأيدج منه عامليه مثل
ما يعاملج يرد عليج بكلمه ردي عليه بعشرة
فهمتي اذا يباوع عليج خلي ايدج على عيونه..
باوعتلي مصدومة كتله : شبيج ولج
: مصدومة من كلامج و تفكيرج بس تدرين
صحيح كلامج و راح اسوي الي كلتي عليه
شبكتني و كالت : امووت عليج ولج شهل عقل
و الحجي لا يحرمني منج
ابتسمت و كتله : حتى تعرفين منو رسيل
على سن و رمح اني ..
كالت: كليلي شدراج بهيج حجي تفيدين والله
: ايي خليني افيد بيج و بغيرج و مفايده
نفسي واريد احد ينصحني ..
: ليش انتي شبيج عيني ..
كتله بأبتسامة : ولج جني حبيت اني
فتحت عينه و حلكه كالت : شنوو تحبين و منو
ضحكت بخجل و كتله : شاهيير
كامت: شنووو شنوو شاهير
بعيدا عن الاسم هذااا و الدلع بس ولج مالكيتيغير شاهر ..
: ليش ولج شبيه شاهر و بعدين هو اكو احلى
منه حتى احب غيره
:مابيه شي بس ولج هذا مو مال حب
صح حنين و ماكو مثل طيبة كلبه و حلو
وشخصية
قاطعته كتله : بعد وبعد كملي و تكلي شتحبين بيه
: قصدي هو ما يوالمج انتي مرحه و سبورتيه
هو عصبي مثل النار و غيوور كلش
و عده غرور شوي مايتحمل سوالفج ..
كلت بهياام : هو شحببني بيه
: ولج عوفج من هذا لا يكسرج مثل اخوه
: لا تخافين معليج
: بس انتي شبسرعه حبيتي
: اصلا اول يوم اجه عليه حبيته كلبي
تخربطت دكاته من شفته
ظليت احجي وياها وهيا تنصحني و اني انصحه
و رجعت للبيت ..
مرت الايام و نتواصل اني و جمارة
مره طلعت من غرفتي و جان اشوف
غيث كاعد بالصالة و اسمعه يخابر
و شلون يضحك ..
اقتربت من يمه و اسمعه يحجي وي وحده
هو منطيني ظهره فا ما يشوفني..
كال بضحكه :ااروح فدوه لهذا الصوت
خايبه شمالج احبج ماعندي غيرج
اصلا ماكدر اشوف غيرج و تكليلي تخوني ...
ابتسمت بخبث وردت انتقم لبت عمي
قربت نفسي يم اذنه يم الموبايل
وكلت بصوت كله دلع :
غيوووثي حبيبي انته لا تنسى
جيب حليب علمود ابنك عيوني ...
هو فز من مكانه من سمع صوتي باوعلي
متفاجئ وكف و هو يحجي بلموبايل
: الوو حبيبتي ولج جذب بلعباس
الووو نعل وينج ..
سدته بوجهه وهو باوعلي متفاجئ و اني ميته
من الضحك عليه و على شكله ..
كال : نعاال هاي شسويتي انتي
كتله بضحك : أحسن تستاهل حتى اتوب ..
خزرني و كال :اني اعلمج والله شوو تعاي
شفته اجه عليه اني ركضت : يماااا
نزلت جوه اركض و هو يصيح عليه و يهدد
يريد يلزمني وصلت و جان اشووف شاهر
هستوه دخل ..
صحت عليه : شاهيير ساعدني
هو وكف مصدووم و اني رحت وكفت وراه
: فدووه لا تخليه يجيني ..
اجه غيث بس شاهر منعه و كال :
شكو شصاير شبيكم تتراكضون زعاطيط
غيث : خل أدبها الحقيره لو تعرف شسوت
دار وجهه عليه و كال : هاا بوية شمسويه انتي
ابتسمت برائة ظليت ارمش بعيوني :
ما مسوية شيي بس شفته يخابر وحده
من حبيباته و يكلله احبج و مالي غيرج
اني حبيت اشاقه وياه صحت كتله حبيبي
جيب حليب لابنك و هاي ماصدكت
و سدت الخط بوجهه ..
باوعت عليه شفت انرسمت ابتسامة بسيطة
على شفايفة رجع باوع على غيث و كال :
صح هذا السبب
كال بقهر : ايي و اكو اقوه من هذا السبب
كال شاهر : والله عاشت ايدها على الي سوته ..
عصب غيث و راد يجرني من شاهر
يريد يتعارك صحت اني :
شاهير فددوه خل يوخر
صفن غيث بوجهي و كال بصدمة :
شاهيير شني ..
ابتسمت اني و سكتت باوعت على شاهر
الي يباوع لغيث و ساعه الي ..
كال بهدوء شاهر: معليك بيها هيج تحجي
روح امشي..
ابتسم غيث و كال : شاهيير شنو هاي التطورات
شكوو احجو عليكم العباس شو دلع
بس عووع مالكيتي غير شاهير
حجه شاهر بعصبيه و وجه احمر يمكن انحرج
: شوو اسكت انت شتحجي يا تطورات هيا
هاي لسانه مدري شبيه معوق اسم الله..
كتله : يااا هاي عليه
كال شاهر و يباوعلي : امشي لا اخلي هذا الجلب يهد عليج
اشر على غيث و يحجي كال غيث :
انعم الله مشكور خوية سويتني جلب كدام
هاي الثورة ..
كلت : شااهير صيح عليه
ضحك غيث و شاهير باوعلي و مشه :
استغفر الله ربي مايصيرلج جاره
عافني و مشه و هذا غيث لزمني و ظل يتعارك
وياي ..
.......
جوري/
اليوم يصادف روحتنه لبيت عمي ابو فارس
نخطب زينب من يمهم صح اقرباء بس لازم نروح
فا رحنه احنه و بيت عمي و البنات
وبيت خالي اجو ابو زياد ويانه ..
بدلنه و رحنه مثل المشية نطلب ايدها لابنه
صح الجو متوتر و مشحون بين ليث و جدي
صارت عركة شكبره و ليث طلع من البيت
وجدي اتخربط صارت قصة يلا وافق ليث..
وهذا طلب من جدي نروح مشية علمود زينب
و كال ابوي روحو اريد كلشي يمشي تمام ..
رحنه وشفت زينب لابسته فستان ماروني
قصير لركبة يوصل و ردان طويل
فاتحه شعره و مخليه مكياج خفيف ..
بنات عمي ظلن يهوسن و يركصن
مايكول بس مشية و هيا كاعدة وساكته
عرفت انو هيا ماتريد الزواج هذا هم
من وره اخووي الله يساعدكم ثنينكم ..
رن موبايلي وما سمعت من الهوسة
طلعت بره لبست حجابي و مشيت
حجيت وي صديقتي و طلبت مني
اصور الها محاضرة اليوم و اعتذرت منها
لان مو بلبيت ..
خلصت من يمها و ردت اطلع
بس سمعت صوت وراي وهذا صوت شهاب ..
التفت عليه شفته كبالي لابس دشداشه
نيلي وكف كدامي ..
كتله : خير نعم ..
كال بهدووء و بدون اي مقدمات : هذاك اليوم ليش رحتي وي زياد شعندج ويااه ..
ابتسمت بأستهزاء: وانت شكوو و تسألني
اظن مالك حق هيج تسئل ..
حجه بحده : جاوبيني شعنده زياد وياج
بس لا بعد يريدج ..
: وانت شكوو هذا الشي مايخصك
حجه بعصبيه : يخصني فهمتي لو لا
وانتي اكلج صعدي وياي تعاندين ماتقبلين ..حجيت بعصبيه مثله : لا مايخصك فهمت
وشتريد مني اذا تحجي حسبالك اقبل اصعد وياك
لا تتوهم ..
غمض عينه ورجع باوعلي كال :
شنو انتي قابله على زياد ترديه
شراد هو منج وشحجه وياج ..
استغربت كلامه وصياحه
ذكرني بزمان من جان يشوف زياد
يظل يصيح عليه ويكلي شيريد منج
و تبين على عيونه الغيرة ..
كتله بأستفزاز : خووش خل اكلك لعد
اذا هيج الفضول عندك يقره الف
خل اريح فضولك ..
حجه بهدوء :احجيي
ابتسمت : كالي اني بعدني احبج واريدج الج
ماريدج لغيري تصيرين كلي مهما طال الزمن
ابقى احبج و اموت عليج كالي من زمان حبيتج
بس انتي صديتيني و هسه ارجع اكلج فكري بلموضوع
اريد اسعدج افرحج و اعوضج عن كل الي فات ..
احجي وانتبهت على قبضت ايده
عاصره بقووه و وجهه احمر ..
كتله : كالي كل مااكبر حبج يزيد بكلبي
واريدج كدامي ماريد انحرم من شوفتج
اريدج تصيرين حلااالي..
شديت على اخر كلمة بأبتسامة
فرحت من شفته مقهوور و عيونه تريد تنط
من العصبية ..
كال وهو صاك على سنونة : هذا كله هيج حجه
و انتي شنو رايج
كتله : الولد زين حبني بصدق و وفي بحبه
مهما صار بقه يحبني و ماخان عهده
ما نساني و لحد هسه يطلب مني احبه
واصير ويااه خووش ولد حلوو واخلاق
و الف وحده تتمناه واصير غبيه اذا ارفضه ..
درت وجهي عنه و اني اشوفه يغلي من القهر
والعصبية كال و اني منطيته ظهري:
يعني موافقة عليه!؟
كتله : كتلك خووش ولد و مناسب الي
ليش ارفض مالكه رجل وفي بهذا الزمن..
عفته ومشيت واني احس شووي بالانتصار
لان قهرته بكلامي بين عليه القهر و العصبية
والغيرة شنو شهاب بعدك تحن و تحب
شو امبين بعيونك ...
خليك تنقهر ماشفت بعدك هذا قليل
من الي شفته بعد وبعد يا شهاب ...
يتبع ..
