I'm Born as an Eryndor! (Season 1&2)

Chapter 4

#CHAPTER04

Tagumpay akong nabinyagan. Ngayon ay isa na akong ganap na myembro ng Imperial family. Ang akala ko ay tapos na 'yon. Kahit sila na ang mag-attend ng party pero nagkakamali pa ako. Hindi pa pala natatapos doon.

Tahimik lang ako habang karga parin ako ni Vencel. Naglalakad naman kami patungo sa isang malawak na balkonahe ng palasyo. May dalawang butler sa nakatayo sa magkabilang gilid ng pinto patungong balkonahe na para bang hinihintay ang pagdating namin. Nang malapit na kami doon ay gumalaw sila saka binuksan nila ang pinto hanggang sa narating namin ang balkonahe.

Napasinghap ako nang tumambad sa akin ang mga tao sa labas ng Palasyo. Sabay-sabay silang nagsihiyawan nang makita nila kami dito. I could feel the genuine smile and laughs within their voices. Para bang natutuwa sila nang ipinanganak ako sa mundong ito. I wanted to know why. It's because I'm the first princess? That I will be the one who could save the Empire like what they said? That I could bring the victory? What?

"Nakikita mo ba kung gaano sila katuwa, mahal na prinsesa?" bulong ni Vencel sa aking tainga. "Natutuwa sila dahil mayroon ulit silang mamahalin bukod sa amin."

Hindi maalis sa mukha ko ang pagtataka. Ako? Mamahalin nila? Mamahalin nila ang isang tulad ko kahit na alam nila na galing ako sa pamilya na ito? This royal family were tyrant and merciless when it comes to kill someone. They never forgive if someones mess up with them. Mamahalin pa kaya?

I could still hear the cheers of happiness in the crowd. They even throw a plenty of flower petals in the air.

"Malalaman mo din kung bakit ka nila minahal, aking prinsesa." nakangiting segunda pa niya.

Ibinalik ko ang aking tingin sa mamamayan ng Cyan. Sumilay ang isang ngiti sa aking mga labi at inangat ko ang isa kong kamay, hindi man perpekto pero nagawa ko pa rin kumaway sa kanila. Mas lalo lumakas ang hiyawan sa paligid. Mas lalo sila natuwa sa inasta ko.

Pagkatapos naming nameet ang Cyanian sa labas ay bumalik na kami sa loob para umpisahan na ang party kahit sa totoo lang ay wala na ako mood. Expectations ko lang kasi makakapagpahinga na ako sa kuwarto ko pero hindi. Muntik ko na din makalimutan na may importante pala akong gagawin ngayon. Kailangan kong makilala ang mga tao mula sa royal families, kahit ang royal family mula sa mga kabilang Imperyo.

Tinatawag ang mga pangalan nila saka ipinirisinta ang mga kanilang sarili sa harap namin, kasabay na ibibigay nila ang mga regalo nila para sa akin. Hindi ko mawari na sadyang mamayaman talaga sila. Puros mga alahas, mga rare items at mga mamahaling damit ang mga dala nila para sa akin. Dahil hindi ako pupwedeng tumanggap nang direkta mula sa kanila ay mga maid at butlers nalang ang tumanggap saka dadalhin sa aking kuwarto. Habang ako ay nasa kandungan ni Vencel. Ang mga kapatid ko naman ay nasa kani-kaniyang trono.

Ughh, medyo nakakapagod din pala itong ginagawa ko. But so far, wala pa naman akong nakikitang kahina-hinala. But I won't let my guard down. Baka malay mo, nagbabait-baitan lang sila sa harap ko pero sasaksakin lang ako patalikod.

"Inaanunsyasyon namin ang Prinsipe Calevi mula sa Kahariang Severassi!"

Pero bigla ko narinig ang pagsinghap at bulung-bulungan sa buong silid, para bang hindi sila makapaniwala sa kanilang nakikita. Agad ko iyon sinundan ng tingin.

Nasa harap namin ang isang batang lalaki. Magarbo ang kaniyang kasuotan. He has a fair skin. Pero ang nagtawag-pansin sa akin ay ang dark ash blonde niyang buhok, and his ocean blue eyes. Seryoso ang kaniyang mukha pero ramdam ko sa kaniyang mga mata ang kalungkutan. Huh, bakit?

May isang lalaki na nakasunod sa kaniya na may dalang maliit na kahon. Lumuhod sila pareho sa aming harap. "Ikinagagalak ko makilala ang pamilyang Eryndor. Hayaan ninyong ipakilala ang aking sarili, ako si Calevi Levanadel mula sa Kahariang Severassi. Ikinagagalak kong maimbitahan sa magarbong kasiyahan ng pagbibinyag sa nag-iisang prinsesa ng Cyan."