Pay Attention To Me [Myanmar Translation]

Chapter - 45

လပြက္ခဒိန်၏ နောက်ဆုံးသောနေ့၌ဖြစ်၏။

ရင်းအိမ်တော်လေထုမှာတော့ ပွဲတော်ကျင်းပဖို့အတွက် ရွှင်မြူးနေသည်။ ခြံဝင်းထဲမှာ မီးပုံးတွေနဲ့ အလှဆင်ထားရုံတင်မက ဧည့်ခန်းတစ်ခန်းလုံးကိုလည်း မမှတ်မိလောက်အောင်ကို ပြောင်းလဲထားသေးသည်။

"နှစ်သစ်မှာ အသစ်တွေတစ်ဖန်စတင်ကြမယ်"
ချောင်ဝမ့်ယွင်ကတော့ စာတန်းကြီးတွေကို ကိုယ်တိုင်ချိတ်မယ်ချည်းလုပ်နေပြီး ထိုင်ခုံတစ်ခုံကို တံခါးဘေးရွှေ့သွားလေသည်။ သူမက ထိပ်မှာလည်း "နှစ်စဥ်နှစ်တိုင်း ကိုယ်စိတ်နှလုံးချမ်းမြေ့ပါစေ"ဆိုတဲ့ စာတန်းကိုချိတ်လိုက်သည်။
(T/n : တံခါးမှာချိတ်တဲ့ အနီရောင်စာတန်းကြီးတွေလေ၊ ဘာခေါ်မှန်းမသိလို့)

ရင်းဇယ်ကတော့ သူမအတွက် ခုံကိုငြိမ်အောင်ထိန်းပေးထားရင်း :
"မားဖြင့် ဒါကြီးတွေ နှစ်တိုင်းချိတ်နေပြီးတော့ ဘာကို 'အသစ်စတာလဲ'?"

နေ့ပိုင်းမှာတော့ ဒီအပြင်ဆင်တွေက ပိုလွန်းတယ်လို့ထင်ရပေမယ့် ညဘက်ရောက်လို့ အပြင်ကမီးပုံးနီလေးတွေလည်းထွန်း၊ အိမ်ထဲက TVကလည်းCCTVကနေလွှင့်တဲ့ Spring Festival Galaဖွင့်ချိန်ဆိုရင်တော့ အနီရောင်တောက်တောက်နဲ့ ရွှေရောင်ဖျာဖျာစာတန်းတွေကနေမှ နှစ်သစ်ရဲ့အရသာက တဖြည်းဖြည်း အသက်၀င်လာတာမျိုး။

နှစ်သစ်ကူးညစာစားပြီးသွားတဲ့နောက် မိသားစုလေးယောက်သား ဧည့်ခန်းထဲမှာထိုင်လို့ ဇာတ်လမ်းတိုလေးတွေကြည့်ဖြစ်ကြတယ်၊ အရမ်းကို လိုက်ဖက်ပြည့်စုံပြီး ပျော်ရွှင်ဖွယ်မြင်ကွင်းလေး၊ ရင်းအိမ်တော်မှာ မြင်ရခဲတဲ့မြင်ကွင်းလေးတစ်ခုပေါ့။

လူကြီးတွေကတော့ Spring Festival Gala ကို အစီစဥ်ကို တကယ်ကြည့်ချင်လို့ကြည့်ကြပြီး လူ‌ငယ်တွေအတွက်ကတော့ memesတွေ ပျက်လုံးတွေနဲ့အဆက်မပြတ်စေဖို့အရေးသာ ကြည့်ကြတာမျိုးဖြစ်သည်။

Class 1 Group chatထဲမှာတော့ မက်ဆေ့တွေမနားတမ်းတက်နေပြီး သူ့ဖုန်းမှာလည်း အဆက်မပြတ်တုန်ခါနေတော့သည်။ ရင်းချဲယ်‌ဖွင့်ကြည့်လိုက်သည်ဆိုရင်ပဲ ကျန်းခဲ့ရဲ့မက်ဆေ့ကိုတွေ့လိုက်ရသည်။
[ခုနလေးက memeကလည်း အောက်လိုက်တာကွာ၊ ငါတော့ ရှက်လို့ခြေချောင်းတွေတောင်ကုပ်ကုန်ပြီ]