9

14.3K 2.3K 21
                                    

Unicode

“ကျွန်တော်တို့ကြားက သခင်-အစေခံစာချုပ်ကို ပယ်ဖျက်လို့ရနိုင်တယ်..”

သူ့ဘဝရဲ့ အဆိုးဆုံးကပ်ဆိုက်မှု သေဘေးအန္တရာယ်နဲ့ နီးကပ်လာချိန်မှာတော့ ရွှယ်ယို့ရှန်းရဲ့ ဦးနှောက်လေးက ယခင်နဲ့မတူအောင် မြန်မြန်ဆန်ဆန် အလုပ်လုပ်လာခဲ့တယ်။ တတိယရွေးချယ်မှုတစ်ခုကို ထုတ်သုံးလိုက်ရင်း ရင်းဆုယဲ့ရဲ့ သတ်သေမယ့် အစီအစဉ်ကို တားဆီးလိုက်တယ်။

ရင်းဆုယဲ့ကို သခင်-အစေခံစာချုပ်သုံးပြီး တိုက်ရိုက်အမိန့်ပေးလို့ရပေမယ့် အဲ့လိုသာလုပ်လိုက်ရင် ကိုယ့်မျက်နှာကိုယ် ပြန်ဖြတ်ရိုက်လိုက်တာနဲ့ ဘာမှမခြားတော့ဘူး။ တကယ့်ကို ကသိကအောက်ဖြစ်စရာပဲ..!

ပြီးတော့ ဖိအားပေးပြီး အမိန့်နာခံခိုင်းတာက အန္တရာယ်ကင်းတယ်ဆိုပေမယ့် သူနဲ့ရင်းဆုယဲ့ကြားက ပြေလည်နိုင်မယ့် အခွင့်အရေးကို လုံးဝဆုံးရှုံးရလိမ့်မယ်။ ရင်းဆုယဲ့ရဲ့ ‘မကွဲနိုင်တဲ့မြေအိုးထက် အက်ကွဲရာတွေနဲ့ ကျောက်စိမ်းအိုးပဲ အဖြစ်ခံမယ်..” (အရှက်ကွဲရမှာထက် အသေခံလိုက်တာ ပိုကောင်းတယ်) ဆိုတဲ့စိတ်ဓာတ်ကြောင့် မဟာရန်သူတော်တွေ ဖြစ်သွားရလိမ့်မယ်။

မရေမတွက်နိုင်တဲ့ အချက်အလက်တွေက အဓိကဇာတ်ကောင်ထက် ဗီလိန်ရဲ့ မုန်းတီးခြင်းကို ခံရတဲ့လူက အဆုံးသတ်ကောင်းမှာ မဟုတ်ဘူးဆိုတာ ရွှယ်ယို့ရှန်းကို ပြောပြလို့နေတယ်။ ဒီအတိုင်းသေသွားရင် ကိစ္စမရှိပေမယ့် သေတာထက် ပိုဆိုးရွားတဲ့ကိစ္စတွေ ရင်ဆိုင်ရရင်တော့ ကြောက်စရာကြီး။

ဘယ်တစ်ခုကိုရွေးရွေး မှားယွင်းနေတယ်လို့ ခံစားနေရတာကြောင့် ရွှယ်ယို့ရှန်းလည်း ရွေးချယ်ရမယ့်အချိန်မှာ တုံ့ဆိုင်းနေခဲ့တယ်။ သေခြင်းတရားနဲ့ နဖူးတွေ့ဒူးတွေ့ ကြုံရမယ့် အချိန်ရောက်လာတော့ အလိုက်သင့်လှုပ်ရှားဖို့ပဲ တတ်နိုင်တော့တယ်။ ဒါက အသက်ဆက်ရှင်နိုင်မယ့် အခွင့်အရေးပဲ။

“ဟမ်..?”

ရင်းဆုယဲ့ရဲ့အမူအရာက ပြောင်းလဲမှုမရှိခဲ့ဘူး။ ရွှယ်ယို့ရှန်းကိုလည်း သူ မယုံကြည်နိုင်သေးဘူး။

ဝိဉာဉ်ကူးပြောင်းခဲ့ပြီးနောက် သောက်တလွဲတွေဖြစ်ကုန်ပြီ!Where stories live. Discover now