Hedgehog And Tiger [Myanmar Translation]

|7|

[Unicode]

"ထန်ကော ဒီဟာဆိုရင်ရော? ငါငယ်ငယ်တုန်းက ဒါနဲ့ပဲဆော့လာခဲ့တာ"

ယန်ထန်က ခေါင်းခါပြကာ
"အဲ့ကလေးက Bumblebeeကြိုက်တာ"

နှစ်ယောက်သားအရုပ်ဆိုင်ထဲ အချိန်အတော်ကြာကြာလှည့်ပတ်နေရပြီး၊ နောက်ဆုံးမှာတော့ Bumblebeeအရုပ်ဆက်အိတ်လေးကိုသာ ဝယ်လာခဲ့လိုက်တယ်။

ကောင်တာပေါ်မှာ ငွေရောင်စာမျက်နှာမှတ်ကတ်ပြားလေးရှိနေတယ်။
သိပ်တော့မကြီးဘူး၊ ဒါပေမဲ့ ပျားရည်စုပ်ပန်းပုံလေးရိုက်နှိပ်ထားတယ်။
ယန်ထန်က သဘောကျသွားရပြီး၊ ဒါလေးကိုပါထည့်ပေးဖို့တောင်းဆိုလိုက်တယ်။

နေ့လည်ခင်းတစ်ခုလုံးအလုပ်များပြီးနောက်မှာ၊ ညစာလိုက်ကျွေးဖို့ ဖက်တီးကတောင်းဆိုလာတယ်။
ယန်ထန်က အချိန်ကြည့်လိုက်တော့၊ စောနေတုန်းပဲ။
ဟယ်ရှင်းချွမ် အလုပ်ကပြန်မလာလောက်သေးဘူး။

အဲ့တော့ ယန်ထန်ကမငြင်းမိလိုက်ဘူး၊ ရလာဒ်အနေနဲ့ကတော့ တစ်စုံတစ်ယောက်နဲ့မျက်နှာချင်းဆိုင်တွေ့ဆုံရခြင်းပါပဲ။

"ထန်...ထန်ကော..."

ဝူယွဲ့လက်ထဲမှာက အိတ်တွေအပြည့်ဖြင့်။
ယန်ထန်ရဲ့စိတ်ရှုပ်နေရပုံကိုမြင်ချိန်မှာ၊ ဝူယွဲ့ကောင်မလေးက ဝူယွဲ့နောက်အမြန်ဝင်ပုန်းတယ်။

ဖက်တီးကတော့ အပြုံးခပ်ကြီးကြီးပြုံးရင်းသာ
"မုန့်လာစားကျတာလား?"

"အင်း..."

"တူတူစားရအောင်လေ ဒါဆိုလည်း"

"အာ? အင်း ရတယ်လေ"

စကားတစ်ခွန်းမှမဟတဲ့ ယန်ထန်ကတော့ သူ့လက်ထဲကပစ္စည်းတွေကို ဘေးသို့ပို့လိုက်တယ်။

ဝူယွဲ့က မီနူးကိုကြည့်ပြီး အစားအသောက်တွေစမှာတယ်
"ငါးချိုချဉ် ဆလပ်ရွက်သုပ် ဟင်းချိုသုံးပွဲ၊ ဖက်တီး မင်းရောဘာစားမှာလဲ?"

ကောင်မလေးဟာ ဝူယွဲ့လက်မောင်းကိုသာဖက်တွယ်ထားပြီး၊ စကားတော့မဆိုပေ။

ဝူယွဲ့မှာသမျှဟင်းပွဲတွေအကုန်လုံးက ယန်ထန့်အကြိုက်တွေချည်းပဲ။
သူ့ကောင်မလေးက အစပ်ကြိုက်တယ်၊ ဒါပေမဲ့ သူတစ်ပွဲမှမမှာခဲ့ဘူး။
ဒါက နှစ်ဖက်လုံးအတွက် ခြေတစ်လှမ်းနောက်ဆုတ်ပေးလိုက်ခြင်းပင်။