Hedgehog And Tiger [Myanmar Translation]

|17|

[Unicode]

"ဒါနဲ့ ငါ မင်းအတွက်ပစ္စည်းအသစ်လေးတစ်ခုဝယ်လာတယ်"

ယန်ထန်က ဟယ်ရှင်းချွမ်ကိုကြမ်းပြင်ပေါ်ထိုင်ချခိုင်းလိုက်ပြီး၊ ပါလာတဲ့ကလစ်နဲ့ ဟယ်ရှင်းချွမ်ရှေ့ဆံပင်တွေကိုအပေါ်လှန်တင်လိုက်တယ်။

ဟယ်ရှင်းချွမ်မျက်လုံးတွေက အထိမခံနိုင်ဘူး၊ ယန်ထန့်လက်နဲ့ထိမိချိန်မှာ ထပြေးဖို့ရုန်းကန်တယ်။

"မလှုပ်စမ်းနဲ့၊ ထန်ကောရိုက်တာခံချင်လို့လား?"

ထိုင်ခုံနဲ့နဲ့ဟာဝေ့ယမ်းလို့သွားတယ်၊ ဟယ်ရှင်းချွမ်က ယန်ထန့်ခါးကိုအမြန်လှမ်းဖက်တယ်။
ယန်ထန်ပြုတ်ကျမှာကြောက်မိလို့လေ။
လူငယ်လေးဟာ မပိန်ပါဘူး၊ ခန္ဓာကိုယ်ပေါ်ရှိကြွက်သားတွေဟာ ပြီးပြည့်စုံလွန်းတယ်။
သို့သော်လည်း ခါးကတော့သေးသွယ်တယ်၊ အားထည့်ထားတဲ့လက်ဖဝါးကနေတဆင့် ခံစားသိရှိနိုင်တယ်။

ဒီလူရဲ့ကိုယ်နံ့သင်းသင်းလေးဟာ သူနဲ့နီးကပ်နေခဲ့တာ။

ဖွင့်ထားတဲ့မျက်လုံးပေါ်ကို ခပ်အေးအေးအရာတစ်ခုဝင်ရောက်လာတယ်။

ဟယ်ရှင်းချွမ်က မျက်လုံးပုတ်ခပ်ပုတ်ခပ်လုပ်လိုက်ကာ၊ မြင်ကွင်းကတော့ကြည်လင်သွားခဲ့ပြီ။

ယန်ထန့်မျက်နှာက သူနဲ့အနီးမှာ၊ ပုံမှန်သေချာမမြင်ရတဲ့အစိတ်အပိုင်းတွေကိုတောင်တွေ့မြင်နိုင်သေး။
အထူးသဖြင့် မျက်လုံးစူးစူးတွေ။

"ဘယ်လိုနေလဲ?"

"ကြည်တယ်"
ဟယ်ရှင်းချွမ်က မျက်တောင်လေးခတ်ပြရင်း
"အေးလည်းအေးတယ်"

"မလှုပ်နဲ့ဦး၊ ငါ နောက်တစ်ခုပါတပ်ပေးမယ်"

ဟယ်ရှင်းချွမ်က မချိပြုံးလေးသာပြုံးနေရင်း
"အဲ့ဘက်ကမြင်ရတာမှမဟုတ်တာ၊ တပ်လည်းဘာမှမထူးပါဘူး"

"ဟေး! ထန်ကောက မင်းကောင်းဖို့လုပ်ပေးနေတာ၊ ဘာတွေဂျီးများနေတာလဲ?"

ယန်ထန်ကပြောရင်းနဲ့ပဲ ကျန်တဲ့မျက်ကပ်မှန်တစ်ဖက်ကိုကောက်ယူနေတယ်။

ဝေဝါးနေတုန်းက မမြင်ခဲ့ရဘူး။
အခုတော့ ယန်ထန့်လှုပ်ရှားမှုတွေကိုသဲသဲကွဲကွဲမြင်နိုင်ပြီ။
လက်သီးဆုပ်ထားချိန်မှာ တစ်ဖက်လူသွားကျွတ်အောင်ထိုးတတ်တဲ့လက်တွေ၊ အခုတော့ မျက်ကပ်မှန်လေးကို တုန်တုန်ယင်ယင်နဲ့ကိုင်နေတယ်။