Hedgehog And Tiger [Myanmar Translation]

|8|

[Unicode]

ဆောင်းဦးအားကစားပွဲတော်ကြီး နီးကပ်လာပြီ။
သူတို့အတန်းကတော့ အားနည်းတဲ့ကျောင်းသားတွေနဲ့ပဲ ပြည့်နှက်လို့နေတယ်။
အားကစားကော်မတီအဖွဲ့ဝင်တွေဟာ စိတ်လှုပ်ရှားရလွန်းလို့ ဝက်ခြံတွေတောင်ထွက်ကုန်ပြီ။
ဘယ်ပွဲမှာပါမလဲ အမြဲလိုက်မေးနေရရှာတယ်။

ဟယ်ရှင်းချွမ်ဟာ ယန်ထန်ကျွေးတဲ့မုန့်တွေကြောင့် အသားတောင်တော်တော်ပြည့်လာပြီ။
လူငယ်လေးရဲ့သွင်ပြင်က မာနကြီးပုံပေါက်တဲ့ယန်ထန်ထက်တော့ ပိုနှစ်လိုဖွယ်ကောင်းလှတယ်။

ဒါပေမဲ့လည်း သူ့မျက်လုံးတွေဟာ ရှေ့ဆံပင်ရှည်ရှည်တွေ၊ မျက်မှန်ထူထူတွေအောက်မှာ ဖုံးကွယ်လို့နေတုန်းပဲ။
သူ့ကို လူတွေသေချာမြင်ဖူးရဲ့လားတောင် မသိတော့ဘူး။

ယန်ထန်ဟာ သူ့ဘေးကလူကိုခေါင်းငဲ့ကာကြည့်လိုက်ပြီး၊ ရုတ်တရပ်လက်ဆန့်ထုတ်လာတယ်။
ဟယ်ရှင်းချွမ်က လန့်ဖြန့်သွားရကာ၊ ယန်ထန်လက်ကိုအမြန်ဖမ်းဆွဲလိုက်ပြီးနောက်
"ဘာဖြစ်လို့လဲ?"

"ဘာမှမဟုတ်ပါဘူး"
ယန်ထန်က အဖြေပြန်ပေးလိုက်တယ်။
အတွေးထဲဖြတ်ခနဲပေါ်လာရုံပါပဲ၊ ဒါပေမဲ့ လက်တွေ့အကောင်ထည်ဖော်မိသွားတယ်။
သူ့ကိုယ်သူတုံးလိုက်တာလို့ ယန်ထန်တွေးနေမိတယ်။

ယန်ထန်က ဟယ်ရှင်းချွမ်လက်ကိုကိုင်မြှောက်လိုက်ပြီး၊ တစ်တန်းလုံးကြားအောင်အော်ပြောလာတယ်
"အတန်းခေါင်းဆောင်က သူ ငါးကီလိုမီတာအပြေးပွဲဝင်ပြိုင်မယ်လို့ပြောတယ်"

"...??!"

"စိတ်ဆိုးသွားလား? ဟောဒီကအစ်ကိုကြီး အဖော်လိုက်ပေးပါ့မယ်၊ တူတူပြေးကျတာပေါ့။ စိတ်မဆိုးနဲ့တော့နော်"

ဟယ်ရှင်းချွမ်က နှုတ်ခမ်းတင်းတင်းစေ့ကာ၊ ယန်ထန်ကိုလျစ်လျူရှုနေတယ်။
သူ့ဖိနပ်ကြိုးကိုသာ ငုံ့ချည်နေလေရဲ့။

ယန်ထန်က သူ့နှာခေါင်းသူထိကိုင်နေမိကာ၊ ရေဝယ်ပြီးဂိတ်ဆုံးမှာစောင့်နေဖို့ ဖက်တီးကိုလှမ်းအော်ပြောလိုက်တယ်။

သေနတ်ဖောက်သံကြားကြားချင်းမှာပဲ၊ ဟယ်ရှင်းချွမ်နဲ့အတူ ယန်ထန်ပြေးထွက်သွားလိုက်တယ်။
ကျန်တဲ့ကျောင်းသားတွေဟာလည်း အစွမ်းကုန်ပြေးနေကျပါတယ်။