ဦးဖန်တီးသောအချစ်သင်္ကေတ/ဦးဖန္တီးေသာအခ်စ္သ‌ေကၤတ (Season 2)[Completed]

Part(21)

Unicode -Zawgyi

❣️ဦး ဖန် တီး သော အ ချစ် သ င်္ကေ တ❣️

                💫Season 2💫

                  💫Part (21)💫

~❣️~❣️~❣️~❣️~❣️~❣️~❣️~❣️~❣️~❣️~❣️~❣️~

မနက်ပိုင်း ရာရာနိုးလာတော့ ဦးသူ့က အလုပ်လုပ်နေသည်။ နာရီကိုကြည့်လိုက်တော့ (၇)နာရီ။ ရာရာ အိပ်ချင်မူးတူးနဲ့ မျက်လုံးကိုပွတ်ကာ ဦးသူ့ကို နောက်ကနေ လည်ပင်းကို သိုင်းဖက်လိုက်သည်။

"Morningဦးသူ့..."

"Morningဘေဘီ..."

"ဘယ်နှနာရီထဲကထတာလဲ အစောကြီးရှိသေးတယ် "

"(၅)နာရီ ကိုယ်အလုပ်ရှုပ်နေလို့ အခုထိ စာရင်းစစ်နေတာမပြီးသေးဘူး "

"ရာရာ ကူလုပ်ပေးရမလားဟင် "

"ပြီးခါးနီးနေပြီ ဘေဘီရဲ့ ဘေဘီကိုယ့်ကြောင့်နိုးသွားတာလား "

"ဟင့်အင်း "

ရာရာခေါင်းခါငြင်းသည်။

ခေါင်းလေးစောင်းပြီး ရာရာ့ဆံပင်ကို ဖွဖွလေးပွတ်သပ်ပေးသည်။ ရာရာ သိုင်းဖက်ထားသည့်လက်ကိုဖြုတ်ပြီး ဦးသူ့ဘေးဝင်ထိုင်လိုက်ကာ ပေါင်ပေါ်လှဲအိပ်လိုက်သည်။

"ကိုယ်ချော့သိပ်ရမှာလား"

"ဟင့်အင်း ဦးသူ့အလုပ်လုပ်တာ ကူစောင့်ပေးမလို့ "

"အဟွန်း "

ကူလုပ်ပေးမယ်ဆိုတာ အိပ်ပြီးစောင့်နေမယ်လို့ဆိုလိုမှန်း အခုမှရိပ်မိသည်။ သူ့ ရာရာ့နဖူးလေးကို အနမ်းပေးလိုက်ရင်း စာရင်းတွေဆက်ကြည့်နေလိုက်သည်။ ပုံမှန်ဆို ဒါက ခြင်းစစ်နေကျ။ ခြင်းကိုခွင့်ပေးထားတာကြောင့် သူ့ကိုယ်တိုင်လုပ်‌ရသည်။

သူက ဥက္ကဌဆိုပေမဲ့ စီမံခန့်ခွဲရုံသာ ခြင်းက အကုန်လုံးစီစစ်ရသူဖြစ်သည်။

"ဦးသူ့ မှိုင်းနဲ့နေ့ကိုသွားကြည့်လိုက်ဦးမယ်"

"ကိုယ်ကြည့်ခဲ့ပြီးပြီ အဖျားကျသွားပြီ"

ရာရာ့လက်ကို ဆုပ်ကိုင်လိုက်ရင်းပြောလိုက်တာဖြစ်သည်။ ရာရာကလည်း သူ့လက်ကို ဆုပ်ကိုင်ထားကာ မလွှတ်ပေးတော့။ သူ့လက်နဲ့ ရာရာလက်ကို ယှဉ်ထပ်လိုက်၊ဆုပ်ကိုင်လိုက်နဲ့‌ဆော့နေသည်။