هوس الأسد

بارت السادس

طلعت دا اغسل الكراخ وانضف الحديقة والمسبح ...
فجنت لابسة برمودة شوي ضيقة والتيشيرت مالهة نص ردن ......جان لون البرمودة اسود وبي وردي....

مهم طلعت ورشيت مي وجنت انضف واغسلهة وومنتبهة على الباب مال الشارع مفتوحه لان ...
جان هوة عالي وتنفتح بابنه المهم...

ما احس الا واحد فوك راسي وسحبني من زندي كلش قوي....

.....شسوييين هنااااا شووون تطلعين بهذ اللبس

هوس...عفوا شيل ايديك نته منو وتحاسب...

....لجججج احجي وياجججج (بعياط طبعا كله)

هوس...(تأذيت وبديت ادمع)..هدني

.......شنو اسمج

هوس...هو...هو

....شبيج تتلعثمين وحش كبالج..(بعصبية)

هوس...هوس اسمي هوس

..هوس(بهمس)

هوس...اي...

فجأة ما احس الا لزمني من ايدي حيل بحيث احس اظافيرة نبتت بلحمي

...اذا طلعتي مرة ثانية بهذ المنظر ايدج اكسرهة(بهمس وهو كاز على سنونة)

هوس..ونته منو عمود تحاسب..ااااااااااا

جنت احجي ويا وما احس الا لزم معصم ايدي وخلعة...عيني عينك خلعة ..

...مكسرته لتخافين ..بس تنبيه عمود متراددين ..وهسة يلة ولي جوة.
وجيبي عباية خل نولي نعالجهة بساع معندي وكت...

هوس...ما اروح وياك على جثت...

لزمني من فكي حيل ويحجي ..

...حلكج افركه اذا عاندتي وتحديتي وهسة مثل الحبابة تولين تجيبين عباية وتجين لا هسة ثقي بالله اسوي طلابة الهة اول مالهة اخر...

هوس....شو دولي شي.....

قاطعنه ببوكس على حلكي خلة الدم يكت كت من حلكي.....

.....اغلطي مرة ثانية وشوفي ويلة ولي عباية بسرعة..

هوس....مستحملت الاهانه الاتعرض الهة يكفي الي جنت اشوفهة واعيشهة يومية ....

هوس...ما اررروووح واطللع بررر(بعياط)

هم قاطعني بس براشدي احس خدي خدر........
مستحملت دموعي خانتني ....كمت اشهك ...

هوس...وووخرررر

هم ضربني راشدي بخدي الثاني...

.....يلة مثل الحبابة عباية وشال لا هسة تموتين جوة ايدي واسويلج فضيحة الهة اول مالهة ثاني..

هوس...امري لله رحت جبت وحلكي كلة دم وخدودي مورمة...

صعدنه بسيارة سودة اعتقد مالته....طول الطريق ابجي....واشهك....

......ببببسسسسس  حلكججج سدددي

هوس....شتريد مني ؟؟؟منو نته؟؟؟؟بابة ماعرفك ولا شايفتك؟؟؟

....مو مهم ..المهم من هسة ...طلعة بهيج لبس بعد ماكو.....حجاب مينزع من راسج ....صوت عالي ماكو..
غلط وجسارة ماكو ...خوش....

هوس...لامو خوش افهم بابة نته منو واسمع كلامك...
عندك خوات او بنات عم او زوجة ....وطلع مراجلك..
عليهم..

...حعتبر نفسي مسمعت لان اكلتي هواي دمغات ....

هوس...سكت وبعد كمل سياقة وصلنه لمضمد كال خلع عدهة....وعالجة واطاني كم شي...

كملنه ورجعنه وبالرجعة سحب ايدي الي خلعهة ....
صراحه صدمني شون علكيف يلزمهة ...

....توجعج(بهمس)

هوس...احم هاا

...توجعج..

هوس...ااا اشوي

ؤك هذ الرجال ابصم بالعشرة عندة انفصام ...باس ايدي....ويحرك ابهامة عليهة علكيف(بخفة) .....

.....لتحركيهة هواي ونتبهي ....ماشي  .....(بهمس)

...وهسة يلة نزلي دروح تأخرت..(بنبرة عصبية)

هوس...نزلت(مو كتلكم بي انفصام)...

نزلت وركض للبيت ...فتت وتلكتني سارة

سارة...وج عارة وينج وكع قلبي عليج نوب موبايلج عايفته هنا كبر...

هوس...عوفج من الرزالة وتعالي اسولفلج ....وكتيتلهة كلشي...

سارة....والله سالفتج سالفة بس منو هذ وشيريد منج

هوس...اعتقد واحد مخبل لو عندة خيط خبال...

سارة.....يي والله هسة هيج يطلع خطية تلكي عندة خيط خبال...

هوس...هو اني هم فكرت بهيج شي فسكتت عنه من باس ايدي

سارة...عفية عدهم خيط خبال واهلهم عايفيهم ...

هوس...يي والله كلة صوج الاهل ...لج حتة تصرفاته بحيث ساعة هيج وساعة هيج ...يحجي وياي بهمس.
وراهة ينكلب عزة كلت هسة يكتلني خلاص والله...

سارة...عوفي يختي ناس بايخة وتعالي كوليلي شلبس ....

هوس...ليش وين حتروحين...

سارة...شبيج مو اروح وية بيبي لبيت اختهة ...

هوس....اها عاد عمود منو تروحين اخت بيبيتج لو غير ناس...

سارة...طبعا غير ناس ههههههه

هوس....هههههه كبر

سارة....طلعتلي هوس بنطرون بوي فريند...ووياهن قميص ابيض وبي ورد وردي يجنن ......وشال لبست وردي ...وجنطة وياهن سودة ..وحذاء ابيض...

نور..(البيبية).....يلة يبنيات

سارة...يلة خلصت امشي..

نور...جا وهدهودة وينهة

هوس...بيبي ليش اجي ترة اني غريبة مو مال اجي..

نور...امشي ولي بدلي والغسل يي والله امشي لج تكول غريبة جا مو بنيتي نتي يلة لج...

هوس..امري لله رحت لبست فستان ابيض يوصل للركبة جواهة بشوي وبي دوائر صغار صفر...ولبست حذاء اصفر ...وجنطة صفرة ....طالعة ليمونه هههههه
طبعا سويت شعري ضفيرة عادية

نور...يلة توكلنه .....

يتتتببببعععع