هوس الأسد

البارت السادس عشر

بعد اسبوعين....

سرور....بعد مشيت جبل والحفلة مشت حياتنه حلوة
من صدك بدت تتحسن حياتي....

يوسف مناسيته دائما اقرالة فاتحة واصلي اله..

وعلي ماكو منه وياي صح ميحجي هواي بس يحاول
يعبرلي عن حبه ....

كعدت فد يوم الصبح كلهم طالعين باقين بس اني وريم ....

سرور....صباح الخير

ريم...صباح النور يروحي

سرور...قلبي اكلج

ريم...كولي

سرور....بربج سوي شيخ محشي (مثل الدولمه او ورق العنب بس خيار محشي )....

ريم...من هاي العين قبل هاي العين...

سرور...من فدوة لعيونج الحلوات خن اروح اخبز ونتي سوي ..

ريم...يي ماشي

سرور..رحت اخبز عجنت وعفت العجين يختمر رحت للغرف اعدلهم كملت تعديل ركض ركض...

ولبست شال وتحزمت😂

وطلعت اخبز ..بدينه نفوت بفصل الشتاء وشوي اها كسر الجو ..

مرات اصفن واكول البصرة الله غاضب عليهة من الحر ههههه

المهم ...عجنت وبديت اخبز ...لهناك واجه علي بتسمت وكملت

علي....الله يساعدهم

سرور...ويساعدك

علي...يي يابة شلونج

سرور...على الله حمدلله

علي ..... شتكولين اليوم اطلعكم

سرور...بسرعة كمزت...كول والله

علي...والله شبيج وداعتج

سرور...وين وين

علي...كيفج تردين افركم تشترون كلشي بنفسكم لو بالمطعم لو وين متردين

سرور....فدوة خنروح مطعم

علي...تدللين لعد كولي لريم همين

سرور...عادي اكول لسارة وهوس

علي...ولج اني ماخذج علمود اونسج كولي للي تردين

سرور....ياا يابةة شكد اعشكك

علي....يابت الناس كعدي راحة ترة كوة صابر عليج

سرور...لا لا ههههه كعدت راحه

علي....دتخبزين

سرور...يي اوكف خل اسويلك خبزاية صغيرة

علي...يلة

سرور...سويت خبزة صغيرة  وخطيتهة وطيتيها

علي....عاشت ايد مريتي

سرور....عليي اسكت ترة اخجل

علي...يروح فدوة علي لليخجل

سرور.....حطب ترة