هوس الأسد

البارت الحادي عشر

هوس.....

رجعنه للبيت وويانه زوزو فد تونس هادئ وكلة وياي..

هوس...زوزي تجين نسوي كب كيك

زينب....كيكات ثغار اهبهن(كيكات صغار احبهن)

هوس...يمه فدوة للمتعرف تلفظ زين

بستهة بخدهة حييل

هوس...افففييييششش

شلتهه ورحنه نسوي وكملنه وحطيناهة بالفرن

هوس...لك هاي سنو الخديدات صايرات جمارة

زينب....والله

هوس....لك فدوة فددددوووة (شلتهة وشمرتهة بالهوة
ورجعت لزمتهة وهي تكركر )

زينب....لح اودع لا فدوة ههههه (راح اوكع )

هوس...فديتجج يلة تعالي صارن

حطيناهن يبردن وكعدت امشط شعرهة وسويتلهة
تسريحة حلوة ..

كمت زيناهة وجيت الصبغ اضافر وصبغتلهة واكلنه..

تونست وياهة ...

لهناك وندك الباب...جنت لابسة برمودة كلش ضيك

فلبست ايزارة الصلاة وطلعت طلع أسد

أسد....بس جيبيلي زينب خل اروح انام بعد

هوس...هزيت راسي وجبتهة اخذهة وديروح جان تبجي

هوس...لا لا قلبي لتبجين باجر هم تجين يمي....بس اذا تضلين تبجين متجين..

هي سكتت من سمعت حجيي

أسد...بابة تحبين هوس

زينب....ايي

أسد...ترديهة يمج تعيش

زينب...اي اليدهة(اريدهة)

أسد...يلة حبيبة بابة مبقة شي وتضل يمج

هوس...اعتقد كاعد تطي قرارات من وحدك

أسد...يلة عيني فوتي رتاحي ونامي واني باجر طالع ..
ومن اروح اراسلج عود واريد موافقتج انو  اخطبج ترة هاا تصير غصب..

هوس...راح ورجعت للبيت

اوووف جبر الشغلة

رجعت ونمت

--------------

ريم ....كعدت الصبح ورحت اخبز خطية سرور مريضة مبيهة حيل...

جنت لابسة دشداشة رصاصية وبيهة وردي وشال وياهن....

رحت اخبز واصفن ......ياترى مرتضى يحب بنية ...

زين شون اطلعة من قلبي وهو هو الي كاعد بنص قلبي ومتربع.....

دا اخبز ونززني صوته

مرتضى....صباح الخير بوية

ريم...صباح النور

مرتضى .....بربج طيني شوي صغيرة

ريم....طيته وكعدت اخبز بس كوة خفيت رتباكي...

مرتضى...يي ولج صايرة تتهربين مني متنشافين

ريم...لا والله بس مشغولة

مرتضى...اي...

ريم...رجعت اخبز ..اشو هذ كام ووكف يم التنور

مرتضى...باعي اطيني وانه احط واطلع

ريم...اخاف تحركهن

مرتضى...قابل انه ريم الفاهية

ريم...نننننن

مرتضى....افركه لحلكج اذا عيبتي ويلة جيبي

ريم...بديت اطي ويحط ويطلع والله طلع شاغول

كملنه وشلنه الخبز سوة وطبينه ...كعدت سرور

سرور...صباح الخير

ريم ومرتضى...صباح النور

سرور...والله ماكو منج يروحي نتي خبزتي

ريم...قلبي نتي تعبانه اصلا ليش كعدتي

سرور...لا يابة عادي خن اسوي الريوك انه جا

ريم.....سوينه ريوك بدو يكعدون على السفرة ..كعد الكل واجة أسد وزينب

كعدنه ناكل ..

فهد....الله اميرتنة شنو هاي الاظافر الحلوة

زينب...والله هلوة(حلوة)

فهد ....لج تعالي  جا غير تجنن(يبوس بيدهة)

زينب...هاي مامة سوتلي

ريم...الكاعدين كلهم ضلو يباوعون مستغربين عاد مرت ابوي تدخلت واكيد ورة تدخلهة مشكلة...

ام اسد....بيبي منهي سوتلج

زينب.....بيبي مامة

أم اسد...اي شني اسمهة

زينب...مامة هوس

أم أسد (بعياط)...شكتلكم انه شكلت مو كلتلكم لا تخلونهة يمهة يايمه لحكيلي...

تكولن للعريبة مامة....

أبو اسد..(بعياط)...يامرة احترمي نفسج جدام ابوي نتي

أم أسد......شحترم نفسي يا رجال دكلك تكولن على الغريبة امهة

زينب....(بشهكة وغصة)...مو غريبة هي امي مو صح بابي

أسد....اي بابي صح ويلة هسة اكلي زين حتة اوديج يمهة...

أم اسد ....تكسر حجيي ولك يبن بطني ماتهتم لحجي امك

أسد...يمممه كتلج بنتي لحد يدخل بيهة عسما اوديهة
للمكودة لحد يددخل

يلة باباتي كملتي....

زينب....اي بابا

ريم...راحو طلعو وكملنه وكل واحد راح لشغلة

--------

طبعا كلش اسفة بارحة منشرت بس والله

طبخ بيت جدي اليوم فمن بارحة ملتهية

ومدا الحك تدرون شهر محرم...

المهم نشالله يعجبكم البارت

ولو ادري قصير بس هذ الي كدرت عليي

وباايي❤⚘